Othoonyeziwa 13:12 - Hapari Zooshapweya

¹² Aari orumeyela ofwalume wooshi wa nyama yawoopisa etile ya mwanzo khwa nzina lawe, na yaaretteyiye tuniya na apale aniikhalaamo waaputu nyama yawoopisa etile ya mwanzo, makhwatta ooliyeeyo nyama yawoopisa etile arettiye avoniye.

Othoonyeziwa 13:12 Mawu Ofanana

2 Atizaloonika 2:4

Oto onuumanana na onjittottopa wiiya vatulu wa vitthu zooshi epile zinaaputwiwaaye ziniitthiwaaye yoori Nluku, afiyelelaka mpakha wiikhala omwimpari wa Nluku, ajilaleyaka yoori ye Nluku mweenyeweene.

Othoonyeziwa 13:2

Nyama yawoopisa kooniyeeyo yaari olattanana shuuwi, na yaarina moolu mawulumawulu nkhama a khoole nwulweene na makhope oothokolowa, na milomo zaya nkhama za siipa. Jahanamu khwinkha nyama yawoopisa etile owahi aya khukulu yaya na ofwalume nwulweene.

Othoonyeziwa 13:8

Atthu ooshi aniikhalaaye va tuniya apha anlawa aaputu nyama yawoopisa eto, ooshi apale ahaatikhiweeni mazina aya nkithaapu ya ohaayi ya Pwittipwitthi etile yuuliweeyo thanku wumpiwa wa olumwenku.

Othoonyeziwa 14:11

Loosi la owoopopisa atthu aya apo linwela khwa mileele. Khwa apale ooshi anaaputwaaye nyama yawoopisa na ratarato yaya, khwa apale ampwekherelaaye alama ya nzina laya, khawiivo ovumula osikhu na nthana.”

Othoonyeziwa 14:9

Nlayikha la ttaatthu khuwaalotta na huula yoosileya liraka: “Amana ntthu aaputu nyama yawoopisa na ratarato yaya na khupwekherela alama vaajihi ama mmakhono,

Othoonyeziwa 16:2

Nlayikha la mwanzo khulawa khwiitthela mphiko aya va tuniya, khupuwisa makhwatta ootakhala na awoopisa khwa apale aarina alama ya nyama ya woopisa na aari waaputwaaye ratarato yaya.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Othoonyeziwa 20:4

Koona khukulu eekhaliyevo apale enkhiweeyo ofwalume yoori aphuke. Koona theenya nafusi za apale akakattiweeyo viishwa zaya mwaasa wa oshaahiti wa Yinsa na mwaasa wa nttakhuzi la Nluku. Yo khaaputwiye nyama yawoopisa wala ratarato yaya, wala khaapwekhereliye alama vaajihi wala mmakhono. Yo asisimuwa na anlokozela vamote na Al-Masiihu nyaakha alufu.