Yaahaya 1:13 - Hapari Zooshapweya

¹³ Atthaapo ahivokoliweeni khwa ephattu, wala khwa matakhelo a onaatamu wala ohiiyi khwa makhaamu a nlume, ila avokoliwa khwa matakhelo a Nluku.

Yaahaya 1:13 Mawu Ofanana

Mwanzo 25:22

Aana awiri khusala oomana mwiirukulu mwawe. Ye khushanka khusala ajuuzela yoori: “Niini enrettikhanaaye mwiirukulu mwaka, nkhama pi toono keemitthela ni?” Aphano ye khumuuzela Nnyizinku.

Mwanzo 25:28

Esiyaakha aari ompheta Ezawu, mwaasa wontuvela orafuna nyama epile aari osayaazo. Ila Rapekha aari ompheta Yaakhumpa.

Mwanzo 27:33

Esiyaakha khusuthuwa channu khusala athukumela khulupa yoori: “Khi otule apatthiyeeyo nyama khukitiisela ti paani? Weeyo ohinate miiyo kaja keesha. Kamparikhiya, ti wooparikhiyiwa!”

Mwanzo 27:4

Wiipikhe saana wookituvelavo okitiisele kije, kuuparikhiye kihinafwe.”

Matewuzhu 3:9

Khahiyo olupa yoori: ‘Eburahiima ti papeetthu,’ ila miiyo kiniwuuzani yoori, khwa liwe ntthi Nluku onwahi owaattala aana a Eburahiima.

Yaahaya 3:3

Yinsa khujipu yoori: “Miiyo kiniwuuzani khweele yoori, khina antakhaaye woona ofwalume wa Nluku aheetteeni ovokoliwa opheya.”

1 Akorintiyu 3:6

Miiyo keetta ozala, Apoolu khukhuwari, ila Nluku ti anwulisaaye.

Afiliipu 2:13

Maana Nluku ti ankholaaye khaazi nkatthi mweenu yoori mwishututele niiya yawe waaza nwuupuwela mpakha muuretta.

Tiitu 3:5

ye anuusuru mwaasa wa onihurumiya, khahiyo yoori neetta oretta etthu yooshapweya. Anuusuru khwa owahi wa Rooho Ttakatthiifu, etile enoosiyeeyo, khunikaphula na khuninkha ohaayi mpheya.

Tiyaaku 1:18

Mwaasa wa matakhelo awe, anumpa na nttakhuzi lawe la haakhi, yoori niiye puuro yamwanzo khwa zumpe zawe zooshi ompiyeeyo.

1 Pheeturu 1:23

Khwa etthiipo mwivokoliweeyo opheya, woohiiyi khwa peewu enaashikhaaye, ila ehinaashikhaaye, khwa nttakhuzi la Nluku, la ohaayi na la mileele.

1 Pheeturu 1:3

Asifwiwe Nluku, Paapa wa Mbwana eetthu Yinsa Al-Masiihu! Khwa owula wa tthakaraka yawe, ye anikaphula khuninkha nroromelo wawiiyavo khwa osisimuwa wa Yinsa Al-Masiihu vakatthi wa ananfwa,

1 Pheeturu 2:2

Nkhama aana atteetthe, mwihithajiye leethi swaafi ttakatthiifu la nroho, yoori khwa nttinttho mwiwulele nusura,

1 Yaahaya 3:9

Wakhula otule avokoliweeyo ti Nluku khanretta twampi, maana ojama awe onlipa khwa ye. Oto khanwahi orutela weettetta ntwampi maana avokoliwa ti Nluku.

1 Yaahaya 4:7

Aphetani aka, niphetane mmote na nzeetthu, maana pheta enlankha wa Nluku. Wakhula otule amphetaaye avokoliwa ti Nluku na oninjuwa Nluku.

1 Yaahaya 5:1

Ooshi apale ankhupalaaye yoori Yinsa ti Al-Masiihu oto avokoliwa ti Nluku, na ooshi apale animphetaaye Nluku onimpheta otule anvokoliyeeyo.

1 Yaahaya 5:18

Ninjuwa yoori ooshi apale avokoliweeyo ti Nluku khaneettetta ntwampi, maana Mwaana wa Nluku ontta owiinanela, na ntakhali khaninsapa.

1 Yaahaya 5:4

Maana ooshi apale avokoliweeyo ti Nluku ashintta olumwenku. Na opu pi oshintta olumwenku: amini yeetthu.