Othoonyeziwa 3:3 - Hapari Zooshapweya

³ Nakataalikha, muupuwele etile mwipwekhereliyeeyo na mwisiiliyeeyo: mwishututele na mwithupwiye. Ila amana mweeyo mwihijeekeseli, kinttela ota nkhama nantarawu, mweeyo khamwinteela ojuwa wakathi kinttelaaye wuuteelani.

Othoonyeziwa 3:3 Mawu Ofanana

Matewuzhu 25:13

“Nakataalikha, kiniwuuzaanini yoori mwijeekesele, maana mweeyo khamwinjuwa siikhu wala wakathi aya.

Maaruku 13:33

Phoole, mwiiye woojeekesela, maana khamwijuweeni ofiya wa wakathi aya opo.

Maaruku 13:36

Amana ye ata woohileezi, ti ahuusikaneni mweettaka olala.

1 Atizaloonika 5:2

Maana mweeyo mwinjuwa saaneene yoori Siikhu ya Mbwana enta nkhama nantarawu osikhu.

1 Timootiyu 6:20

Weeyo Timootiyu! Etile olikheliweeyo otthe nroho. Owerawere mattakhuzi oololo aninveyisaaye Nluku na akhili zoovonyeya zinooniwaaye nkhama ojuwa ila zihiiyeeni.

2 Timootiyu 1:13

Othokorele khwa amini na pheta ya Yinsa Al-Masiihu, menttezi a masomi apa okisiiliyeeyo.

Meepereewu 2:1

Khwa etthiipo nina ya osiileza saana nttakhuzi la Nluku nisiiliyeeyo, yoori nihithowelele theenya.

2 Pheeturu 1:13

Kinoona wiiya yootafikhana amana kiiya haayi olansela fwahamu zenu mweeyo khwa vitthu zaya epo.

2 Pheeturu 3:1

Aphetani aka, eti warakha ya phiiri kiniwaatikhelaanini. Khwa zoopiiri kintakha wuukupuselani, kilanselaka akhili zenu zooshapweya.

2 Pheeturu 3:10

Nakataalikha, siikhu ya ota wa Mbwana, enteela opuwa nkhama nantarawu. Pinku enteela ozimweela na onyakula saaneene, vitthu epile za otulu enttela otapanyeya mwaasa wa nkukuku. Olumwenku na zooshi ziriimo zinteela waashikha.

Othoonyeziwa 16:15

“Moone yoori kinta nkhama nantarawu! Wooparikhiyiwa ti otule aniikhalaaye woojeekesela na wootthenkeza saana zoowala zawe yoori aheettette waazu na ehooniwe haaya yawe.”

Othoonyeziwa 2:25

ila paasi mwikholele woolipaneyavo epo mwiriinaazo mpakha miiyo ota.

Othoonyeziwa 2:5

Mwifikhiri vahalini mwikwiiyeevo! Mwithupwiye na mwirette epile mwaari orettakaaye omwanzo. Amana mwihithupwiyi, kintta wuuteelani na kilazevo khantteya yenu vahali eniiyakaavo.

Othoonyeziwa 22:7

“Moone! Miiyo kinta woohirupazi! Wooparikhiyiwa ti otule ampwehaaye mattakhuzi a ohupiri a kithaapu eti.”

Othoonyeziwa 3:11

Kinta woohirupazi. Mwithokorele etile mwiriina, yoori ahiiyevo hatha ntthu woothuula jarata yenu.

Othoonyeziwa 3:19

Miiyo kiniwaashowera na kiniwaalikhisa apale kiniwaaphetaaye. Tiito, mwijipayini na mwithupwiye.

Othoonyeziwa 3:2

Mwijeekesele! Mwilipisele etile nalelo eri haayi mwihinafwe sawasawa, maana akooneeni zooretta zaya wiiya khaamili omaasho wa Nluku aka.