Yaahaya 1:29 - Hapari Zooshapweya

²⁹ Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Yaahaya 1:29 Mawu Ofanana

Matewuzhu 1:21

Ye onteela ompattha mwaana, weeyo ontthaje nzina la Yinsa, maana ye onteela owoosuru atthu awe khwa twampi zaya.”

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Yaahaya 1:35

Mmeesho mwaya Yaahaya aari attaaphale opheya na anakhiyoni awe awiri.

Yaahaya 1:36

Noomoona Yinsa aviraka, khuri: “Mwimoone! Oto antaaye apho Pwittipwitthi ya Nluku!”

Yaahaya 1:43

Mmeesho mwaya Yinsa khulankha khusala alawa Kalileya na khunsikana Filiipe, khumuuza yoori: “Okilotte!”

Yaahaya 2:1

Siikhu ya ttaatthu, khwiiyawo harusi Kanaani ya Kalileya. Mamaawe Yinsa aari ottuukho.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 4:42

Na khumuuza muukha otule yoori: “Aphano nakhupali, khahiyo mwaasa wa mattakhuzi apa olupiyeeyo, maana fweeyo nansiila na najuwa yoori khweele otu Namuusuru wa olumwenku.”

Yaahaya 6:51

Miiyo ki phaawu ya ohaayi yiishukhiyeeyo pinkuuni. Ntthu amana aja phaawu yaya eto, ontta wiiyana ohaayi wa mileele na phaawu kininkhaaye olumwenku yoori wiiyane ohaayi, mwiili aka.”

Khaazi 13:39

Khwa ye, wakhula otule ankhupalaaye ontta ohakikhiwa khwa vitthu zooshi zahaari onhakhikhisaazo kano za Munsa.

Khaazi 8:32

Zawaatikhiwa Ttakatthiifu za nkithaapu aari osomaaye mwiitiyoopiya otule zaari olupa toono: “Ye aathuuliwe nkhama pwittipwitthi eneettelaaye wuuliiwa, khwiiya woonyamala, ari vakatthi wa apale ankasaaye ovuzi, Ye khaafunuliye milomo zawe.

1 Akorintiyu 15:3

Maana etile kuutafusireliyeenini mwanzo ti ethiito kipwekhereliyeeyo: Yinsa afwa mwaasa wa twampi zeetthu, nkhama etthiipo enlupaazo zawaatikhiwa.

2 Akorintiyu 5:21

Otule ahina twampi ajiretta onatwampi mwaasa wa fweeyo, yoori khwa ye niretteye wiiya shariya ya Nluku.

Akaalata 1:4

othuuto aajinkhiyeeyo mweenyeweene khwa twampi zeetthu yoori anitaphule khwa olumwenku wootakhala nkhama etthiipo atakhiyeezo Nluku Papeetthu.

Akaalata 3:13

Yaatikhiwa yoori: “Woolanikha ti otule wooshi athomeyiweeyo vansalapa.” Tiito Al-Masiihu khujiretta wiiya namalaanikha khwa zwaamu yeetthu fweeyo, na arettiyeevo toowo Ye anilaza nkatthi wa laana za kano.

1 Timootiyu 2:6

otu aleviyeeyo ohaayi awe khuripha hisapu za twampi za atthu ooshi, oshaahiti opu Nluku enkha wakathi khwaamili.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Meepereewu 2:17

Khwa etthiipo yaari ohithajiya ye wiiya woolattanana attwiize khwa zooshi, yoori eeye haakhimu nwulu wa tiini wa tthakaraka na wa waamineya khwa khaazi ya Nluku, yoori aswamiheliwe twampi za atthu.

Meepereewu 9:28

Etthiipo Al-Masiihu ajinkha swaafu moote khwa mileele yoori alaze twampi za atthu awaatta, na ye onruti swaafu ya phiiri, woohiteeli yoori alaze twampi, ila atane nusura ya apale aninwejelaaye.

1 Pheeturu 1:19

ila khwa taamu yootafikhana ya Al-Masiihu, nkhama ya pwittipwitthi yoohiina nlepa wala yoohirakali.

1 Pheeturu 2:24

Ye mweenyeweene athuula mmwiili mwawe twampi zeetthu vansalapa, yoori nifwe khwa twampi na niikhale khwa shariya. Khwa makhwatta awe mweeyo mwavonisiwa.

1 Pheeturu 3:18

Maana Al-Masiihu ahoowa swaafu moote mwaasa wa twampi zenu, nashariya khwa apale oohiina shariya, yoori oofiyiseni wa Nluku. Khuuliiwa mwiili awe, ila khwiiya haayi khwa Rooho.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

1 Yaahaya 3:5

Na mweeyo mwinjuwacha yoori Yinsa aateeliye opakusa twampi zeetthu, na khwa ye khiniiyavo twampi.

1 Yaahaya 4:10

Pheta ya eto tiiti: khahiyo fweeyo nimphetiyeeyo Nluku, ila ye ti aniphetiyeeyo na khumperekha Mwanawe yoori mwaasa wa ye nipatthe swamiima ya twampi zeetthu.

Othoonyeziwa 1:5

na khwa Yinsa Al-Masiihu, shaahiti wa waamineya, wa omwanzo khwa ananfwa na mfwalume nwulu wa afwalume a voolumwenku. Ye onnipheta na anitaphula twampi zeetthu khwa taamu yawe,

Othoonyeziwa 12:11

Yo anshintta khwa taamu ya Pwittipwitthi na khwa mattakhuzi oshaahiti alaziyeeyo; maana aajilakeleliye oleva ohaayi aya na ofwa.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 14:1

Aphano miiyo khweekesa, na omaasho waka khoona Pwittipwitthi yeemeliye vatulu wa mwaako Siyoni, vamote na ye aarivo alufu miiya na arupayiini na wane aatikhiweeyo vaajihi vaya nzina lawe na nzina la Papaawe.

Othoonyeziwa 14:10

theenya onnywa viinyu ya okatipukha wa Nluku yiittikhiyeeyo yoohipakanyaniwi hatha etthu njiikira ya katapu yawe. Anlawa oopopisiwe na oka wookholela omaasho wa malayikha ttakatthiifu na wa Pwittipwitthi.

Othoonyeziwa 14:4

Apa pi apale ahiwaasapeeni aakha, maana eenaneliye omwari aya. Apo pi apale anlottaaye Pwittipwitthi wakhula aphale enttaavo. Oozanyiweeyo vakatthi wa anaatamu, khwiiya nkhama zaakha ya mwanzo mmakhono wa Nluku na khwa Pwittipwitthi.

Othoonyeziwa 15:3

na khusala eepa liipo la Munsa, karumeya wa Nluku, na liipo la Pwittipwitthi yoori: “Khuluzeene na zootikinisa zooretta za Mbwana Nluku Nwahi zooshi. Tarikhi zawo shariya na haakhi, Oo Mfwalume wa khapila zooshi.

Othoonyeziwa 17:14

Anlawa oomanane Pwittipwitthi, ila Pwittipwitthi yawaashintte maana ti Mbwana wa ambwana na Mfwalume wa afwalume, na ye awaashintta vamote na anamakhuweliwa awe, anamathawuliwa awe na anamwamineya awe.”

Othoonyeziwa 19:7

Nifurahi! Na nlaweni nitthape na ninttitthimise! Maana wafiya wakathi wa harusi ya Pwittipwitthi, na mposi awe tu woojilikanisa.

Othoonyeziwa 19:9

Nlayikha khukuuza yoori: “Waatikhe yoori: Ooparikhiyiwa pi apale akharipwishiweeyo njampo liwululene la harusi ya Pwittipwitthi!” Na khumarisela alupaka yoori: “Apa pi mattakhuzi a haakhi ya Nluku.”

Othoonyeziwa 21:14

Muuri wa sitati ya etile waarina machina khumi na mawiri, khwa machina atthaapo aari awaatikhiwa mazina khumi na mawiri a maaswihaapa a Pwittipwitthi.

Othoonyeziwa 21:27

Mpho khinteela weettamo hatha etthu yoohifwayi, wala ntthu anrettaaye etile yoopattisa haaya ama yoohata, ila paasi apale mazina aya aatikhiweeyo nkithaapu ya ohaayi wa Pwittipwitthi.

Othoonyeziwa 21:9

Mmote wa malayikha apale sapa aariina miphiko sapa zawiitaala pala epile za wiishela khukaattama na khukuuza yoori: “Ote, miiyo kuunoze namaposiwa, muukha wa Pwittipwitthi.”

Othoonyeziwa 5:6

Paata ya toowo, keetta woona Pwittipwitthi eri nkhama ya wuuliiwa, yeemeliye vakatthi wa khukulu na ezukuleliwe ti zumpe haayi nne na attunkhulu a tiini. Ye yaarina manyaka sapa na maasho sapa, ziiyiye rooho sapa eninrumeyelaaye Nluku eperekhiweeyo va tuniya yooshi.

Othoonyeziwa 5:8

Athuulaka kithaapu etile, zumpe haayi epile nne na attunkhulu a tiini eshiriini na wane khukokhora omaasho wa Pwittipwitthi. Wakhula mmote wa yo aarina tthakare mmote na miphiko za weero wiitaaliyemo ovupa, ziiyiyeeyo lompa za attakatthiifu.

Othoonyeziwa 6:1

Kooniye Pwittipwitthi wakathi yaari opharulaavo ephariselo ya mwanzo khwa epile sapa, aphano kisiila moote khwa zumpe haayi epile nne, elupaka na huula ya taari yoori: “Ote!”

Othoonyeziwa 6:16

Yo aari onyakula alupaka yoori: “Nyaako na mawe, ti enikwele enivithe khwa wuuso wa otule eekhaliyeeyo va khukulu na khwa katapu ya Pwittipwitthi!”

Othoonyeziwa 7:14

Miiyo khunjipu yoori: “Mbwana, weeyo onjuwa.” Ye khuri: “Apa pi apale alankhiyeeyo vakatthi wa nswipa nwulweene na afula kuwo zaya na alakaza na taamu ya Pwittipwitthi.

Othoonyeziwa 7:17

maana Pwittipwitthi eriye vakatthi wa khukulu enttela wiiya nshuki wa apo aya, ye enttela owaalokoza va anaattuuttu a maati a ohaayi. Na Nluku onttela opakusa mishozi za mmaasho mwaya.”