Yaahaya 15:10 - Hapari Zooshapweya

¹⁰ Amana mweeyo mwishututela oruma waka mwiniiya nkatthi wa pheta yaka, nkhama etthiipo na miiyo kinshututelaaye oruma wa Paapa na kiiyiyeeyo nkatthi wa pheta yawe.

Yaahaya 15:10 Mawu Ofanana

Olaawo 7:6

Munsa na Haruni khuretta etthiipo Nnyizinku awaarumiyeezo.

Yaahaya 10:18

Khina anikinyakanyaaye, ila miiyo kininkha khwa matakhelo aka ooshi. Kinaaye ruhusa ya winkha na othuula. Oruma opo kapokhera wa Paapa.”

Yaahaya 12:49

Akinjilupa miiyo, ila Paapa otu akirumiyeeyo ti akirumiyeeyo etthu yoolupa na olaleya.

Yaahaya 14:15

“Nkhama mweeyo mwinikipheta, mwinteela oshututela oruma waka.

Yaahaya 14:21

Otule ansiilaaye oruma waka na khushututela oto ti anikiphetaaye; na otule anikiphetaaye oniiya woophetiwa ti Paapa, na miiyo theenya kininpheta na kinjithoonyeza khwa ye.”

Yaahaya 14:23

Yinsa khujipu yoori: “Nkhama ntthu onikipheta, onshututela mattakhuzi aka na Paapa ontta ompheta. Paapa na miiyo nintta wiikhala na ye.

Yaahaya 14:31

nakataalikha yoori atthu a voolumwenku ojuwe yoori miiyo kininpheta Paapa, enikihithajiya oretta etile akirumiyeeyo. Lankhani, nileevo apha.”

Yaahaya 17:4

Miiyo koosifu vathi, kimariselaka khaazi okinkhiyeeyo oretta.

Yaahaya 4:34

Yinsa khuri: “Etthu yoojiwa yaka oretta matakhelo a otule akirumiyeeyo okhola khaazi zawe.

Yaahaya 8:29

Otule akirumiyeeyo ori vamote na miiyo, ye khakilikheeni wiiya otthome, maana wakhula wakathi kinretta etile enintuvelaaye.”

Yaahaya 8:55

Mweeyo khamwininjuwa, ila miiyo kininjuwa. Eriwaka keettiye olupa yoori akininjuwa, kaari wiiya namahata nkhama mweeyo, ila miiyo weekhweele kininjuwa na kinshututela nttakhuzi lawe.

1 Akorintiyu 7:19

Okhiriya khuna maana na ohikhiriyi theenya khahi hatha etthu, ila etthu ya fwayita oshututela oruma wa Nluku.

1 Atizaloonika 4:1

Wiishela waya attwiizetthu, noonozelani nanna ya wiikhala khwa ontuvelisa Nluku, na wekhweele, mweeyo mwineettetta etthiipo. Nasaapi ninuuvekelani na ninuutumerelani mweeyo khwa Mbwana Yinsa yoori mwiwulele etthiipo theenya wakhula swaafu.

Meepereewu 7:26

Nanna ya haakhimu nwulu wa tiini naari onhithajiyaaye oniiya nkhama toono: nttakatthifu, woohiina paathuli, watwahara, woophakuwana na anatwampi, woottitthimisiwa zayita pinku.

2 Pheeturu 2:21

Afwataali ahaazeeni ojuwa tarikhi ya shariya, ehiiyeeni paata ya ojuwa khunoza enyokonyoko oruma ttakatthiifu opule apokhereliyeeyo.

1 Yaahaya 2:3

Onjuwa weetthu Yinsa onjuweya amana nishututela oruma wawe.

1 Yaahaya 2:5

Ila ntthu anshututelaaye mattakhuzi awe, oto khweele pheta ya Nluku yankamilikhela vakatthi vawe. Khwa ethiito, ninjuwa yoori niri khwa ye:

1 Yaahaya 2:6

otule anraaye onlipana ye, oto ona yaweettetta nkhama ye eettettiyeezo.

1 Yaahaya 5:3

Ompheta Nluku oshututela oruma wawe, na oruma wawe khahi woolipa oshututela.

Othoonyeziwa 22:14

“Ooparikhiyiwa pi apale anfulaaye kuwo zaya, na etthiipo ana ruhusa ya muutthi wa ohaayi na anwahi ovira mmilako wa sitati.