Othoonyeziwa 13:8 - Hapari Zooshapweya

⁸ Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 13:8 Mawu Ofanana

Mwanzo 22:7

Esiyaakha khunkhuwela papaawe yoori: “Mweeyo paapa!” Ye khujipu: “Lape mwanaka!” Aphano Esiyaakha khumuuzela papaawe: “Nathuula moottho na khuuni, khi pwittipwitthi yoolawa otwahi eri vayi?”

Matewuzhu 25:34

“Aphano Mfwalume onttela owooza apale anttelaaye wiiya nkhono nlume yoori: ‘Mwite mweeyo ooparikhiyiwa ti Paapa! Mwipwekherele ofwalume nkhama eritho mwitthenkezeliweeyo thanku wumpiwa wa olumwenku.

Luuka 10:20

Ila mwihifurahi mwaasa wa masheethwani wuushututelani, mwifurahele mazina enu waatikhiwa pinkuuni.”

Yaahaya 1:29

Mmeesho mwaya Yaahaya khumoona Yinsa eettaka ota khuri: “Mwimoone! Oto antaaye apho, pwittipwitthi ya Nluku enlazaaye twampi voolumwenku!

Ayeefezu 1:4

Olumwenku ohinompiwe, Nluku anithawula rakuzeene khwa Yinsa yoori niiye attakatthiifu na niiye atthu oohiina paathuli mmakhono mwawe.

Afiliipu 4:3

Na weeyo nshirikha aka wa waamineya nkatthi wa khaazi, kinuuvekela yoori owaawuni alupu apa. Maana yo na Kelementi na ashirikha aka akinoko, akhola khaazi phantte yaka ya omwaza hapari zooshapweya. Mazina aya ari nkithaapu ya ohaayi.

Tiitu 1:2

amini na ojuwa nchina la nroromelo khwa ohaayi wa mileele, opule Nluku woohihati, ahitiyeeyo khapulathi olumwenku ohinompiwe.

Othoonyeziwa 12:15

Aphano jahanamu khuchuwa maati nkhanyo mwawe nkhama muuttho, yoori ansikane muukha otule na ampurule na nziko wa maati.

Othoonyeziwa 13:12

Aari orumeyela ofwalume wooshi wa nyama yawoopisa etile ya mwanzo khwa nzina lawe, na yaaretteyiye tuniya na apale aniikhalaamo waaputu nyama yawoopisa etile ya mwanzo, makhwatta ooliyeeyo nyama yawoopisa etile arettiye avoniye.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.

Othoonyeziwa 21:27

Mpho khinteela weettamo hatha etthu yoohifwayi, wala ntthu anrettaaye etile yoopattisa haaya ama yoohata, ila paasi apale mazina aya aatikhiweeyo nkithaapu ya ohaayi wa Pwittipwitthi.

Othoonyeziwa 3:10

Maana mweeyo mwathokorela nttakhuzi laka la otumerela nthiti, na miiyo kinuuthokorelani wakathi wa wootootiwa onttelaaye ota khwa olumwenku wooshi, yoori owootote apale aniikhalaaye voolumwenku.

Othoonyeziwa 3:20

Mwisiileze! Miiyo kiri va nlako na kintta opiya. Amana ntthu asiila huula yaka na khufukula nlako, kintta ovira kije vamote na ye, na ye na miiyo.

Othoonyeziwa 3:5

Otule anshinttaaye onttela owala kuwo zoolakala nkhama apale, na akinteela ofuja nzina lawe nkithaapu ya ohaayi, ila kinteela otukhuru nzina lawe omaasho wa Paapa na malayikha awe.

Othoonyeziwa 5:12

na eepaka na huula yoosileya araka: “Ensuhaaye Pwittipwitthi, yawuuliiwa, khwa opwekherela owahi, maali, akhili, kuvu, hishima, ottitthima na siifwa.”

Othoonyeziwa 5:13

Nawiisha khusiila zumpe zooshi ziriiye pinkuuni, va tuniya, vathi wa tuniya, mpahari, na zooshi ziriimo, ziipaka yoori: “Otule eekhaliyeeyo va khukulu na Pwittipwitthi asifwiwe na hishima, ottitthima, na owahi, khwa mileele.”

Othoonyeziwa 6:1

Kooniye Pwittipwitthi wakathi yaari opharulaavo ephariselo ya mwanzo khwa epile sapa, aphano kisiila moote khwa zumpe haayi epile nne, elupaka na huula ya taari yoori: “Ote!”