Othoonyeziwa 22:1 - Hapari Zooshapweya

¹ Aphano nlayikha khukithoonyeza muuttho wa maati a ohaayi, a wooneela nkhama suupha, aari wittikhaaye va khukulu ya Nluku na ya Pwittipwitthi,

Othoonyeziwa 22:1 Mawu Ofanana

Yaahaya 13:32

Nkhama Nluku onsifwiwa khwa ye, na ye Nluku onsifwiwa mwanawe khwa ye mweenyewe, na onteela osifwiwa woohirupazivo.

Yaahaya 15:26

“Ila, amana ata Namalipisela, otule kinttelaaye wuuperekhezani woolankha phantte ya Paapa, Rooho ya ookhweele ya olankha wa Paapa, ye onttela olaza oshaahiti monkoni wa miiyo.

Yaahaya 4:14

ila otule anttelaaye onywa maati kinttelaaye omwinkha khanlawa wiiyana nnyottha theenya. Olikha toowo, maati kinttelaaye owinkha anttela oretteya naattuuttu wa wiittikha maati a ohaayi wa mileele.”

Khaazi 2:33

Khuweziwa khulawa wiikhala nkhono nlume wa Nluku, ye enkhiwa Rooho Ttakatthiifu ti Papaawe nkhama etthiipo amwahitiyeeyo, apha eetta oniitthelela ti ethiito mwinoonaaye na mwinsiilaaye enasaapi eti.

Othoonyeziwa 1:1

Othoonyeza wa Yinsa Al-Masiihu, Nluku amwinkhiyeeyo yoori awaathoonyeze akarumeya awe vitthu zaariina ya orettikhana woohirupazi. Ye aperekha nlayikha lawe yoori linthoonyeze karumeya awe Yaahaya vitthu zaya epo,

Othoonyeziwa 21:11

Ye aari omwasikhela khwa nuuru ya Nluku, na waara wawe waari nkhama wa nkufu wa fwayita, nkhama jaasipi, wa wooneela nkhama suupha.

Othoonyeziwa 21:6

Khukuuza theenya yoori: “Zarettikhana. Miiyo ki Aalufwa na Oomeka, wa Waaza na wa Wiishela. Otule ariina nnyottha, kinimwinkha maati oonywa mahala khwa naattuuttu wa maati a ohaayi.

Othoonyeziwa 21:9

Mmote wa malayikha apale sapa aariina miphiko sapa zawiitaala pala epile za wiishela khukaattama na khukuuza yoori: “Ote, miiyo kuunoze namaposiwa, muukha wa Pwittipwitthi.”

Othoonyeziwa 22:17

Rooho na namaposiwa anri: “Ote!” Na wooshi otule anttelaaye osiila alupe yoori: “Ote:” Otule ariina nnyottha, ate; na otule antakhaaye, anywe maati a mahala a ohaayi.

Othoonyeziwa 22:6

Nlayikha khukuuza yoori: “Mattakhuzi apa ansuhi waaminiwa na pi a haakhi. Mbwana Nluku, aniwinkhaaye rooho yawe amanapiyu, aperekha nlayikha lawe yoori awaathoonyeze akarumeya awe vitthu zinttelaaye orettikhana woohirupazi.

Othoonyeziwa 3:21

Otule anshinttaaye kinimwinkha ruhusa ya wiikhala na miiyo va khukulu vaka, nkhama etthiipo miiyo kishinttiyeezo khwiikhala na Paapa va khukulu vawe.

Othoonyeziwa 5:13

Nawiisha khusiila zumpe zooshi ziriiye pinkuuni, va tuniya, vathi wa tuniya, mpahari, na zooshi ziriimo, ziipaka yoori: “Otule eekhaliyeeyo va khukulu na Pwittipwitthi asifwiwe na hishima, ottitthima, na owahi, khwa mileele.”

Othoonyeziwa 5:6

Paata ya toowo, keetta woona Pwittipwitthi eri nkhama ya wuuliiwa, yeemeliye vakatthi wa khukulu na ezukuleliwe ti zumpe haayi nne na attunkhulu a tiini. Ye yaarina manyaka sapa na maasho sapa, ziiyiye rooho sapa eninrumeyelaaye Nluku eperekhiweeyo va tuniya yooshi.

Othoonyeziwa 7:17

maana Pwittipwitthi eriye vakatthi wa khukulu enttela wiiya nshuki wa apo aya, ye enttela owaalokoza va anaattuuttu a maati a ohaayi. Na Nluku onttela opakusa mishozi za mmaasho mwaya.”