Othoonyeziwa 16:8 - Hapari Zooshapweya

⁸ Nlayikha la nne khwiitthela mphiko aya vanjuwa, na khwinkhiwa owahi njuwa yoori liwaalukuze atthu na moottho.

Othoonyeziwa 16:8 Mawu Ofanana

Yuunusa 4:8

Etthamutthamu ya njuwa, Nluku khuperekha pheevo za okhu lintthamuwaawo njuwa zoolukuza channu, naye njuwa khusala lipiyela veeshwa vawe Yuunusa, khusala asaleela ozileya. Paata ya toole, ye khusala ajitakhela ofwa, na khuri: “Toono afwataali ofwa ehiiyeeni wiiya haayi.”

Matewuzhu 13:6

Ila, wakathi litthamuwiyeevo njuwa miitthi khulukula na khuuma, maana khazaarina mitathaari.

Luuka 21:25

Yinsa khuvira awoozaka theenya yoori: “Zinlawa zeeyevo alama va njuwa, va mweezi, na va matthottowa. Atthu a voolumwenku anteela wiiyana huzuni na woova nwulweene mwaasa wa ottitthima na otapanyeya wa pahari.

Khaazi 2:20

Njuwa lizukuluwe liiye yiiza, mweezi na ye othatuwe wiiye taamu, ehinafiye siikhu khuulu ya siifwa za Mbwana.

Othoonyeziwa 14:18

Theenya nlayikha likina, liriina ofwalume khwa moottho, khulaawo wa alitaari, khunkhuwela na huula yoosileya ntthile liriina sheko yoonoliwa liraka: “Othuule sheko yawo yoonoliwa na okusanye miwawa za wuuva za nviteera wa va tuniya, maana wuuva zaya zattokottha.”

Othoonyeziwa 6:12

Kooniye Pwittipwitthi wakathi yaari opharulaavo ephariselo ya siitha. Khupuwa esikinyaatthi yawoopisa, njuwa khwiiya looriipa nkhama osikhu, na mweezi wooshi khwiiya wookhuttuwa nkhama taamu,

Othoonyeziwa 7:16

Yo khanteela wiiyana theenya jala, wala nnyottha. Khalinteela owaantipu njuwa, wala haari khinteela owaahukhumu,

Othoonyeziwa 8:12

Aphano nlayikha la nne khuvumisa nlope laya, na khuvulalisa phantte ya ttaatthu ya njuwa na phantte ya ttaatthu ya mweezi, na phantte ya ttaatthu ya matthottowa, ti nanna phantte ttaatthu epo zaariipiyeezo. Na phantte ya ttaatthu ya nthana khuhiina nuuru, na theenya phantte ya ttaatthu ya osikhu.

Othoonyeziwa 9:2

Wakathi ntthottowa ntthile lifunuliyeevo nlipu wa khilintti, khusala litthuwelavo loosi nkhama njocho lookhoziwa na khwa loosi nttinttho la vanlipu khuriipisa njuwa na pinku.