Othoonyeziwa 13:16 - Hapari Zooshapweya

¹⁶ Theenya khuwaakhanyarela atthu ooshi, nwulu na nttiitthi, mathaajiri na asikhini, ootaphuliwa na amwiitthwaana, apwekherelaka alama yootthiiwa nkhono nlume ama vaajihi,

Othoonyeziwa 13:16 Mawu Ofanana

Olaawo 13:9

Epi enttela wiiya nkhama alama ya mmakhono mwawo na opheleleza wa mmwishwa mwawo yoori oruma wa Nnyizinku wiiye vanlimi vawo, maana Nnyizinku oolaza Misuri khwa nkhono awe wa owahi.

Khaazi 26:22

Ila kinaaye awuni ya Nluku mpakha siikhu eti ya leelo, na kiri apha mwaasa wa etthiipo kilazaka oshaahiti vakatthi wa atthu pure na apale ooshitahiwa. Akinlupa hatha etthu yohiiyi etile aalupiyeeyo manapiyu na Munsa yoori enteela orettikhana.

1 Akorintiyu 12:13

Maana khwa mwiili mmote paasi noosiwa khwa Rooho moote: waaza mayaahuuti, akereeku, mpakha amwiitthwaana, hatha apale ootaphuliwa, fooshi napwekhera Rooho moote paasi.

Akaalata 3:28

Khina yaahuuti wala kereeku, ama mwiitthwaana wala woohiiyi mwiitthwaana, wala muukha ama nlume, mooshi mwa amoteru khwa Yinsa Al-Masiihu.

Akaalata 6:17

Woohiivo etthu kiina, ahiiyevo antakhaaye okiwuti, maana kintana mmwiili mwaka alama za Yinsa.

Ayeefezu 6:8

Maana mwinjuwa yoori Mbwana onteela oninkha phakari khwa wakhula etile ntthu anrettaaye yooshapweya, waaza mwiitthwaana mpakha otule woohiiyi mwiitthwaana.

Akoloosu 3:11

Khwa ohaayi opu mpheya khawiivo ofwarikhana khwa amalapo na mayaahuuti, ookhiriya na oohikhiriyi, woosilimu wala woohisilimu, mwiitthwaana na wootaphuliwa, ila Al-Masiihu zooshi na ori khwa atthu ooshi.

2 Timootiyu 3:8

Nkhama Jaane na Jampere ankhijileliyeeyo Munsa, apo nayo ankheeti haakhi ya Nluku. Akhili zaya zatapanyeya, amini yaya kinkhupaleliwa.

Othoonyeziwa 11:18

Atthu a khapila zooshi khwiiphiiriwa, maana wafiya wakathi wa othoonyeza katapu yawo, na wakathi wa ophukiwa ananfwa, na ya owinkha phakari akarumeya awo, manapiyu, attakatthiifu awo, na apale anoovaaye nzina lawo, waaza nwulu mpakha nttiitthi, wafiya wakathi wa owaatapanya apale antapanyaaye tuniya.”

Othoonyeziwa 15:2

Miiyo khoona etthu yoolattanana pahari ya suupha yoophakanyaniwa moottho, na mpahari nttumphule eemeliye apale aashinttiyeeyo nyama yawoopisa na ratarato yaya na thamani ya nzina laya. Yo awaakholeliye atthakare enkhiweeyo ti Nluku,

Othoonyeziwa 19:18

Yoori arafune nyama za afwalume, attunkhulu a najanka na anamawahi, nyama za khavalo na anakhavalo aya, nyama za atthu ooshi amwiitthwaana na anantaphuliwa, awulu na attiitthi.”

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Othoonyeziwa 19:5

Aphano khusiileya huula yalankhiyeeyo va khukulu yaari onyakulaaye: “Mwinsifu Nluku eetthu, mooshi mweeyo akarumeya awe, mweeyo mwinimoovaaye, waaza nwulu mpakha nttiitthi!”

Othoonyeziwa 20:12

Khuwoona theenya ananfwa, awulu mpakha attiitthi, eemeliye omaasho wa khukulu, kithaapu khwiiya zoofunuliwa. Kithaapu kiina khufunuliwa, kithaapu ya ohaayi. Ananfwa khuphukiwa khwa nanna ya zooretta zaya, nkhama etthiipo zaatikhiweeyo nkithaapu.

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.

Othoonyeziwa 6:15

Aphano afwalume na alokozi a olumwenku wooshi, na attunkhulu a anajanka, mathaajiri, anamawahi, aviitthwaana ooshi na anamataphuliwa, khujivitha mmakurakuza na mmawe a nyaako.

Othoonyeziwa 7:3

“Mwihiharipu wala tuniya, wala pahari, ama miitthi, mpakha nipharise alama ajihi za akarumeya a Nluku eetthu.”