Yaahaya 13:14 - Hapari Zooshapweya

¹⁴ Aayo, pi etthiipo miiyo kiiyiye Mbwana na Mwaaliimu enu, kawoosani moolu, na mweeyo theenya mwina ya woosaana moolu mmote na nzaawe.

Yaahaya 13:14 Mawu Ofanana

Yaahaya 11:2

Mariyamu otu, nlupuwe Laazaru aari olwaaziwaaye, ti otule aavaaziyeeyo mafuttha oonukhela moolu a Yinsa khukukuttha na nyuuli zawe.

Khaazi 20:35

Zooshi kirettiyeezo, miiyo koosomisani yoori khwa khaazi zoolipa nina ya owaawuni apale oothowiwa, nifikhirelaka mattakhuzi apale alupiyeeyo Mbwana Yinsa yoori: ‘Wooparikhiyiwa ti otule aninkhaaye zayita otule aninkhiwaaye.’ ”

Arooma 12:10

Mwijinkhe mmote na nzeenu nkhama pheta ya ntthu na ttwiiye. Mwihithari owaakhirimu azeenu zayita mweeyenaru.

Arooma 12:16

Mwiiyane osiilana na azeenu. Mwihiiye atthu oojikhupali, ila mwiiye oolikana khwa okusanyeya na atthu apale ohoonelewi vahali. Mwihijoone wiiya ajuwi.

1 Akorintiyu 12:3

Tiito, miiyo kinlupa yoori khaavo anttakhulaaye khwa Rooho ya Nluku anlupaaye yoori: “Yinsa eeye Woolanikha!” Na khaavo anlupaaye yoori: “Yinsa ti Mbwana,” woohiina Rooho Ttakatthiifu.

1 Akorintiyu 8:13

Nakataalikha, nkhama etile miiyo kinjaaye enintapanya ttwiiyaku, akinteela oja theenya nyama, yoori kihintapanye ttwiiyaku.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

2 Akorintiyu 8:9

Maana mweeyo mwinjuwa rehema ya Mbwana eetthu Yinsa Al-Masiihu, ari thaajiri, ila khujiretta wiiya masikhini mwaasa wa pheta yenu, yoori vakatthi wa osikhini aya, mweeyo mwiretteye wiiya mathaajiri.

Akaalata 5:13

Maana mweeyo attwiizaku, mwakhuweliwa yoori mwitaphuliwe. Otaphuliwa waya opo mwihirumeyele khwa winkha kiphenyo tuvela za onaatamu, ila mwirumeyelane mmote na nzeenu khwa pheta.

Afiliipu 2:11

Na malimi ooshi atukhuru yoori Yinsa Al-Masiihu ti Mbwana, khwa siifwa ya Nluku Paapa.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

Meepereewu 12:2

Maasho nithoonyeze wa Yinsa, otule eeyiyeeyo namawaza na mweenyewe amini yeetthu. Ye avilela ofwa vansalapa, khuhinjali haaya etile yaariivo, ajuwaka furaha yaari onwejelaaye. Paata ya ohoowa ye eekhala nkhono nlume wa khukulu ya Nluku.

1 Pheeturu 4:1

Nakataalikha, nkhama etthiipo Al-Masiihu ohoowiyeevo mwiili awe, theenya wuupuwela weenu mwitthenkeze nanna moote, maana otule ahoowiyeeyo khwa mwiili awe onlikha oshinttiwa ti twampi,

1 Pheeturu 5:5

Khwa nanna ethiito, mashaapu awaashitahi attunkhulu. Mooshi mwiiye ojipushuwisa mmote na nzeenu, maana Nluku khantuveliwa pi apale oojikhupali, ila oniwenkha rehema apale oojipushuwisa.