Othoonyeziwa 20:2 - Hapari Zooshapweya

² Ye khukhola jahanamu, nyookha etile ya raku yiiyiyeeyo Epiliisi, Sheethwani, na khunfukana likwinjili nyaakha alufu,

Othoonyeziwa 20:2 Mawu Ofanana

Mwanzo 3:1

Nyookha yaari nlavilavi zayita nyama zooshi za ntthuttu Nnyizinku Nluku ompiyeeyo. Khumuuzela muukha eraka: “Atthi Nluku alupa yoori mwihije mishumo za miitthi zooshi ziriiye nwoorotha mphu?”

Mwanzo 3:15

Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Matewuzhu 19:29

Ooshi apale alikhiyeeyo vaje vaya, attwi zaya, alupu aya, papaaya, mamaaya, aanaaya ama mashapa aya, mwaasa wa miiyo, anlawa apwekhere swaafu miiya na orithi ohaayi wa mileele.

Matewuzhu 8:29

Aphano, yo khusala anyakula araka: “Onnitakhelani fweeyo Mwaana wa Nluku? Wata okhuno oteela onoopopisa ohinafiye wakathi aya?”

Maaruku 4:15

Atthu akina ari nkhama peewu eriiye nshini wa tarikhi, nhali lizaliweemo nttakhuzi. Paata ya osiila, epiliisi onta, khulazavo nttakhuzi ntthile nroho mwawe.

Maaruku 5:7

Khukhuwa na huula yawe yooshi araka: “Onikitakhelani miiyo, Yinsa mwaana wa Nluku Nwulu? Kinuuvekela khwa Nluku yoori ohikihukhumu!”

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Yaahaya 16:11

khwa ophuka, maana mfwalume wa voolumwenku apha aphukiwa.

Arooma 16:20

Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

2 Pheeturu 2:4

Maana Nluku kheenaneliye malayikha apale akosiyeeyo, ila eeselela motthooni, khufukela nkhilintti wooripamo yoori apwehe mpakha siikhu ya ophukiwa.

Yuuda 1:6

Mwifikhiri malayikha apale ahithokoreleeni puuro yaya ya ofwalume, ila khwanswi meekhazi aya, Nluku awaapweha nhali wooripamo na khuwaafukana makwinjili a mileele mpakha siikhu ya ophukiwa.

Othoonyeziwa 12:13

Wakathi jahanamu ajooniyeevo yoori eeseleliwa va tuniya, khwaaza onlupattha muukha otule ampatthiyeeyo mwaana wa nlume.

Othoonyeziwa 12:15

Aphano jahanamu khuchuwa maati nkhanyo mwawe nkhama muuttho, yoori ansikane muukha otule na ampurule na nziko wa maati.

Othoonyeziwa 12:17

Jahanamu khwiiya wawiiphiiriwa ti muukha otule na khulawa wuumana ojama opule wa muukha waasaliyeeyo, apale anshututelaaye oruma wa Nluku na aniiyaaye awaamineya khwa oshaahiti wa Yinsa.

Othoonyeziwa 12:3

Khupuwa theenya alama kiina pinkuuni: jahanamu moote khuluyeene yookhuttuwa yaarina viishwa sapa na manyaka khumi, wakhula eeshwa yaarina jarata moote.

Othoonyeziwa 12:4

Nkhira aya khupurula phantte ya ttaatthu ya matthottowa pinkuuni, khusala eeselela va tuniya. Jahanamu yaarapaleliye omaasho wa muukha aari otakhaaye opattha ekumi, yoori emmize mwaana amana avokoliwa.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 13:2

Nyama yawoopisa kooniyeeyo yaari olattanana shuuwi, na yaarina moolu mawulumawulu nkhama a khoole nwulweene na makhope oothokolowa, na milomo zaya nkhama za siipa. Jahanamu khwinkha nyama yawoopisa etile owahi aya khukulu yaya na ofwalume nwulweene.

Othoonyeziwa 13:4

Khwaaputwiwa jahanamu, maana yenkhiye ofwalume nyama yawoopisa, na theenya khwaaputu nyama etile araka: “Paani woolattanana nyama eti? Paani anttelaaye wuumanana?”

Othoonyeziwa 20:10

Epiliisi otule aari owaahataaye, khweeseleliwa vantthatta la moottho onkholelaaye oka, okhule yeeseleliweewo nyama yawoopisa na napiyu woojipanka. Yo anlawa oopopisiwe osikhu na nthana khwa mileele.

Othoonyeziwa 20:7

Amana ziisha nyaakha alufu, Epiliisi onttela ofukuliwa nkalapooso,

Othoonyeziwa 9:11

Yo aarina mfwalume aya aari owaalokozelaaye, nlayikha la nkhilintti; khwa luuka ya meepereewu nzina lawe yaari oriwa Apatomi, na khwa luuka ya ekereeku, Apoliyoomi.