Othoonyeziwa 22:5 - Hapari Zooshapweya

⁵ Khunteela wiiyavo theenya osikhu, khanlawa otakha yo nuuru ya khantteya, wala nuuru ya njuwa, maana Mbwana Nluku onttela waara khwa yo, na yo anttela olokozela khwa mileele.

Othoonyeziwa 22:5 Mawu Ofanana

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.

Arooma 5:17

Mwaasa wa ovonya wa ntthu mmote paasi, ofwa weeyavo, atepa apale apokhereliyeeyo wa waattavo rehema na tthuvo ya shariya anteela wiiyana ohaayi wa ntthu mmote paasi Yinsa Al-Masiihu.

Othoonyeziwa 11:15

Nlayikha la saapa khuvumisa nlope laya, pinkuuni khupuwawo huula zookhomaala zaari oraaye: “Ofwalume wa olumwenku waretteya wiiya wa Mbwana eetthu na Al-Masiihu awe, na onteela olokozela khwa mileele.”

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

2 Timootiyu 2:12

amana nivilela, ninteela wiiya afwalume vamote na ye; amana ninkhana, na ye onteela onikhana;

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Othoonyeziwa 18:23

Khinteela waaramo theenya nuuru ya khantteya nlikokoro mwaya, khinteela osiiliwamo theenya huula ya mposi ama namaposiwa, anazanshara enu aari awulu a voolumwenku; khapila zooshi khwiiya zoottettekhiwa khwa oshawi aya.

Matewuzhu 25:46

“Apa aneetta ohukhumu khwa mileele, ila makhaamili anttela wiiyana ohaayi wa mileele.”

Matewuzhu 19:28

Yinsa khuwooza araka: “Miiyo kiniwuuzani khweele yoori, amana ofiya wakathi Nluku anttelaaye waattala zooshi opheeya na Mwaana wa Pinaatamu eekhala va khukulu ya siifwa zawe, mweeyo mwinikilottaaye mwinttela wiikhalela khukulu khumi na piiri yoori mwiphuke mahimo khumi na mawiri a Ezirayiilu.

Othoonyeziwa 20:6

Ooparikhiyiwa na attakatthiifu pi apale ariina phantte ya osisimuwa wa mwanzo! Ofwa wa phiiri khuna owahi khwa yo; anttela wiiya anamalokozela a tiini ya Nluku na a Al-Masiihu, anttela olokozela vamote na ye khwa nyaakha alufu.

Othoonyeziwa 21:11

Ye aari omwasikhela khwa nuuru ya Nluku, na waara wawe waari nkhama wa nkufu wa fwayita, nkhama jaasipi, wa wooneela nkhama suupha.