Othoonyeziwa 16:4 - Hapari Zooshapweya

⁴ Nlayikha la ttaatthu khwiitthela mphiko aya nnyuttho na anaattuuttu, maati aya khuthatuwa taamu.

Othoonyeziwa 16:4 Mawu Ofanana

Olaawo 8:5

Aphano Nnyizinku khumuuza Munsa araka: “Omuuze Haruni yoori: ‘Wookole nkhono awo othuule pakhora wookolele mmuttho, mmilipu na mmatthatta yoori owaawelelise anaphulu Misuri yooshi.’ ”

Othoonyeziwa 11:6

Atthu aya apo anaaye owahi wa ofuka pinku, khwa nanna ya ohiwahi onya vuula khwa wakathi anttelaaye ohupiri, na anaaye owahi wa othatusha maati khwiiya taamu na omwazela va tuniya wakhula nanna ya pala, khwa swaafu epile antakhaazo.

Othoonyeziwa 14:7

Ye khulupa na huula yoosileya liraka: “Mwimoove Nluku na mwinttitthimise, maana wafiya wakathi wa ophuka wawe. Mwimwaaputu otule ompiye pinku, nti, pahari na anaattuuttu a maati.”

Othoonyeziwa 16:5

Aphano khusiila nlayikha liriina ofwalume monkoni wa maati liraka: “Weeyo o shariya, weeyo, o Ttakatthiifu, oriivo na waariivo, maana waphuka vitthu zaya epo.