Tiitu 3:1 - Hapari Zooshapweya

¹ Owaakupusele attwi ooshi yoori ana ya owaashututela apale alokozeliyeeyo na afwalume, eeye anamashututi oolikana, anamaretta zooshapweya wakhula wakathi,

Tiitu 3:1 Mawu Ofanana

Matewuzhu 22:21

Khujipu yoori: “Seezari.” Aphano khuwooza yoori: “Mwimwinkhe Seezari etile yiiyiye ya Seezari, na mwimwinkhe Nluku etile yiiyiye ya Nluku.”

1 Akorintiyu 15:58

Nakataalikha, attwiizaku aphetani aka, mwiiye wookhomaala, ehiiyevo hatha etthu enttelaaye wuusakhinyani. Mwiiye woojilipisana mileele khaazi ya Mbwana, maana mweeyo mwinjuwa yoori, khwa Mbwana, khaazi yenu khinteela wiiya ya mahala.

Ayeefezu 2:10

Maana naazumpe za wumpiwa ti Nluku khwa Yinsa Al-Masiihu yoori nirette vitthu zooshapweya, epile Nluku atthenkeziyeeyo khapula yoori fweeyo neettettele.

Afiliipu 1:11

Mwiiye awiitaala mishumo za shariya, mishumo zinlankhaaye wa Al-Masiihu Yinsa, yoori wiiye ottitthima na siifwa ya Nluku.

Akoloosu 1:10

Na etthiipo, mwiwahi wiikhala nanna ensuhaaye khwa Mbwana na mwirettaka etile enintuvelaaye, mwiimaka mishumo zooshi zooshapweya na mwiwulaka khwa ojuwa wa Nluku.

1 Timootiyu 2:2

Mwiwaalompele afwalume na attunkhulu ooshi apale ariinaaye yenzi yoori fweeyo niiyane meekhazi a wiitthaala, a heeri, emaani na hishima khuluyeene.

1 Timootiyu 4:6

Amana weeyo owaanozela attwiizo mattakhuzi apa, oniiya karumeya wa Yinsa Al-Masiihu wookemaani, ojilipisanaka mattakhuzi a amini na masomi ookhweele apa olottiyeeyo.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.

2 Timootiyu 1:6

Khwa ethiito, kinuutumerela yoori okholelele wa ohaayivo tthuvo ya Nluku opatthiyeeyo paata ya miiyo wuutthela makhono aka.

2 Timootiyu 2:14

Mattakhuzi apa owaafikhirise atthu ooshi, owoozaka saaneene omaasho wa Nluku yoori ahijitupweeze muunyakulisana monkoni wa mattakhuzi. Opo aya khuna fwayita, oniwaatapanya apale ansiilaaye.

2 Timootiyu 2:21

Amana ntthu ajitwaharesha khwa vitthu zaya epo, oniiya yoopo ya shitaha yoottakasiwa, ya maana khwa Mbwana na yootthenkeziwa khwa khaazi zooshi zooshapweya.

Tiitu 1:16

Yo antukhuru yoori aninjuwa Nluku, ila mwaasa wa thwapiya zaya aninkatthala, tiito eeyiyeeyo oohifwayi, anamakhijili na oohisuhi khwa khaazi yooshi yooshapweya.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Tiitu 3:14

Atthu eetthu ana ya ojinozela oretta vitthu zooshapweya na awaawunaka azaaya nkatthi wa tafwawuthi, wakhula siikhu, na ahiiye ooviliwa.

Tiitu 3:8

Mattakhuzi apa pi awaamineya, miiyo kintakha yoori weeyo Tiitu okhanyarele olupa, yoori apale aninkhupalaaye Nluku ajilipisane oretta khaazi zooshapweya. Vitthu zaya epo pi za otepa oshapweya na za fwayita khwa anaatamu.

Meepereewu 13:21

okhamilikhiseni khwa zooshi zooshapweya yoori mwirette matakhelo awe, na erettikhane khwa fweeyo etile enintuvelaaye khwa Yinsa Al-Masiihu, othuuto siifwa ziiyiye khwa ye mileele. Amiina.

2 Pheeturu 1:12

Tiito wakhula wakathi akinsahawu wuukupuselani vitthu zaya epo, nkhama mwinjuwaazo na mwalipalipa khwa haakhi mwipwekheriyeeyo.

Yuuda 1:5

Mweeyaru pure oojuwa zooshi epo zaya, kintakha wuukupuselani yoori Mbwana awaataphula atthu Misuri, ila theenya khuwaatapanya apale ahaakhupaliyeeyo.