Yaahaya 14:6 - Hapari Zooshapweya

⁶ Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 14:6 Mawu Ofanana

Matewuzhu 11:27

Vitthu zooshi kenkhiwa ti Paapa. Khina aninjuwaaye Mwaana woohiiyi Paapa, na khina aninjuwaawe Paapa woohiiyi Mwaana na otule Mwaana anintakhelaaye onthoonyeza.

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 1:17

Maana kano zatiisiwa khwa vakatthi wa Munsa; rehema na haakhi yata khwa Yinsa Al-Masiihu.

Yaahaya 1:4

Ohaayi waari nkatthi mwawe, ohaayi opo waari nuuru ya anaatamu.

Yaahaya 10:28

Miiyo kininkha ohaayi wa mileele; wala khazimpwetheya na khaavo anttelaaye olazamo mmakhono mwaka.

Yaahaya 10:7

Yinsa khurutela owooza theenya yoori: “Miiyo kiniwuuzani khweele yoori: Miiyo ki nlako wa pwittipwitthi.

Yaahaya 10:9

Miiyo ki nlako; otule anviraaye khwa miiyo ontta wuusurukha. Na onaaye ruhusa ya ovira khusaruwa na onsikana nnyepu.

Yaahaya 14:19

Khwa wakathi vattitthiiru atthu a voolumwenku khanteela okoona theenya, ila mweeyo mwinlawa mwakoone. Mwaasa wa miiyo wiiya haayi, na mweeyo mwinlawa mweeyane ohaayi.

Yaahaya 15:1

Yinsa khulupa yoori: “Miiyo ki nrayi wa wuuva weekhweele, Paapa namalima.

Yaahaya 18:37

Aphano Pilaatu khulupa yoori: “Khupe weeyo o mfwalume.” Yinsa khunjipu yoori: “Weeyo ti onlupaaye yoori ki mfwalume. Miiyo kavokoleliwa ethiito na ti ethiito ekitaniyeeyo voolumwenku, yoori kite kilawele oshaahiti wa haakhi. Wakhula otule eeyiye wa haakhi onsiila huula yaka.”

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

Yaahaya 6:33

Maana phaawu ya Nluku ti otule eeshukhiyeeyo pinkuuni khwinkha ohaayi olumwenku.”

Yaahaya 6:51

Miiyo ki phaawu ya ohaayi yiishukhiyeeyo pinkuuni. Ntthu amana aja phaawu yaya eto, ontta wiiyana ohaayi wa mileele na phaawu kininkhaaye olumwenku yoori wiiyane ohaayi, mwiili aka.”

Yaahaya 6:57

Nkhama Paapa akiperekhiyeeyo eeyiyeeyo haayi, na miiyo kiniikhala mwaasa wa ye. Khwa etthiipo otule anrafunaaye mwiili aka oniiyana ohaayi mwaasa wa miiyo.

Yaahaya 6:68

Simawu Pheeturu khujipu yoori: “Ninttela onlotta paani? Weeyo onaaye mattakhuzi a ohaayi wa mileele.

Yaahaya 8:32

na mwinttela ojuwa haakhi, na haakhi ethiito entta wuutaphulani.”

Yaahaya 8:51

Miiyo kiniwuuzani khweele yoori, otule anshututelaaye nttakhuzi laka khanteela woona ofwa.”

Khaazi 3:15

Mweeyo khumuula mweenyewe ohaayi, ila Nluku khunsisimula muufwa fweeyo na mashaahiti a vitthu zaya epo.

Khaazi 4:12

Khaavo ntthu nkina wala nzina likina linwahaaye owoosuru atthu vathi apha wooshivo, woohiiyi nzina la Yinsa.”

Khaazi 9:2

khunvekela warakha ya ruhusa yoori alawe mmasinakooka ya sitati ya Tamaashiku, amana awaasikanamo anamalottela a Yinsa, waaza alume mpakha aakha awaathuule awaalawane Yeruzaleemu awaatthe nkalapooso.

Arooma 15:16

ya wiiya karumeya wa Al-Masiihu Yinsa khwa amalapo, nkhama khaazi ya ohaakhimu ya olaleya hapari za Nluku, yoori amalapo aretteye wiiya zaakha yookhupaliwa ti Nluku, oottakatthisiwa ti Rooho Ttakatthiifu.

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

Ayeefezu 2:18

Maana khwa ye mweeyo na fweeyo ninaaye ruhusa ya paapa khwa Rooho moote paasi.

Akoloosu 2:17

Maana zooshi epo mwiivuuli wa vitthu zaari weettelaaye ota; ila khweele yaya empattikhana khwa Al-Masiihu.

Akoloosu 2:9

Maana khwa Al-Masiihu, nkhama pinaatamu, eri khwa ye ephattu yookamilikha ya Nluku,

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

Meepereewu 7:25

Tiito, ye onaaye owahi mileele wa owoosuru apale animwaattamaaye Nluku khwa ye, maana meekhazi awe ooshi aniiya a owaavekelela yo.

Meepereewu 9:8

Khwa nanna etthiipo, Rooho Ttakatthiifu yaari othoonyeza yoori nalelo yaari ehinapuwewo tarikhi ya puuro ttakatthiifu, mwaasa wa wiiyavo mwimpari opule wamwanzo.

1 Pheeturu 1:21

Khwa ye mweeyo mwankhupali Nluku, otule ansisimuliyeeyo muufwa na khunttitthimisa, khwa nanna yoori amini na nroromelo enu wiiye khwa Nluku.

1 Pheeturu 2:4

Khwa khiima mwinimwaattamaaye ye, liwe haayi likatthaliweeyo pi anaatamu, ila lithawuliweeyo ti Nluku na lootafikhana khwa ye,

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Yaahaya 1:8

Nkhama ninjilupeza ohiina twampi, nintta ojittettekha na nkatthi mweetthu khayiimo haakhi,

1 Yaahaya 2:23

Wakhula otule aninkatthalaaye Mwaana khari vamote na Paapa; ila otule anintukhurwaaye Mwaana, ona vamote na Paapa.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

1 Yaahaya 5:6

Otu ti otule atiiyeeyo khwa maati na taamu, Yinsa Al-Masiihu. Ye khateeni na maati paasi, ila khwa maati na taamu. Na Rooho Ttakatthiifu shaahiti yoori vitthu zaya epo haakhi maana Rooho Ttakatthiifu ti ya haakhi.

2 Yaahaya 1:9

Wakhula otule ahinlipanaaye masomi a Al-Masiihu, na anzitisaaye, khana Nluku; ila otule anlipanaaye ona Paapa na onaaye Mwaana.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Othoonyeziwa 19:11

Khoona pinku efukuwiye na omaasho waka eriwo khavalo yoolakala, nakhavalo aya aari wiitthiwa Waamineya na Haakhi, ye omphuka na onuumana khwa shariya.

Othoonyeziwa 20:15

Apale mazina aya ahaasikaniweeyo nkithaapu ya ohaayi khweeseleliwa va ntthatta la moottho.

Othoonyeziwa 22:1

Aphano nlayikha khukithoonyeza muuttho wa maati a ohaayi, a wooneela nkhama suupha, aari wittikhaaye va khukulu ya Nluku na ya Pwittipwitthi,

Othoonyeziwa 22:17

Rooho na namaposiwa anri: “Ote!” Na wooshi otule anttelaaye osiila alupe yoori: “Ote:” Otule ariina nnyottha, ate; na otule antakhaaye, anywe maati a mahala a ohaayi.

Othoonyeziwa 3:14

“Khwa ojama wa Nluku wa Lawotiseeya waatikhe yoori: Apa mattakhuzi a Amiina, oshaahiti wa waamineya na wakhweele, mfwalume nwulu wa wumpa wa Nluku.

Othoonyeziwa 3:7

“Khwa ojama wa Nluku wa Filateelifiya waatikhe yoori: Apa mattakhuzi a otule eeyiye nttakatthifu na nkhweele, ariina efukulo ya Daawuuda. Etile ye anfukulaaye khina anwahaaye ofuka, na etile ye anfukaaye khina anwahaaye ofukula.