Yaahaya 1:4 - Hapari Zooshapweya

⁴ Ohaayi waari nkatthi mwawe, ohaayi opo waari nuuru ya anaatamu.

Yaahaya 1:4 Mawu Ofanana

Matewuzhu 4:16

Atthu aari wiikhalaaye n'yiiza oona nuuru khuluyeene; khwa apale aari wiikhalaaye miti za mwiivuuli wa ofwa, amwasikheliwa ti nuuru.”

Luuka 2:32

Ye nuuru ya omwasikhela khapila zooshi za amalapo na siifwa ya atthu awe a Ezirayiilu.”

Yaahaya 11:25

Yinsa khulupa araka: “Miiyo ki osisimuwa na ohaayi; otule anikaaminaaye miiyo hatha nkhama eetta ofwa oniiya ohaayi,

Yaahaya 12:35

Aphano Yinsa khuwooza yoori: “Nuuru eri vamote na mweeyo khwa wakathi vattitthiiru. Mweettette wakathi otthuupu mwiriinaavo nuuru, yoori yiiza ehuusikaneni, maana ntthu aneettettaaye n'yiiza khanjuwa ohali aneettaawo.

Yaahaya 12:46

Miiyo kata voolumwenku nkhama nuuru, yoori wakhula otule anikikhupalaaye miiyo, ahijileme n'yiiza.

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 3:19

Ophukiwa waya pi opu; nuuru yata voolumwenku, ila atthu khupheta yiiza, khwiiphiiriwa ti nuuru, mwaasa wa menttezi aya aari ootakhala.

Yaahaya 5:21

Maana etthiipo Paapa aniwaasisimulaaye ananfwa na khuwinkha ohaayi, Mwaana naye oniwinkha ohaayi apale ye aniwatakhaaye.

Yaahaya 5:26

Nkhama etthiipo Paapa eeyiyeeyo mweenyewe ohaayi, amwinkha mwanawe wiiya mweenyewe ohaayi,

Yaahaya 8:12

Yinsa khurutela owooza theenya yoori: “Miiyo ki nuuru ya olumwenku; otule anikilottaye khaneettetta n'yiiza, ila oniiyana nuuru ya ohaayi.”

Yaahaya 9:5

Wiiya kiri voolumwenku, ki nuuru ya olumwenku.”

Khaazi 26:23

Yo aalupiye yoori Al-Masiihu aari oteela ohoowa na eeye wamwanzo woosisimuwa muufwa yoori athoonyeze nuuru khwa mayaahuuti mpakha amalapo.”

1 Akorintiyu 15:45

Maana Zawaatikhiwa Ttakatthiifu zinlupa yoori: “Adamu, ntthu wamwanzo, ompiwa nkhama yumpe haayi”, ila Adamu wawiishela, Yinsa Al-Masiihu, rooho eninkhaaye ohaayi.

Ayeefezu 5:14

Maana nuuru ti emmwasikhelaaye vitthu zooshi. Tiito nttakhuzi la Nluku linlupaaye yoori: “Olankhe oo weeyo onlalaaye, osisimuwe vakatthi wa atthu ofwa, Al-Masiihu ontta wuumwasikhela.”

Akoloosu 3:4

Al-Masiihu, otule eeyiye ohaayi enu, amana athoonyeziwa, aphano mweeyo theenya mwinlawa mwathoonyeziwe na ye mu ottitthima mwawe.

1 Yaahaya 1:1

Niniwaatikhelani monkoni wa Nttakhuzi la ohaayi, nttinttho laariivo thanku waaza woolumwenku, ti othuutu ninsiiliyeeyo na nimooniyeeyo na maasho eetthu na ninsapiyeeyo na makhono eetthu.

1 Yaahaya 1:2

Ohaayi wajithoonyeza; fweeyo noona na ninlawela oshaahiti na nawuuzani mweeyo monkoni wa ohaayi wa mileele, aariina Paapa na nathoonyeziwa.

1 Yaahaya 5:11

Oshaahiti aya pi opu: Nluku aninkha ohaayi wa mileele, na ohaayi aya opo ori wa Mwanawe.

Othoonyeziwa 22:1

Aphano nlayikha khukithoonyeza muuttho wa maati a ohaayi, a wooneela nkhama suupha, aari wittikhaaye va khukulu ya Nluku na ya Pwittipwitthi,

Othoonyeziwa 22:16

“Miiyo Yinsa, kaperekha nlayikha laka yoori liwinkheni mweeyo oshaahiti opu othoonyaka ojama wa Nluku. Miiyo ki Ntathaari na Ojama wa Daawuuda, na ki Phuluvulu.”