Yaahaya 12:20 - Hapari Zooshapweya

²⁰ Khwa atthu apale aalawiyeeyo omwaaputu Nluku onjampo la Paashikowa akina aari akereeku.

Yaahaya 12:20 Mawu Ofanana

Maaruku 7:26

Muukha otule aari nkereeka ya siiro-fineesiya aavokoliweewo, khusala anvekela Yinsa yoori amwiikare sheethwani aari mmwiili wa mwanawe.

Yaahaya 12:1

Siikhu sitha ehinafiye siikhu ya Paashikowa Yinsa eettiye Betaaniya, ottuukho aari wiikhalaawo Laazaru, otule Yinsa ansisimuliyeeyo muufwa.

Yaahaya 12:19

Aphano mafwarizeewu khusala oozana yoori: “Khanipattheenivo etthu. Nkoonani olumwenku wa atthu ontta onlottelela.”

Yaahaya 7:35

Mayaahuuti khusala oozelana atthaaporu yoori: “Ontta vayi mwinyi aya otu nihinttelaaye onsikana? Talili onttela wiikhala na mayaahuuti apale aniikhalaaye malaponi, ama onttela owaasomisa akereeku?

Khaazi 14:1

Paawulu na Baranabe sitati ya Ekooniyu eettiye nsinakooka ya mayaahuuti. Nttumpho khusala attakhula mpakha khufiyelela atthu enkeene onkhupali Yinsa waaza mayaahuuti mpakha amalapo.

Khaazi 16:1

Paawulu khuthotola Teerepe khuvikanela Liishitera, ottuukho aari wiikhalaawo nakhiyoni mmote aari wiitthiwaaye Timootiyu. Mamaawe aari yaahuuti namalottela wa Yinsa ila papaawe aari nkereeku.

Khaazi 17:4

Mayaahuuti akina aya khukhupali mattakhuzi apale khukusanyeya na Paawulu na Siila, na akereeku awaatta a rooho ya omoova Nluku, na aakha ooshitahiwa.

Khaazi 20:21

Kiwaatafusirelaka venkivene mayaahuuti mpakha akereeku yoori ankhupali Nluku athupwiye na amwaamini Mbwana eetthu Yinsa.

Khaazi 21:28

Khusala anyakulaza alupaka yoori: “Meezirayiilu, mwinaawuni! Mwinyi otu ti othuutu aniwaasomisaaye atthu a phantte zooshi alupaka vitthu zoohata khwa khapila ya Ezirayiilu, akufurwelaka puuro eti na athanyaka kano za Munsa, theenya oniwaavirisa makereeku Nnyupa Woosifwiwamo.”

Khaazi 8:27

Filiipe khulankha khusala alawa. Ntarikhi khunsikana mwinyi mmote wa Etiyoopiya woohimemi, alankhaka Yeruzaleemu eettaka owawe. Oto aya aari nakhaazi nwulu enkhiweeyo othokorela nzurukhu wa Rayisi nwulu wa Etiyoopiya, Eettiye Yeruzaleemu omwaaputu Nluku.

Arooma 1:16

Khinkipatthisa haaya olaleya hapari zooshapweya, maana owahi wa Nluku oniwoosurwaaye ooshi apale ankhupalaaye, amwanzo mayaahuuti mpakha amalapo.

Arooma 10:12

Khawiivo ofwarikhana khwa mayaahuuti na amalapo, maana Mbwana othuuto mmote ti Mbwana wa atthu ooshi na oniwaaparikhiya saaneene ooshi apale aninkhuwelaaye,

Akaalata 2:3

Ila wala Tiitu, otule kaarina, khooziwe yoori akhiriye, eeyiyeru pure nkereeku.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.