Yaahaya 1:14 - Hapari Zooshapweya

¹⁴ Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 1:14 Mawu Ofanana

Matewuzhu 1:16

na Yaakhumpa khunvokola Yuusufu, manna wa Mariyamu, otule anvokoliyeeyo Yinsa, othuuto aniitthiwaaye Al-Masiihu.

Luuka 2:11

Leelo ethiiti, sitati ya Daawuuda avokoliwa Namuusuru eeyiye Al-Masiihu, Mbwana!

Luuka 2:7

Khumpattha mwaana wa omwanzo awe, khumputaputela va kuwo, khunttattikhela nkashothi zaari ojaamo nyama, mwaasa yoori khaarina puuro yoomaka.

Luuka 9:32

Pheeturu na ashirikha awe aarettiye eettaka olala, wakathi asisimuwiyeevo khoona nuuru ya Yinsa na atthu awiri ari vamote na ye.

Yaahaya 1:1

Omwanzo laari Nttakhuzi. Nttakhuzi laari vamote na Nluku na Nttakhuzi laari Nluku.

Yaahaya 11:40

Yinsa khunjipu yoori: “Akaawuuziye yoori amana okhupali ontta woona siifwa ya Nluku?”

Yaahaya 14:6

Yinsa khujipu yoori: “Miiyo ki tarikhi, haakhi na ohaayi. Khina anfiyaaye wa Paapa, ahiiyeeni khwa miiyo.

Yaahaya 14:9

Yinsa khunjipu yoori: “Filiipe, kiikhaliyeezo wakathi mwinkeene na mweeyo; nalelo khunikijuwa? Otule akooniye miiyo amoona Paapa. Khi onlupa toovi yoori: ‘Onithoonyeze Paapa’?

Yaahaya 17:22

Miiyo kawinkha siifwa etile weeyo okinkhiyeeyo, yoori yo eeye amote nkhama fweeyo niiyiyeeyo amote.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Yaahaya 18:37

Aphano Pilaatu khulupa yoori: “Khupe weeyo o mfwalume.” Yinsa khunjipu yoori: “Weeyo ti onlupaaye yoori ki mfwalume. Miiyo kavokoleliwa ethiito na ti ethiito ekitaniyeeyo voolumwenku, yoori kite kilawele oshaahiti wa haakhi. Wakhula otule eeyiye wa haakhi onsiila huula yaka.”

Yaahaya 2:11

Alama ya eto ya minjuza, yaari ya mwanzo Yinsa oretta nti wa Kanaani ya Kalileya. Siifwa zawe yaathonyezeyiye attaapho, na anakhiyoni awe khunkhupali.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 3:18

Wakhula otule aninkhupalaaye khamphukiwa, ila otule ahininkhupalaaye aphukiwa, mwaasa wa ohikhupali nzina la Mwaana mmote paasi wa Nluku.

Yaahaya 6:51

Miiyo ki phaawu ya ohaayi yiishukhiyeeyo pinkuuni. Ntthu amana aja phaawu yaya eto, ontta wiiyana ohaayi wa mileele na phaawu kininkhaaye olumwenku yoori wiiyane ohaayi, mwiili aka.”

Yaahaya 8:32

na mwinttela ojuwa haakhi, na haakhi ethiito entta wuutaphulani.”

Khaazi 13:33

ye anirettela fweeyo naana awe, khunsisimula Yinsa nkhama etthiipo zaatikhiweezo Nzaapuura yoori: “ ‘Weeyo o mwanaka; leelo na miiyo karetteya wiiya papaawo.’

Arooma 8:3

Maana, etile kano yahawahiyeeyo oretta mwaasa wa otteettheya wa onaatamu, Nluku aretta, khumperekha mwanawe, woolattanana pinaatamu wa twampi, nkhama zaakha ya twampi, khwa etthiipo khuttha paathuli twampi vakatthi wa onaatamu.

Arooma 9:5

Yo ojama wa amarehemu apapazetthu, na khwa yo pi olankhiyeevo ntathaari wa onaatamu wa Al-Masiihu, othuuto eeyiye Nluku vatulu wa vitthu zooshi, anlupiwaaye wooshapweyavo khwa mileele! Amiina!

1 Akorintiyu 15:47

Pinaatamu wamwanzo aari wa ottophe wa vathi; pinaatamu wa phiiri ari wa pinkuuni.

2 Akorintiyu 12:9

Ila ye khukuuza yoori: “Rehema yaka entosheleza khwa weeyo, maana owahi waka onkamilikha muutteettheya.” Nakataalikha, miiyo kinjishashawula saaneene wa wafurahavo khwa otteettheya waka, yoori owahi wa Al-Masiihu ovumule khwa miiyo.

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

Ayeefezu 3:8

Keeyaru pure woopushuwa vakatthi wa attakatthiifu ooshi, Nluku akinkha rehema eti ya owaatafusirela amalapo hapari zooshapweya za maali zoohaalakeyi ziriyeeyo wa Al-Masiihu,

Akoloosu 1:19

Maana Nluku oona oshapweya wiiyana ephattu yawe yookamilikha khwa mwanawe,

Akoloosu 2:3

Majuju ooshi, a akhili na a ojuwa avitheya khwa ye.

Akoloosu 2:9

Maana khwa Al-Masiihu, nkhama pinaatamu, eri khwa ye ephattu yookamilikha ya Nluku,

1 Timootiyu 3:16

Khayiivo shaakha yoori etile Nluku athoonyeziyeeyo khuluyeene monkoni wa Yinsa Al-Masiihu ti yootikinisa: Ye aajithoonyeziye nkhama pinaatamu, khuhakikhiwa ti Rooho Ttakatthiifu, khooniwa pi malayikha, khulaleyiwa tuniya zooshi, khukhupaliwa voolumwenku, khuweziwa pinkuuni nkatthi wa nuuru.

Meepereewu 1:3

Na ti mwaana othuuto eeyiye waara wa nuuru ya Nluku na nthoonyezo wa ratarato yawe khaamili na akholelelaka vitthu zooshi khwa nttakhuzi lawe la owahi. Paata ya oswafi twampi za anaatamu eetta wiikhala nkhono nlume wa Nluku wa owahi zooshi.

Meepereewu 1:5

Nlayikhani Nluku ooziyeeyo yoori: “Weeyo o mwanaka, leelo koovokola”? Na theenya yoori: “Miiyo kinttela wiiya papaawo, na ye onttela wiiya mwanaka”?

Meepereewu 10:5

Tiito Al-Masiihu ariiyeeyo noota voolumwenku khuri: “Twaha na zaakha khutakheene. Ila watthenkeza mwiili khwa miiyo.

Meepereewu 2:11

Maana khwa etthiipo otule antwahareshaaye na otule antwahareshiwaaye ooshi papaaya mmote, tiito khinimpattha haaya oweettha yoori attwiize.

Meepereewu 5:5

Khwa nanna etthiipo Al-Masiihu kheettiye ojinkha siifwa ya wiiya haakhimu nwulu wa tiini, ila Nluku eettiye omuuza yoori: “Weeyo o mwanaka, leelo koovokola.”

1 Yaahaya 4:14

Fweeyo noona na ninlawela oshaahiti yoori Paapa amperekha Mwanawe yoori eeye Namuusuru wa voolumwenku.

1 Yaahaya 4:9

Nanna Nluku athoonyeziyeeyo pheta yawe khwa fweeyo pi toono; amperekha Mwanawe mmote paasi voolumwenku, yoori nipatthe ohaayi khwa ye.

2 Yaahaya 1:7

Maana anamattettekha enkeene amwazeyela va olumwenku, alupaka yoori Yinsa Al-Masiihu khateeni nkhama pinaatamu. Anrettaaye toowo namattettekha na atuwi wa Al-Masiihu.

Othoonyeziwa 19:13

Awala ajapi yawaatikhaniwa taamu na nzina lawe Nttakhuzi la Nluku.

Othoonyeziwa 21:3

Khusiila huula yookhomaala yaari olankhaaye va khukulu eraka: “Nasaapi heema ttakatthiifu ya Nluku ena anaatamu, ethiito Nluku anttelaaye wiikhalaamo na yo. Anttela wiiya atthu awe, na Nluku mweenyeweene onttela wiiya vamote na yo na onttela wiiya Nluku aya.