Othoonyeziwa 7:12 - Hapari Zooshapweya

¹² araka: “Amiina! Siifwa na ottitthima, akhili, oshukhurwela, hishima, owahi na kuvu ziiye za Nluku eetthu khwa mileele. Amiina!”

Othoonyeziwa 7:12 Mawu Ofanana

Zaapuura 100:4

Mwivire vamilako wa Nyuupa Yawe Yoosifwiwamo na oshukhuru, na nlivenu mwawe na maliipo a siifwa; mwinshukhurwele, na mwilupe wooparikhiyavo nzina lawe.

Zaapuura 95:2

Nlaweni naattame omaasho wawe na maliipo ooshukhuru, na ninkhuwele na maliipo a siifwa.

Yuunusa 2:9

Ila miiyo kinteela wuushukhurwela weeyo na maliipo a siifwa na owinkha twaha, na kinteela oretta eti kaahitiyeeyo, maana nusura enlankha khwa Nnyizinku.”

Matewuzhu 6:13

na ohinilikhelele nizayiniwaka, ila nuusuru khwa ntakhali, maana ofwalume, owahi, na siifwa zooshi pi zawo, mileele. Amiina.’

Arooma 11:36

Maana zooshi zata khwa ye, na zooshi zeeyavo khwa ye, na pi zawe. Attitthimisiwe ye khwa mileele! Amiina.

1 Akorintiyu 14:16

Amana weeyo onsifwaka Nluku khwa rooho, nannani ntthu antthaaye waazaru otamo anttelaaye owahi olupa yoori amiina khwa lompa yawo ya oshukhurwela, woone yoori khanjuwa etthu weeyo onlupaaye.

2 Akorintiyu 4:15

Maana zooshi epo piza yoori mweeyo mwiiye saana, yoori rehema yenkeziweeyo khwa atthu awaatta, yiitaale khaazi ya rehema khwa siifwa ya Nluku.

Akoloosu 2:7

wookheyiwa na woojekiwa khwa ye, ookhomaala khwa amini nkhama mwisomisiweezo, mwenkezaka onshukhurwela Nluku.

Akoloosu 3:17

Zooshi mwinrettaazo, waaza mattakhuzi ama khwa khaazi, mwirette zooshi khwa nzina la Mbwana Yinsa, khwa ye mwinshukhurwele Nluku Paapa.

Yuuda 1:25

Nluku paasi, Namuusuru eetthu, eeye siifwa, nwulweene, nwahi na mfwalume, khwa Yinsa Al-Masiihu, Mbwana eetthu, khwa wakathi wooshi, nasaapi mpakha mileele! Amiina!

Othoonyeziwa 1:18

Ki otule ari haayi. Kaafwiye, ila apha kiri haayi khwa mileele! Na kinaaye efukulo ya ofwa na ya Ahera.

Othoonyeziwa 19:4

Attunkhulu a tiini eshiriini na wane na zumpe haayi nne khukokhora na khumwaaputu Nluku, eekhaliyeeyo va khukulu vawe, khunyakula araka: “Amiina, Aleluuya!”