Tiitu 2:10 - Hapari Zooshapweya

¹⁰ ama oweeyela ambwana zaya, ila ana yoothoonyeza saaneene wiiya atthu awaamineya, yoori epile anrettaazo, atthu anttela olupeza vitthu zooshapweya masomi a Nluku Namuusuru eetthu.

Tiitu 2:10 Mawu Ofanana

Matewuzhu 24:45

“Ti paani eeyiyeeyo karumeya wa waamineya na wa akhili, otule Mbwana awe amwinkhiyeeyo osala vaje vawe yoori asala awenkha atthu etthu yoojiwa wakathi khaamili?

Matewuzhu 5:16

Khwa nanna ethiito nuuru yenu mweeyo yaare vakatthi wa atthu, yoori oone khaazi zenu na ansifu Papeenu, ariiye pinkuuni.

Luuka 1:47

Rooho yaka ti yonfurahela Nluku Namuusuru aka,

Luuka 1:80

Mwaana otule khuvira awulaka na rooho yawe khusala ekhomaala, khwiikhala n'yaara mpakha siikhu apuweleliyeevo vakatthi wa atthu a Ezirayiilu.

Luuka 16:10

“Otule anamineyaaye khwa etthu ttiitthiiru onaamineya khwa etthu khuluyeene; otule ahinaamineyaaye khwa etthu ttiitthiiru hatha etthu khuluyeene khanaamineya.

Yaahaya 12:6

Ye khaalupiye toowo mwaasa wa wiiyana huruma na asikhini, ila mwaasa wa wiiya nantarawu, na tiye aari opwehaaye nfukho wa nzurukhu, amana otthiiwamo eetta olazakamo.

1 Akorintiyu 4:2

Etthu eniwatakhaaye anamalikheliwa aya apo ti yoori eeye awaamineya.

Ayeefezu 4:1

Tiito kinuuvekelanini, miiyo kiiyiye napherezu khwa Mbwana, yoori mwiikhale khwa mwentto woosuhi khwa okhuweliwa otthuupo mwipwekhereliyeeyo.

Afiliipu 1:27

Ehuujalini etile enttelaaye orettikhana, mweettettise onyunti enu khwa nanna ensuhaaye hapari zooshapweya za Al-Masiihu. Yoori miiyo amana kitaaka owoonani ama hatha nkhama keetta ohiivo, kisiile khwa mweeyo akinoko aya yoori nalelo mwa woolipalipa khwa rooho moote paasi, na matakhelo mamote paasi, nuumanaka fooshi khwa amini ya hapari zooshapweya.

Afiliipu 4:8

Wiishela waya attwiizaku, yooshi yiiyiyeeyo ya ookhweele, yooshi yiiyiyeeyo ya shitaha, yooshi yiiyiyeeyo yoolotteya, yooshi yiiyiyeeyo swaafi, yooshi yiiyiyeeyo yoophetiwa, yooshi yiiyiyeeyo yootuvela, amana yiiyavo etthu yootepa oshapweya ama ensuhaaye ottitthimisiwa, mwifikhiri vitthu zaya epo.

1 Timootiyu 1:1

Miiyo Paawulu, aswihaapa wa Yinsa Al-Masiihu khwa oruma wa Nluku Namuusuru eetthu na wa Yinsa Al-Masiihu nroromelo eetthu,

1 Timootiyu 5:17

Anamarumeyela ojama wa Nluku apale ankholaaye khaazi saana, haaswa haaswa apale antafusiraaye na apale ansomisaaye, ojama wa Nluku ona yoowaashitahi swaafu piiri.

1 Timootiyu 6:1

Ooshi apale eeyiye amwiitthwaana ana yoowaashitahi ambwana zaya, yoori nzina la Nluku na masomi eetthu ahitarawiwe.

1 Timootiyu 6:3

Nkhama ntthu onsomisa mwentto woofwarikhana ohinkholananaaye na mattakhuzi oolikana a Mbwana eetthu Yinsa Al-Masiihu mwentto wa emaani,

Tiitu 1:3

Khwa wakathi khaamili, ye atana nuuru khwa nttakhuzi lawe monkoni wa tafusiiri kinkheleliweeyo khwa oruma wa Nluku, Namuusuru eetthu.

Tiitu 3:4

Ila paata ya ojithoonyeza emaani ya Nluku Namuusuru eetthu na pheta yawe khwa anaatamu ooshi,

1 Pheeturu 2:12

Mwiikhale nkhama nthoonyezo vakatthi wa makaafiri, yoori hatha nkhama yo antta wuulokovezani oretta vitthu zootakhala, oone khaazi zenu zooshapweya na anttitthimise Nluku siikhu yoophukiwa.

1 Pheeturu 3:16

Khwa zooshi, mwirette epo khwa emaani na shitaha mwithokorelaka akhili zooshapweya, khwa nanna yoori apale anttakhulaaye wootakhalavo khwa menttezi enu ooshapweya khwa Al-Masiihu, ewaapatthe haaya na ohankawaani aya.

2 Yaahaya 1:9

Wakhula otule ahinlipanaaye masomi a Al-Masiihu, na anzitisaaye, khana Nluku; ila otule anlipanaaye ona Paapa na onaaye Mwaana.