Tiitu 2:2 - Hapari Zooshapweya

² Owaasomise alume awuuluvala yoori eeye atthu oojiitthaaza, ooshitaheya, aakhili, na okhomaala nkatthi wa amini, mpheta na oovilela.

Tiitu 2:2 Mawu Ofanana

Maaruku 5:15

Wakathi amwaattamiyeeyo Yinsa, khumoona mwinyi otule aamwitaliyeeyo masheethwani awaatta, eekhaliye awaliye saana na atthiiyemo akhili zawe, atthu apale khwiiya awoova.

Luuka 8:35

Khulawa atthu awaatta olawa woona vitthu epile zaarettikhaniyeezo. Wakathi amwaattamiyeeyo Yinsa, khumoona nlume otule ansaruwiyeeyo masheethwani eekhaliye nshini wa moolu a Yinsa awaliye kuwo zawe na atthiiyemo akhili, yo khwiiya awoova.

Khaazi 24:25

Ila wakathi Paawulu aaziyeevo ottakhula monkoni wa ohaayi wa shariya, ojishintta omwenyeweru na siikhu ya ophukiwa, Feelishi khwiiya wawoova na khuri: “Paasi! Saruwa, amana kuutakha kintta wuukhuwela theenya.”

Arooma 12:3

Tiito, khwa rehema kinkhiweeyo, kiniwuuzani mooshi mweeyo yoori: Ahiiyevo aniiyanaaye khwa mweenyewe shawuri zooziti epile anwahaaye wiiyana; ila, olikha toowo, eeyane shawuri zoolipalipa nkhama etthiipo khiima ya amini Nluku amwinkhiyeeyo.

1 Akorintiyu 15:34

Nkhama anashariya, mwiikhale mwentto wooshapweya na mwilikhe twampi; maana akina nalelo khananjuwe Nluku; kinlupa epo zaya khwa haaya yenu mweeyo.

1 Akorintiyu 9:25

Ooshi apale anchiraanaaye aniiyana wakathi woojitthenkeza wookhomaalavo, yoori apatthe jarata eniishaaye; ila fweeyo ninretta yoori nipatthe jarata yookhomaala khwa mileele.

2 Akorintiyu 5:13

Nkhama nina tuutu, mwaasa wa pheta ya Nluku; nkhama ninthokorela akhili, mwaasa wa pheta ya mweeyo.

Akaalata 5:23

ojipushuwisa na ojishintta omweenyewe. Khwa vitthu epo khayiivo hatha kano.

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

1 Atizaloonika 5:6

Nakataalikha, nihilale nkhama akinoko aya, ila niiye woojeekesela na woojipayini.

1 Atizaloonika 5:8

Olikha toowo, fweeyo niiyiyeeyo a nthana, niiye woojipayini, niwale amini na pheta nkhama jaketa na nroromelo wa nusura nkhama koofiya.

1 Timootiyu 1:10

zaawaateeliye anamajansili na apale aniwaalalanaaye alume azaaya, zaawaateeliye apale aniwaakholaaye atthu na owoozanyisa na anamahata, zaawaateeliye apale anlaphaaye eettaka ohata, na ooshi apale mwentto nzuuri ahintakhaaye.

1 Timootiyu 1:14

Rehema yooziti ya Mbwana eetthu khukiishukhela, khukipatthisa ompheta na omwaamini Ye.

1 Timootiyu 1:2

kiniwaatikhela weeyo Timootiyu, mwanaka weekhweele nkatthi wa tiini, rehema, tthakaraka na heeri ya phantte ya Nluku Paapa na ya Yinsa Al-Masiihu Mbwana eetthu, yiiye vamote na weeyo.

1 Timootiyu 1:5

Maana a masomi aya apa ophetana wa rooho yookemaani, na ojuwa othawula yooshapweya vakatthi wa yootakhala, na amini yohiiyi yoonaafikhi.

1 Timootiyu 3:11

Khwa nanna etthiipo na yo aakha anrumeyelaaye eeye ooshitahiwa, eeye atthu oohittakhuli pure, oosuluheya na awaamineya khwa zooshi.

1 Timootiyu 3:2

Nkhama ntthu onhithajiya wiiya nttunkhulu nwulu wa ojama wa Nluku eeye ntthu woohaakanyereliwi hatha etthu, eeye nlume wa wiiyana muukha mmote, woojiinanela, wojiitthaaza, wooshitahiwa, woomakeleya na ankhitiraaye osomisa.

1 Timootiyu 3:4

Eeye ntthu wa weettettisa vaje vawe saana, wooshututeliwa pi aanaawe na wooshitahanana.

1 Timootiyu 3:8

Khwa nanna etthiipo anamarumeyela a ojama wa Nluku na yo eeye atthu ooshitahiwa, ahiiye amwanomwaano, ahiiye oohapaliwa wala oowaatuvela opattha fwayita yohiiyi ya haakhi.

1 Timootiyu 5:1

Nlume wa wuuziti owula ohisala ommaruwela, ila onlipisele saana nkhama papaawo, mashaapu nkhama attwiizo,

Tiitu 1:13

Oshaahiti aya opo pi wa ookhweele. Nakataalikha owaashowere na kuvu, yoori eeye ookhomaala nkatthi wa amini,

Tiitu 1:8

Ila ona yawiiya ntthu woomakeleya, swaahipu wa zooshapweya, wawiitthaala, nashariya, wa akhili, woosuluheya, wonshututela Nluku, woojikheeti mweenyewe

Tiitu 2:7

Khwa zooshi, weeyo wiiye nthoonyezo khwa yo, orettaka vitthu zooshapweya. Amana osomisaka wiiye weekhweele na woolotteya.

Filimooni 1:9

kinhithari oretta nkhuwo wa pheta. Miiyo, Paawulu, kooluvala na nasaapi eti theenya ki namafukiwa mwaasa wa Yinsa Al-Masiihu,

1 Pheeturu 1:13

Nakataalikha mwiiyane akhili zootthenkezeya, oolikana khwa oretta, mwiiye oojisiileza na nroromelo enu wooshi mwitthe nkatthi wa rehema mwinttelaaye winkhiwa amana Yinsa Al-Masiihu athoonyeziwa.

1 Pheeturu 4:7

Mwiisho wa vitthu zooshi waattama. Nakataalikha mwiiye aakhili na woojisiileza; mwijilipisane olompa.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

2 Pheeturu 1:6

va ojuwa, ojishintta omweenyewe; va ojishintta omweenyewe, nthiti; va nthiti, emaani;