Yaahaya 12:43 - Hapari Zooshapweya

⁴³ Maana yo waari owaatuvela venkivene osifwiwa pi atthu zayita osifwiwa ti Nluku.

Yaahaya 12:43 Mawu Ofanana

Zaapuura 22:29

Ananjikhupali ooshi anlawa aje na amwaaputu na ooshi apale aniishukhelaaye nkhapuri anlawa amwiinamele, na apale ahinwahaaye othokorela ohaayi aya.

Matewuzhu 6:2

“Nakataalikha, amana mwinkha zimola mwihithuule nlope khusala mwilaleya, nkhama anrettaazo manaafikhi mmasinakooka na ntarikhi, atakhaka yoori asifwiwe pi akina aya. Miiyo kiniwuuza khweele yoori yo apokhera phakari yaya.

Luuka 16:15

Aphano ye khuwooza yoori: “Mweeyo pi apale oojoona wiiya anashariya vakatthi wa atthu, ila Nluku onjuwa rooho zenu. Etile atthu anoonaaye wiiya ya fwayita, omaasho wa Nluku ti yootaraweya.

Luuka 19:17

“Mbwanaawe khunjipu yoori: ‘Waretta saana, o karumeya wa waamineya. Mwaasa yoori weeyo waamineya khwa vitthu vattitthiiru, apho onttela wiiya mfwalume wa sitati khumi.’

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Yaahaya 5:41

“Miiyo akinkhupalela siifwa za anaatamu.

Yaahaya 5:44

Mwinttela okhupali toovi mwitakhaka osifwiwa pi atthu, mwihitakhaka siifwa ya Nluku mmote paasi?

Yaahaya 7:18

Otule anjilupaaye mweenyewe oneekesa siifwa yawe, ila otule aneekesaaye siifwa ya otule amperekhiyeeyo, oto ti wa khweele; khayiivo hatha etthu yoovonyeya vakatthi vawe.

Yaahaya 8:54

Yinsa khuwaajipu yoori: “Nkhama kintta ojisifu, ojisifu waka khuna maana. Paapa otule mweeyo mwinraaye ‘Nluku eetthu,’ ti anikisifwisaaye.

Arooma 2:29

Wala! Yaahuuti ti otule eeyiye yaahuuti nkatthi mwawe, na okhiriya khaamili pi opule wa nroho, onrettiwaaye ti rooho ya Nluku, ohinrettiwaaye ti kano zawaatikhiwa. Na siifwa ampwekherelaaye atthu apo khinlankha mmakhono wa anaatamu, enlankha wa Nluku.

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

1 Akorintiyu 4:5

Nakataalikha, mwihiphuke hatha etthu ohinafiye wakathi khwaamili; mwiwejele mpakha Mbwana ate. Ye onsarulela nnuuru epile zoovithiwa n'yiiza na onthoonyeza shawuri za nroho. Wakathi opo, wakhula ntthu onlawa apwekherele okhupaliwa wawe wa Nluku.

2 Akorintiyu 10:18

Maana khankhupaliwa otule anjikhupalaaye, ila otule ankhupaliwaaye ti Mbwana.

1 Atizaloonika 2:6

Wala khanineekesa osifwiwa pi anaatamu, wala mweeyo ama akina.

1 Pheeturu 3:4

Olikha toowo, oshapweya weenu mweeyo ona ya wiiya nroho, maana opo khunaashikha; oshapweya onthoonyezeya khwa rooho ya ojipushuwisa na yawiitthaala, ona fwayita khuluyeene omaasho wa Nluku.