Tiitu 3:2 - Hapari Zooshapweya

² ahinttakhule ntthu wootakhalavo, eeye oonyamala, oopheta, okemaani na asala athoonyeza ojipushuwisa khwa anaatamu ooshi.

Tiitu 3:2 Mawu Ofanana

Matewuzhu 11:29

Mwithuule tthentte yaka na mwikeezele, maana miiyo kiwoonyamala na woojipushuwisa nroho, mweeyo mwintta opattha ovumula wa nafusi zenu.

Khaazi 23:5

Paawulu khujipu yoori: “Attwiizaku miiyo akaajuwiye yoori ye haakhimu nwulu wa tiini, maana yaatikhiwa yoori ohinttakhulele pure mfwalume wa atthu awo.”

1 Akorintiyu 6:10

wala manantarawu, asokho, ananhapaliwa, amwanomwaano wala anamattettekha khanteela orithi ofwalume wa Nluku.

1 Akorintiyu 9:19

Maana, keeyaru pure wootaphuliwa khwa atthu ooshi, kajiretta omwitthwaana wa atthu ooshi, yoori kipatthe thamani ya atthu awaatta amana ewaheya.

2 Akorintiyu 10:1

Miiyo Paawulu, khwa wiitthaala na okemaani wa Al-Masiihu, kinuuhirimizani mweeyo. Miiyo kiniiya “woojipushuwisa” amana kiiya wuuso khwa wuuso na mweeyo, ila kiniiya njawuri amana kiiya peetiwene!

2 Akorintiyu 12:20

Kinoova yoori amana kita wuuthotolani, kuusikanani nanna kahaari waakhipwelaaye, na mweeyo ohikisikani khwa nanna mwahaari waakhipwelaaye. Kinoova yoori owaapho onyakulisana, nrima, nthoonyezo wa wiiphiiriwa, waawanyeya, otarawana, wuumani, ojikhupali na ohisiilani.

Akaalata 5:22

Ila nshumo wa Rooho Ttakatthiifu pi opu: pheta, furaha, heeri, ovilela, okemaani, oshapweya rooho, waamineya,

Akaalata 6:1

Attwiizaku, amana ntthu asikaniwa ntwampi, mweeyo mwiriina Rooho ya Nluku, mwina yonlikhisa wa emaanivo. Ila ojiinanele yoori na weeyo theenya ohizayiniwe.

Akaalata 6:10

Nakataalikha wakathi ninwahaaye, niwaarettele zooshapweya atthu ooshi, haaswa haaswa apale a ojama nkatthi wa amini.

Ayeefezu 4:2

Mwiiye oojipushuwisa, ookemaani, oovilela, mwihurumiyanaka mmote na nzeenu na oophetana.

Ayeefezu 4:31

Mwiwerawere wiiphiiriwa wooshi, katapu, okatipukha, ojipwana, okufuru na vitthu zooshi zootakhala.

Afiliipu 4:5

Okemaani enu ojuwiwe pi atthu ooshi. Mbwana ori kharipu.

1 Atizaloonika 2:7

Neeyiyeru pure maaswihaapa a Al-Masiihu naarina ruhusa ya olemela, khwiiya akemaani wakathi naari vakatthi venu mweeyo, nkhama maama aniwiinanelaaye aana awe.

1 Timootiyu 3:11

Khwa nanna etthiipo na yo aakha anrumeyelaaye eeye ooshitahiwa, eeye atthu oohittakhuli pure, oosuluheya na awaamineya khwa zooshi.

1 Timootiyu 3:3

Ahiiye ntthu woohapaliwa ama woohusuti, eeye ntthu wookemaani na wa heeri. Ahiiye ntthu wontuvela nzurukhu.

Tiyaaku 3:17

Ila akhili enlankhaaye pinkuuni, omwanzweene swaafi, elottelanaka pi za wiitthaala, zookemaani, zootthantta, zawiitaala huruma na mishumo zooshapweya, zoohitarawu na zoohisanki.

Tiyaaku 4:11

Attwiizaku, mwihittakhulane wootakhalavo mmote na nzeenu. Maana otule aninttakhulaaye ttwiiye wootakhalavo ama animphukaaye ttwiiye, onttakhula wootakhalavo khwa kano, na omphuka kano ethiito. Aphano nkhama weeyo omphuka kano, khunshututela kano, ila onjiretta wiiya namaphuka.

1 Pheeturu 2:1

Nakataalikha, mwilikhe vitthu zootakhala zooshi na ottettekha wooshi, onaafikhi, nrima na wakhula nanna ya ohankawaani.

1 Pheeturu 3:10

Nkhama enlupaazo Zawaatikhiwa Ttakatthiifu yoori: “Otule antakhaaye opheta ohaayi na wiikhala woofurahi, athokorele nlimi lawe khwa vitthu zootakhala na nlomo awe khwa vitthu zoohata.

1 Pheeturu 3:8

Omwiisho waya, wuupuwela weenu wiiye nanna moote, ohurumiyana, mwithoonyezaka pheta ya ottwi, mwiiye awoonelana tthakaraka na oojipushuwisa.

1 Pheeturu 4:4

Nasaapi eti, makaafiri anuushankelani amana mweeyo mwihikusanyeyaka na yo khwa ohaayi wootakhala na wa khaapa twayifu, tiito yo anuuttukhanaani.

2 Pheeturu 2:10

haaswa haaswa apale anlottelaaye vitthu zoohifwayi za onaatamu na otarawu ofwalume. Anamanozela aya apo pi oohisuluheyi, oojikhupali, yo khanoova otarawu zumpe za pinkuuni.

Yuuda 1:10

Ila apo aya antarawu yooshi etile ehiniweeleyaaye; na anretta vitthu nkhama nyama ehinuupuwelaaye, yo anretta eniwaatelaaye, mpakha vitthu zaya epo ziniwaatapanyeya.

Yuuda 1:8

Khwa nanna ethiito anamalottha aya apo, ankwakhulisa mwiili aya, antarawu ofwalume wa Nluku na antarawu zumpe za pinkuuni.