Othoonyeziwa 7:3 - Hapari Zooshapweya

³ “Mwihiharipu wala tuniya, wala pahari, ama miitthi, mpakha nipharise alama ajihi za akarumeya a Nluku eetthu.”

Othoonyeziwa 7:3 Mawu Ofanana

Olaawo 12:13

Taamu mwivaziyeeyo milako zenu enttela wiiya alama yoori ethoonyeze manyupa mwiniikhalaaye, amana kiwaavulalisaka amisuri, miiyo kinttela woona taamu kisala kuuvikanani wooheemeli yoori mwihiiye wootapanyiwa ti pala yaya eto.

Olaawo 12:23

Amana Nnyizinku aviraka mmuti mphule yoori awoole amisuri, amana oona taamu etile mwittukuntteliyeeyo nlako enu phantte na phantte na vatulu vaya, Nnyizinku onttela ovira attaapho khanlawa onlikha namatapanya ovira mmanyupa mweenu yoori awuuleeni.

Matewuzhu 24:22

Eriwaka wakathi aya opo khawaavukuliwe, khina aari weettelaaye wuusurukha, ila mwaasa wa apale oothawuliwa, siikhu zaya epo enttela wiiya zoovukuliwa.

Matewuzhu 24:31

Ye onttela operekha malayikha awe na ovuma nwulweene wa malope, yo anttela owaakusanya ananthawuliwa aya ooshi khwa phantte nne zinlankhaawo pheevo, phantte khwa phantte kiina ya pinku.

Yaahaya 12:26

Otule antakhaaye okirumeyela, akilotte; na puuro kiniiyaavo na karumeya aka oniiya attaapho. Otu anikirumeyelaaye, Paapa onteela onttitthimisa.

Yaahaya 3:33

Otule ankhupalelaaye oshaahiti awe onhakikhi yoori Nluku haakhi.

Arooma 6:22

Aphano mwalaziwamo ntwampi mwarettiwa oviitthwaana wa Nluku na mishumo mwinshumaaye zinuurettani wiiya a Ttakatthiifu, omwiisho waya ohaayi wa mileele.

Othoonyeziwa 13:16

Theenya khuwaakhanyarela atthu ooshi, nwulu na nttiitthi, mathaajiri na asikhini, ootaphuliwa na amwiitthwaana, apwekherelaka alama yootthiiwa nkhono nlume ama vaajihi,

Othoonyeziwa 13:17

yoori ahiiyevo anwahaaye wuuzanya wala wuuzanyisa woohiiyi otule ariina alama, yiiyiyeeyo nzina la nyama yawoopisa ama thamani ya nzina lawe.

Othoonyeziwa 14:1

Aphano miiyo khweekesa, na omaasho waka khoona Pwittipwitthi yeemeliye vatulu wa mwaako Siyoni, vamote na ye aarivo alufu miiya na arupayiini na wane aatikhiweeyo vaajihi vaya nzina lawe na nzina la Papaawe.

Othoonyeziwa 14:9

Nlayikha la ttaatthu khuwaalotta na huula yoosileya liraka: “Amana ntthu aaputu nyama yawoopisa na ratarato yaya na khupwekherela alama vaajihi ama mmakhono,

Othoonyeziwa 19:2

maana ophuka wawo pu haakhi na shariya. Ye anhukhumu malempe nwulu aari otapanyaaye tuniya na omalempe awe. Ye khujiripha khwa taamu ya akarumeya awe.”

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.

Othoonyeziwa 22:4

Yo anteela woona wuuso awe, na nzina lawe linttela wiiya vaajihi vaya.

Othoonyeziwa 6:6

Aphano khusiila etthu yoolattanana huula vakatthi wa zumpe epile haayi nne, eraka: “Mphimo mmote wa tiriku khwa phakari ya siikhu moote, na miphimo mittatthu za nootti khwa phakari ya siikhu moote. Ila mwihiharipu mafuttha wala viinyu!”

Othoonyeziwa 7:1

Paata ya toowo miiyo khoona malayikha mane ari a weemela phantte nne za olumwenku, attiyeliye pheevo nne, yoori akhattaze ovuma wakhula pheevo va tuniya, mpahari, ama khwa wakhula muutthi.

Othoonyeziwa 7:2

Na khoona nlayikha likina liwelelaka lintthamuwaawo njuwa, liriina ephariselo ya Nluku ariiye haayi. Ye khukuwela na huula yoosileya malayikha apale mane, atthaapo enkhiweeyo owahi wa oharipu tuniya na pahari:

Othoonyeziwa 9:4

Yo khurumiwa yoori ahiharipu hatha nyaani za tuniya wala mathapa, wala muutthi mmote, alaputa atthu apale ohiina alama ya Nluku vaajihi.