Yaahaya 12:6 - Hapari Zooshapweya

⁶ Ye khaalupiye toowo mwaasa wa wiiyana huruma na asikhini, ila mwaasa wa wiiya nantarawu, na tiye aari opwehaaye nfukho wa nzurukhu, amana otthiiwamo eetta olazakamo.

Yaahaya 12:6 Mawu Ofanana

Matewuzhu 21:13

Khuwooza araka: “Yaatikhiwa yoori: ‘Nyuupa yaka enttela wiitthiwa nyuupa yoolompiwamo’, ila mweeyo mwaretta wiiya puuro ya manantarawu.”

Luuka 8:3

Zhuwaana muukha wa Kuuza, nsatoro wa vaje wa Herooti, Suzaana na aakha akinoko aari ontthanttaaye Yinsa na vitthu zaya vamote na anakhiyoni awe.

Yaahaya 10:13

Ye ontta otthira maana ontta opokhera na khanjali pwittipwitthi zaya.

Yaahaya 12:5

“Ahoozanyisiwe mafuttha aya apo nzurukhu aya enkhiwa asikhini? Nzurukhu aya waari weettela wiiya miiya ttatthu wa paratha!”

Yaahaya 13:29

Maana Yuuda ti aari opwehaaye nfukho wa nzurukhu, akina aari waakanyera yoori Yinsa amuuza olawa wuuzanya vitthu zooretteliwa njampo, ama yoori alaze etthu awinkhe asikhini.

1 Akorintiyu 6:10

wala manantarawu, asokho, ananhapaliwa, amwanomwaano wala anamattettekha khanteela orithi ofwalume wa Nluku.

Akaalata 2:10

Yo aanihirimiziye ohiwaasahawu asikhini, na ti etthu kaajilipisaniyeeyo oretta.

1 Atizaloonika 5:22

Mwiphakuwanane vitthu zooshi zootakhala.

Tiyaaku 2:2

Mmwithukumano mweenu, amana atamo mwinyi awaliye peetthe ya weero na kuwo zooshapweya, theenya khutamo masikhini awaliye kuwo zoothuwa na zoonyakhuwa.

Tiyaaku 2:6

Ila mweeyo mwintta owaatarawu asikhini. Mathaajiri khahi atthaapo anuuvehisaanini? Khayi atthaapo anuuthulanini wuulawanani ophukiwa?