Yaahaya 1:33 - Hapari Zooshapweya

³³ Miiyo akaari onjuwa paani yaya, ila otule akirumiyeeyo omoosa na maati, khukuuza yoori: ‘Weeyo onteela woona Rooho Ttakatthiifu yiishukhaka na emmorelaka, ntthu aya oto ti anoosanaaye Rooho Ttakatthiifu.’

Yaahaya 1:33 Mawu Ofanana

Matewuzhu 3:11

“Miiyo kiniwoosani na maati yoori mwithoonyeze othupwiya. Paata ya miiyo, onta nkina ariina owahi zayita miiyo, wala akina makhaamu oothuula jampali zawe. Ye onttela owoosani na Rooho ttakatthiifu na moottho.

Luuka 3:16

Ye khuwooza ooshi apale aariivo yoori: “Weekhweele miiyo kiniwoosanani maati, ila onta nkina ariina owahi wookiziti miiyo, wala akinsuhi ofukula mikhoyi za jampali zawe. Ye onteela owoosani na Rooho Ttakatthiifu na moottho.

Yaahaya 1:31

Miiyo akaari onjuwa paani yaya, kateela omoosa na maati yoori athoonyeziwe Ezirayiilu.”

Yaahaya 14:26

Ila Namalipisela, Rooho Ttakatthiifu, eto Paapa anttelaaye omperekha khwa nzina laka, onteela wuusomisani mweeyo vitthu zooshi na wuukupuselani zooshi epile kiwuuziyeenini.

Yaahaya 3:34

Otule Nluku amperekhiyeeyo onttakhula mattakhuzi a Nluku, maana ye oninkha Rooho Ttakatthiifu woohiphimi.

Yaahaya 3:5

Yinsa khujipu yoori: “Miiyo kiniwuuzani khweele yoori, aheetteeni ovokoliwa na maati na Rooho khina anwahaaye weetta muufwalume wa Nluku.

Yaahaya 7:39

Ye aari olupa monkoni wa Rooho Ttakatthiifu etile aari oteelaaye winkhiwa apale akhupaliyeeyo. Maana nalelo Yinsa aari ahinasifwiwe.

Khaazi 1:5

Maana Yaahaya awoosani na maati, ila nkatthi wa siikhu vattitthiiru mweeyo mwinteela woosiwa na Rooho Ttakatthiifu.”

Khaazi 2:4

Ooshi khwiiya awiitaala Rooho Ttakatthiifu, khwaaza ottakhula luuka kiina khwa nanna wakhula ntthu Rooho Ttakatthiifu yaari omwinkhaazo ottakhula.

1 Akorintiyu 12:13

Maana khwa mwiili mmote paasi noosiwa khwa Rooho moote: waaza mayaahuuti, akereeku, mpakha amwiitthwaana, hatha apale ootaphuliwa, fooshi napwekhera Rooho moote paasi.