Tiitu 1:2 - Hapari Zooshapweya

² amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

Tiitu 1:2 Mawu Ofanana

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Maaruku 10:17

Wakathi Yinsa aari weettelaaye osaruwa, mwinyi mmote khutthira amweettelaka khulawa khunkokhorela na khumuuzela yoori: “Mwaaliimu woosaana, kirette niini yoori kipatthe ohaayi wa mileele?”

Maaruku 10:30

ahinpwekheraaye venkivene ohaayi otthuupu, swaafu miiya theenya ya manyupa, attwi, alupu, maama, paapa, aana ama mashapa na olupatthiwa. Mwiisho waya ohaayi wa mileele.

Yaahaya 10:28

Miiyo kininkha ohaayi wa mileele; wala khazimpwetheya na khaavo anttelaaye olazamo mmakhono mwaka.

Yaahaya 17:2

Maana wamwinkha ofwalume khwa anaatamu ooshi, yoori awenkhe ohaayi wa mileele ooshi apale omwinkhiyeeyo.

Yaahaya 17:24

“Paapa, niiya yaka ti yoori attaapho kiriivo miiyo na yo eeye attaapho ooshi apale okinkhiyeeyo, yoori oone siifwa okinkhiyeeyo, maana wakipheta khapulathi olumwenku ohinompiwe.

Yaahaya 5:39

Mwinsoma Zawaatikhiwa Ttakatthiifu, maana mwinoona yoori khwa yo mwinaaye ohaayi wa mileele, ila pi etthiipo zinikilawelaaye oshaahiti,

Yaahaya 6:54

Wakhula otule anrafunaaye mwiili aka na khunywa taamu yaka onaaye ohaayi wa mileele na miiyo kinteela onsisimula siikhu ya mwiisho.

Yaahaya 6:68

Simawu Pheeturu khujipu yoori: “Ninttela onlotta paani? Weeyo onaaye mattakhuzi a ohaayi wa mileele.

Khaazi 15:18

otule alaleyiyeeyo vitthu zaya epi thanku asulani.’

Arooma 1:2

etthiipo Nluku ahitiyeeyo asulani khwa manapiyu awe nkatthi wa Zawaatikhiwa Ttakatthiifu,

Arooma 16:25

Apho, otule ariina owahi wa wuuhakikhini khwa hapari zooshapweya zaka, na olaleyiwa wa Yinsa Al-Masiihu, khwa nanna ya othoonyeziwa wa siiri zoovitheya khwa wakathi oviriyeeyo,

Arooma 2:7

Ye oniwenkha ohaayi wa mileele apale aari okhanyarelaaye oretta zooshapweya, eekesaka siifwa, hishima na ohifwi.

Arooma 5:2

Khwa othuuto ti nipatthiyeeyo ruhusa khwa amini, na rehema ethiito nikhomaleliyeeyo nasaapi na ninjittitthimisanaaye khwa nroromelo wa siifwa ya Nluku.

Arooma 5:21

Epo zarettikhana yoori, nkhama etthiipo twampi eshinttiyeeyo khwa ofwa, na rehema yashintta khwa shariya yoori eninkhe ohaayi wa mileele, khwa Yinsa Al-Masiihu, Mbwana eetthu.

Arooma 5:4

ovilela mwentto wawooneya, na mwentto wa wooneya nroromelo.

Arooma 6:23

Maana phakari ya twampi ofwa, ila tthuvo ya rehema ya Nluku ohaayi wa mileele khwa Yinsa Al-Masiihu, Mbwana eetthu.

Akoloosu 1:27

Shawuri ya Nluku ti yoori amalapo ajuwe maali ya siifwa ya siiri eto, eeyiyeeyo Al-Masiihu khwa mweeyo, nroromelo wa siifwa.

1 Atizaloonika 2:15

amuuliyeeyo Mbwana Yinsa na manapiyu, na theenya khunilupattha. Yo khanintuvelisa Nluku na maatuwi a atthu ooshi,

1 Atizaloonika 5:8

Olikha toowo, fweeyo niiyiyeeyo a nthana, niiye woojipayini, niwale amini na pheta nkhama jaketa na nroromelo wa nusura nkhama koofiya.

1 Timootiyu 6:12

Wuumane viittha yooshapweya ya epaata, okholelele ohaayi wa mileele. Okhuweleliweeyo noolaza oshaahiti wooshapweya wa tukhuru yawo omaasho wa atthu a waatta.

1 Timootiyu 6:19

Khwa nanna ethiito antta wiiyana okhu ninttaawo akhipa yookhomaala, yoori apatthe ohaayi wa ookhweele.

2 Timootiyu 1:1

Miiyo Paawulu, aswihaapa wa Yinsa Al-Masiihu khwa matakhelo a Nluku, khwa ahiti ya ohaayi oriiye wa Al-Masiihu Yinsa,

2 Timootiyu 1:9

Ye anuusuru khwa rehema yawe, khahiyo mwaasa wa khaazi zeetthu, ila khwa shawuri zawe mweenyewe na rehema ninkhiweeyo khwa Yinsa Al-Masiihu, khapulathi olumwenku ohinompiwe.

2 Timootiyu 2:10

Nakataalikha, kinvilela khwa zooshi mwaasa wa pheta ya ananthawuliwa, yoori na yo apatthe nusura eri wa Al-Masiihu Yinsa, na siifwa za mileele.

2 Timootiyu 2:13

amana niiya oohaamineyi, ye oniiya wa waamineya wakhula wakathi; maana khinretteya ye ojikhana mweenyeweru.

2 Timootiyu 2:15

Weekese ojinkha mmakhono wa Nluku ori woohakikhiwa nkhama namarumeya woohiina hatha etthu ya opatthisa haaya, anjuwaaye ofiisa saaneene nttakhuzi la haakhi.

Tiitu 2:13

naahirishaka nroromelo wooshapweya na othoonyeziwa wa siifwa ya Nluku nwulu na Namuusuru Yinsa Al-Masiihu.

Tiitu 2:7

Khwa zooshi, weeyo wiiye nthoonyezo khwa yo, orettaka vitthu zooshapweya. Amana osomisaka wiiye weekhweele na woolotteya.

Tiitu 3:7

Yoori niiye ohakikhiwa khwa rehema, niretteye onamarithi awe nirina nroromelo wa ohaayi wa mileele.

1 Yaahaya 2:25

Eti ahiti ye aniretteliyeeyo, ohaayi wa mileele.

1 Yaahaya 5:20

Ninjuwa yoori Mwaana wa Nluku ata, khuninkha weeleyiwa yoori ninjuwe otule eeyiyeeyo wa khweele, na fweeyo niri wookusanyeya na Nluku wa khweele khwa Mwanawe Yinsa Al-Masiihu. Ye ti Nluku weekhweele, na ti ohaayi wa mileele.

Yuuda 1:21

Mwiikhale nkatthi wa pheta ya Nluku, mweekeselaka yoori tthakaraka ya Mbwana eetthu Yinsa Al-Masiihu yuuthuuleni ewinkheni ohaayi wa mileele.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.