Othoonyeziwa 5:9 - Hapari Zooshapweya

⁹ Na yo khwiipa liipo lipheya araka: “Weeyo ti onsuhaaye opwekherela kithaapu na opharula viphariselo zaya, maana weettiye wuuliiwa, na khwa taamu yawo wamuuzanyela Nluku mahimo ojama wooshi, luuka, atthu na khapila.

Othoonyeziwa 5:9 Mawu Ofanana

Matewuzhu 20:28

Nkhama etthiipo, Mwaana wa Pinaatamu khateleeni orumeyeliwa, ila orumeya na winkha ohaayi awe khwa owaakaphula atthu awaatta.”

Matewuzhu 26:28

Eti taamu yaka ya wahati yiitthiweeyo khwa zwaamu ya atthu awaatta yoori eswaamiheliwe twampi.

Khaazi 20:28

Mweettette saana na mwitthantte khuntti etile Rooho Ttakatthiifu awinkhiyeenini otthantta, yoori mwiiye attunkhulu awulu a ojama wa Nluku, otthuupo ye oozanyiyeeyo na taamu yawe.

1 Akorintiyu 6:20

Mweeyo moozanyiwa khwa hisapu khuluyeene; apho mwinttitthimise Nluku na mwiili enu.

1 Akorintiyu 7:23

Mweeyo moozanyiwa khwa hisapu khuluyeene; mwihijirette wiiya amwiitthwaana a anaatamu.

Ayeefezu 1:7

Ye anitaphula koosa zeetthu khwa taamu yawe, ninaaye nswammaha wa twampi khwa maali za rehema ya Nluku,

Ayeefezu 5:19

Mwisala mwilipiselana na mattakhuzi ari nzaapuura, kaswiita na maliipo asiifwa, mwinsifwaka Mbwana nroho mweenu.

Akoloosu 1:14

ye ti anikaphuliyeeyo, na khwa othuuto ti eswamihiweeyo twampi zeetthu.

Akoloosu 1:23

Ila enihithajiya wiiya nchina lookhomaala na olipalipa khwa amini, woohiphakuwanani nroromelo wa hapari zooshapweya, epile mwisiiliyeezo na zilaleyeliweeyo atthu ooshi ari vathi. Pi hapari zooshapweya etthiipo miiyo Paawulu kiretteyiyeeyo okarumeya.

Tiitu 2:14

Ye ajinkha khwa zwaamu yeetthu fweeyo yoori anitaphule khwa vitthu zootakhala na anitwahareshe niiye atthu awe monkoni wa weettettisa mwentto wooshapweya.

Meepereewu 11:14

Apale anlupaaye toowo anthoonyeza saaneene yoori aneekesa nti aya yo.

2 Pheeturu 2:1

Raku, vakatthi wa atthu aapuwiyevo manapiyu oojipanka, etthiipo theenya vakatthi venu mweeyo anteela opuwavo anamanozela oojipanka. Yo anteela osarula vattiitthi vattiitthi mwentto woovonyeya ontapanyaaye, afiyelelaka onkatthala Mfwalume Nwulu otule awaakaphuliyeeyo, ajitothelaka nasaapiru otapanyeya.

1 Yaahaya 1:7

Ila amana neettetta nnuuru, nkhama ye ariiye nnuuru, phi ninthokorelaavo osiilana mmote na nzeetthu, na taamu ya Mwanawe Yinsa entta oniswafi twampi zeetthu zooshi.

1 Yaahaya 2:2

Ye swamiima wa twampi zeetthu, khahiyo zeetthu paasi, ila theenya khwa twampi za olumwenku wooshi.

Othoonyeziwa 10:11

Aphano miiyo khuuziwa yoori: “Enuuhithajiya weeyo ohupiri opheya monkoni wa atthu awaatta, khapila, luuka, na afwalume.”

Othoonyeziwa 11:9

Khwa siikhu ttatthu na nuusu, atthu a mahimo ooshi, a luuka na khapila anteela woona mwiili wa ananfwa aya na khanteela owaatakhisa ozikhiwa.

Othoonyeziwa 13:7

Khwinkhiwa owahi wa wuumanana attakatthiifu na owaashintta. Enkhiwe ofwalume khwa mahimo, atthu, luuka na khapila zooshi.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 14:6

Aphano miiyo khoona nlayikha likina, laari ovavaaye pinkuuni na laarina mmakhono hapari zooshapweya za mileele yoori ziwaalaleyele apale aniikhalaaye va tuniya apha, khapila zooshi, mahimo, luuka na atthu.

Othoonyeziwa 15:3

na khusala eepa liipo la Munsa, karumeya wa Nluku, na liipo la Pwittipwitthi yoori: “Khuluzeene na zootikinisa zooretta za Mbwana Nluku Nwahi zooshi. Tarikhi zawo shariya na haakhi, Oo Mfwalume wa khapila zooshi.

Othoonyeziwa 17:15

Aphano nlayikha khukuuza yoori: “Maati apo weeyo wooniyeeyo, vahali eekhaliyeevo malempe oto, pi atthu ooshi, khuntti khuluyeene, khapila zooshi na luuka.

Othoonyeziwa 4:11

“Weeyo, Mbwana na Nluku etthu, onsuhi opwekhera siifwa, hishima, na owahi, maana wompa vitthu zooshi, na khwa niiya yawo zooshi zeeyavo na zompiwa.”

Othoonyeziwa 5:12

na eepaka na huula yoosileya araka: “Ensuhaaye Pwittipwitthi, yawuuliiwa, khwa opwekherela owahi, maali, akhili, kuvu, hishima, ottitthima na siifwa.”

Othoonyeziwa 5:6

Paata ya toowo, keetta woona Pwittipwitthi eri nkhama ya wuuliiwa, yeemeliye vakatthi wa khukulu na ezukuleliwe ti zumpe haayi nne na attunkhulu a tiini. Ye yaarina manyaka sapa na maasho sapa, ziiyiye rooho sapa eninrumeyelaaye Nluku eperekhiweeyo va tuniya yooshi.