Othoonyeziwa 2:18 - Hapari Zooshapweya

¹⁸ “Khwa ojama wa Nluku wa Tiyatiira waatikhe yoori: Apa mattakhuzi a mwaana wa Nluku, otule ariina maasho nkhama eviriviri ya moottho na moolu oolattanana poronzi ya woochiwa.

Othoonyeziwa 2:18 Mawu Ofanana

Matewuzhu 17:5

Pheeturu eettaka ottakhula nalelo, khupuwa liwiku lawaara khuwaafinikha, nttumpho khupuwamo huula yaari oraaye: “Otu Mwanaka wompheta na wookituvela channu. Mwinsiileze!”

Matewuzhu 27:54

Nttunkhulu wa anajanka na apale aari omweekeselaaye Yinsa, nawoona esikinyaatthi na zooshi zaarettikhaniyeeyo, khwiiya awoova channu khulupa yoori: “Weekhweele, ntthu otu aari mwaana wa Nluku!”

Matewuzhu 3:17

Huula ya olankha pinkuuni khuri: “Otu mwanaka wompheta, na wookituvela channu!”

Luuka 1:35

Nlayikha khujipu liraka: “Rooho Ttakatthiifu entta owiishukhela, owahi wa Nwulu wa Pinkuuni onttela wuufinikha na yiivuuli yawe. Tiito mwaana onttelaaye ompattha, onteela wiitthiwa Ttakatthiifu, Mwaana wa Nluku.

Yaahaya 1:14

Nttakhuzi khujiretta ontthu na khwiikhala vakatthi veetthu. Fweeyo noona siifwa yawe, siifwa nkhama mwaana mmote paasi wa Paapa wawiitaala rehema na khweele.

Yaahaya 1:49

Attaaphale Natanayeele khushanka khuri: “Rabi, weeyo o Mwaana wa Nluku. Weeyo O Mfwalume wa Ezirayiilu!”

Yaahaya 10:36

aphano otule Paapa anttakatthisiyeeyo na khunruma voolumwenku, mwinri: ‘Weeyo onamakufuru,’ mwaasa wa niini kilupaka yoori ‘Ki mwaana wa Nluku?’

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Yaahaya 3:18

Wakhula otule aninkhupalaaye khamphukiwa, ila otule ahininkhupalaaye aphukiwa, mwaasa wa ohikhupali nzina la Mwaana mmote paasi wa Nluku.

Yaahaya 5:25

Miiyo kiniwuuzani khweele yoori, ontta ofiya wakathi, na wafiya, ananfwa anttelaaye osiila huula ya Mwaana wa Nluku na otule anttelaaye osiila oniiya haayi.

Khaazi 16:14

Muukha mmote aari wiitthiwaaye Liitiya aari woonisiileza saana. Aari wuuzanyisaaye kuwo zawooneela wa sitati ya nti wa Tiyatiira. Liitiya aari woomoova Nluku, Mbwana khunfukula rooho yawe yoori apwekherele etile Paawulu aari olupaaye.

Khaazi 8:36

Ari ntarikhi eettaka olawa, khufiya vahali aarivo maati. Mwiitiyoopiya otu khumuuza Filiipe yoori: “Apha awaapho maati. Niini enkhattazaaye woosiwa miiyo?”

Arooma 1:4

na khuthoonyeziwa khwa Rooho ya ottakatthifu wiiya Mwaana wa Nluku na owahi wakathi asisimuwiyeeyo muufwa. Ye ti Yinsa Al-Masiihu Mbwana eetthu,

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Othoonyeziwa 1:11

elupaka yoori: “Waatikhe nkithaapu mphu epi onoonaazo, operekhe khwa ojama sapa wa Nluku ori Aaziya: Eefezu, Eshimiirina, Perekaamu, Tiyatiira, Saariti, Filateelifiya na Lawotiseeya.”

Othoonyeziwa 2:1

“Khwa ojama wa Nluku wa Eefezu waatikhe yoori: Apa mattakhuzi a otule ariina matthottowa sapa nkhono nlume awe aneettettaaye vakatthi wa khantteya sapa za weero.

Othoonyeziwa 2:24

Khwa mweeyo akinoko aya mwiriiye Tiyatiira, mwihinlottaaye masomi a muukha oto, na mwihijinozeleeni epile yo anlupaaye yoori siiri zawiicha za Epiliisi, kiniwuuzani yoori: Mwihijittikhe mapwattha makina,