Othoonyeziwa 13:11 - Hapari Zooshapweya

¹¹ Aphano khoona nyama yawoopisa kiina elankhaka va tuniya, yaarina manyaka mawiri nkhama pwittipwitthi, ila yaari ottakhula nkhama jahanamu.

Othoonyeziwa 13:11 Mawu Ofanana

Matewuzhu 7:15

“Phoole na manapiyu oojipanka, yo anuuteelani mweeyo awaliye shapala ya pwittipwitthi, ila nkatthi ari miiji zooluma.

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

2 Atizaloonika 2:4

Oto onuumanana na onjittottopa wiiya vatulu wa vitthu zooshi epile zinaaputwiwaaye ziniitthiwaaye yoori Nluku, afiyelelaka mpakha wiikhala omwimpari wa Nluku, ajilaleyaka yoori ye Nluku mweenyeweene.

Othoonyeziwa 11:7

Amana oweeshela oshaahiti aya, nyama yawoopisa yoolankha nkhilintti eniwoomanana ewaashintte na ewoole.

Othoonyeziwa 12:17

Jahanamu khwiiya wawiiphiiriwa ti muukha otule na khulawa wuumana ojama opule wa muukha waasaliyeeyo, apale anshututelaaye oruma wa Nluku na aniiyaaye awaamineya khwa oshaahiti wa Yinsa.

Othoonyeziwa 13:1

Koona nyama yawoopisa elankhaka mpahari, eriina manyaka khumi na viishwa sapa na jarata khumi zishawiye manyaka aya, na wakhula eeshwa eriina nzina la kufuru.

Othoonyeziwa 13:17

yoori ahiiyevo anwahaaye wuuzanya wala wuuzanyisa woohiiyi otule ariina alama, yiiyiyeeyo nzina la nyama yawoopisa ama thamani ya nzina lawe.

Othoonyeziwa 13:4

Khwaaputwiwa jahanamu, maana yenkhiye ofwalume nyama yawoopisa, na theenya khwaaputu nyama etile araka: “Paani woolattanana nyama eti? Paani anttelaaye wuumanana?”

Othoonyeziwa 16:13

Aphano koona zilaakamo nkhanyo wa jahanamu na nkhanyo wa nyama yawoopisa na nkhanyo wa napiyu woojipanka, masheethwani attatthu oolattanana anaphulu.

Othoonyeziwa 17:6

Miiyo khoona yoori muukha yaari yonhapala taamu ya attakatthiifu, taamu ya mashaahiti a Yinsa. Wakathi kimooniyeevo khwiiya wooshanka channu.

Othoonyeziwa 17:8

Nyama yawoopisa eto weeyo wooniyeeyo, yaari, ila apha khahi. Ye entakha osaruwa nkhilintti na enlotta tarikhi ya opwetheya. Apale aniikhalaaye va tuniya, mazina aya ahaatikhiweeni nkithaapu ya ohaayi thanku wumpiwa wa olumwenku anttela wiiya ooshanka amana oona nyama yawoopisa eto, maana eto yaari, ila apha khahi, na enteela ota.