Othoonyeziwa 12:9 - Hapari Zooshapweya

⁹ Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 12:9 Mawu Ofanana

Mwanzo 3:1

Nyookha yaari nlavilavi zayita nyama zooshi za ntthuttu Nnyizinku Nluku ompiyeeyo. Khumuuzela muukha eraka: “Atthi Nluku alupa yoori mwihije mishumo za miitthi zooshi ziriiye nwoorotha mphu?”

Mwanzo 3:13

Nnyizinku Nluku khumuuzela muukha araka: “Niini eto orettiyeeyo?” Muukha khujipu yoori: “Nyookha ti ye ekittettekhiyeeyo, miiyo khuja.”

Matewuzhu 13:39

Atuwi aazaliyeemo ti sheethwani. Wuurula, mwiisho wa wakathi, akarumeya a wuurula malayikha.

Matewuzhu 24:24

Maana anlawa apuwe Al-Masiihu oojipanka na manapiyu oojipanka anttelaaye oretta alama khulukhulu na vitthu zootikinisa yoori awaahate hatha apale oothawuliwa.

Matewuzhu 25:41

“Aphano ye onttela owooza apale a nkhono nkha awe yoori: ‘Anamalaanikha mwikaattuwe! Mweette omoottho wa mileele, waattaleleliweeyo sheethwani na malayikha awe.

Matewuzhu 4:1

Aphano Yinsa khuthuuliwa ti Rooho Ttakatthiifu khweettaniwa n'yaara, yoori alawe azayiniwe ti Sheethwani.

Matewuzhu 4:10

Yinsa khumuuza yoori: “Oleevo, Epiliisi! Maana yaatikhiwa yoori: “ ‘Omwaaputu Mbwana, Nluku awo, na onrumeyele othuuto paasi.’ ”

Matewuzhu 4:5

Elottelanaka, Sheethwani khumweettana sitati ttakatthiifu, khunweza phantte yawiishela olepa ya Nyuupa Yoosifwiwamo,

Matewuzhu 4:8

Sheethwani khunthuula theenya khumweettana vamwaako mmote woolepa venkivene khunthoonyeza ofwalume wooshi wa olumwenku na siifwa yaya.

Luuka 10:18

Yinsa khuwaajipu yoori: “Miiyo kamoona epiliisi akwaka pinkuuni nkhama ozerima.

Luuka 13:16

Nunu otu ojama wa Eburahiima, eettiye ofukiwa ti epiliisi khwa nyaakha khumi na minaane, nanna-ni ahaari weettelaaye otaphuliwa mwaasa wa wiiya saapatu?”

Luuka 22:3

Aphano Epiliisi khumweetta Yuuda, aari wiitthiwaaye Eshikariyoote, wa khuntti ya apale khumi na awiri.

Luuka 22:31

“Simawu, Simawu, Epiliisi avekela yoori oopepetthe nkhama tiriku.

Luuka 8:12

Peewu zaakweliiye ntarikhi, zinlikanisaniwa atthu apale ansiilaaye nttakhuzi, ila sheethwani khulazavo varoho vaya yoori ahikhupali na ahipatthe wuusurukha.

Yaahaya 12:31

Wafiya wakathi woophukiwa olumwenku opu, nasaapi eti onttela wiikariwa mfwalume wa olumwenku opu.

Yaahaya 14:30

Enasaapi eti akinlawa ottakhulana mweeyo, maana mfwalume wa voolumwenku ontta ota; ye khana hatha ruhusa khwa miiyo,

Yaahaya 16:11

khwa ophuka, maana mfwalume wa voolumwenku apha aphukiwa.

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Khaazi 26:18

Yoori owaafunule maasho na owaalazemo n'yiiza owaatane nnuuru na owaalaze muuwahi wa epiliisi owaatane mmakhono wa Nluku, yoori apwekherele nswammaha wa twampi zaya, arithi na apale attakatthisiweeyo ti amini khwa miiyo.’

Khaazi 5:3

Aphano Pheeturu khumuuzela Ananiiya yoori: “Wamwiitaazelani epiliisi nroho mwawo, khuufiyelelisa ohata Rooho Ttakatthiifu mwaasa woovitha nzurukhu wuuzanyisiyeeyo nshapa lawo?

Arooma 16:18

Maana atthu aya apo khaninrumeyela Al-Masiihu, Mbwana eetthu, ila tuvela zaya ennyewe. Khwa mattakhuzi awoolowa na ottettekha, anhata rooho za apale oottettekheya.

Arooma 16:20

Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.

2 Akorintiyu 11:14

Eto khahiyo etthu yooshankisa, maana Epiliisi onjiretta wiiya nlayikha la nuuru.

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

2 Akorintiyu 12:7

Yoori akhattaze ojishashawula mwaasa wa othoonyeziwa opo nwulweene, khushomaniwa mwiiwa mmwiili mwaka ti karumeya a Epiliisi yoori akoopopise na kihijishashawule.

2 Akorintiyu 2:11

yoori Epiliisi ahuushintteni; maana fweeyo ninjuwa thwapiya zawe saaneene.

2 Akorintiyu 4:4

Yo khankhupali maana nluku wa vathi apha oomisa weeleyiwa waya yoori ahoone nuuru yootafikhana ya hapari zooshapweya za siifwa ya Al-Masiihu, othuuto eeyiyeeyo ratarato ya Nluku.

Ayeefezu 4:14

Aphano nihiiye theenya nkhama asimaana oothuuliwa ti mawipi, wala weeseleliwa okhuno na okhule ti pheevo ya wakhula mwentto, ohata na olavilavi wa atthu oovonyisana.

2 Atizaloonika 2:3

Mwihinlikhe ntthu wuuttettekhani hatha vattitthiiru. Ehinafiye siikhu yaya eto, onlawa weeyevo okhijili, aphano phi anttelaaye othoonyeziwa ntthu wa twampi, mwaana wa opwetheya.

1 Timootiyu 2:14

Aattettekhiweeyo khahiyo Adamu, muukha ti ye aattettekhiweeyo, khusutukhwana akwelaka ntwampi.

2 Timootiyu 3:13

Olikha toowo, atthu ootakhala rooho na oojinkhelela eniweettettela zootakhala wootepavo, attettekhaka nayo attettekhiwaka.

Meepereewu 2:14

Mwaasa wa aana wiiya atthu awiiyana mwiili na taamu, tiito Yinsa ajirettiyeeyo ontthu, yoori khwa ofwa wawe anshintte sheethwani nlupa ariina owahi wa ofwa,

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

1 Yaahaya 5:19

Fweeyo ninjuwa yoori niri wa Nluku na olumwenku onlokozeliwa pi owahi wa ntakhali.

Yuuda 1:9

Khwa zooshi epo, hatha nttunkhulu wa malayikha Minkhayilu, wakathi aari onyakulisananaaye Sheethwani monkoni wa mwiili wa Munsa, ye khaatakhiye onlokoveza sheethwani na mattukhano, ila paasi aalupiye yoori: “Mbwana ti ooshowere!”

Othoonyeziwa 12:12

Nakataalikha, otthape oo pinku na apale aniikhalaawo! Yalaanikha tuniya na pahari, maana Sheethwani awiishukhelani mweeyo! Na ye ti wookatipukha channu, maana onjuwa yoori oninsaleela wakathi vattitthiiru.”

Othoonyeziwa 12:3

Khupuwa theenya alama kiina pinkuuni: jahanamu moote khuluyeene yookhuttuwa yaarina viishwa sapa na manyaka khumi, wakhula eeshwa yaarina jarata moote.

Othoonyeziwa 12:7

Aphano khupuwa wuumani pinkuuni, Minkhayilu na malayikha awe khusala oomanana jahanamu, na ye jahanamu na malayikha awe khusala awaarutisela.

Othoonyeziwa 12:8

Ila apo khwiiya oohikhomaali saana, khwa etthiipo khuwaapwetheya puuro yaya pinkuuni.

Othoonyeziwa 13:14

Mwaasa wa alama enkhiweeyo ruhusa ya oretta khwa nzina la nyama yawoopisa etile ya mwanzo, ye awaahata apale aniikhalaaye va tuniya. Khuwaaruma yoori aattale ratarato khwa hishima ya nyama yawoopisa etile yaavulalisiweeyo na phanka na khwiiya haayi.

Othoonyeziwa 16:14

Epo rooho za masheethwani enrettaaye alama za minjuza; yo zinlawa wa afwalume a olumwenku wooshi, yoori zakusanyeye zilaze viittha ya siikhu khuluyeene ya Nluku Nwahi zooshi.

Othoonyeziwa 18:2

Ye khukhuwa na huula ya owahi yoori: “Yakwa! Yakwa Babilooniya khuulu! Khuretteya wiiya puuro aniikhalaawo masheethwani, khwiiya etthirelo ya masheethwani, na khwiiya etthirelo ya anyannyi ooshi oohifwayi, etthirelo yy ayamya zooshi zoohifwayi na zootarawiwa.

Othoonyeziwa 18:23

Khinteela waaramo theenya nuuru ya khantteya nlikokoro mwaya, khinteela osiiliwamo theenya huula ya mposi ama namaposiwa, anazanshara enu aari awulu a voolumwenku; khapila zooshi khwiiya zoottettekhiwa khwa oshawi aya.

Othoonyeziwa 19:20

Ila nyama yawoopisa khufukiwa vamote na napiyu woojipanka aarettiyeeyo alama za minjuza khwa nzina laya. Atthaapo awaahatiyeeyo apale apwekhereliyeeyo alama ya nyama yawoopisa na khwaaputu ratarato yaya. Oowiiri khweeseleliwa ari awoona va ntthatta la moottho onkholelanaaye oka.

Othoonyeziwa 2:13

Miiyo kinjuwa ohali mwiniikhalaawo, ottuukho eriiwo khukulu ya Epiliisi. Mweeyo mwawaamineya khwa nzina laka na khamwansweeni amini mwiriina khwa miiyo, hatha wakathi wa Antiipa shaahiti aka wa waamineya, ooliiwa ottuukho Perekaamu, ohali aniikhalaawo Epiliisi.

Othoonyeziwa 2:24

Khwa mweeyo akinoko aya mwiriiye Tiyatiira, mwihinlottaaye masomi a muukha oto, na mwihijinozeleeni epile yo anlupaaye yoori siiri zawiicha za Epiliisi, kiniwuuzani yoori: Mwihijittikhe mapwattha makina,

Othoonyeziwa 2:9

Kinjuwa tafwawuthi zaya na osikhini aya, ila mweeyo mwaamathaajiri! Kinjuwa okufuru wa apale anjiitthaaye yoori mayaahuuti ila ahiiyeeni, yo sinakooka ya Epiliisi.

Othoonyeziwa 20:10

Epiliisi otule aari owaahataaye, khweeseleliwa vantthatta la moottho onkholelaaye oka, okhule yeeseleliweewo nyama yawoopisa na napiyu woojipanka. Yo anlawa oopopisiwe osikhu na nthana khwa mileele.

Othoonyeziwa 20:8

na onlawa asaruwe yoori ahate khapila zooshi ziriiye phantte nne za tuniya, oto ti Kookhe na Makookhe, mwaasa wa okusanyeya yoori oomanise. Anttela waatta nkhama mishaka za mmattima.

Othoonyeziwa 3:9

Moone etthu kinttelaaye owaarettela apale eeyiyeeyo sinakooka ya epiliisi na anjilupezaaye oyaahuuti ahiiyeeni, ila eeyiyeeyo anamahata. Miiyo kinttela owaakokhorisa nshini wa moolu enu na ajuwe yoori miiyo koophetani mweeyo.

Othoonyeziwa 9:1

Nlayikha la thaanu khuvumisa nlope laya, miiyo khoona ntthottowa limote la pinkuuni lakweliyeeyo va tuniya; ntthottowa khwinkhiwa efukulo ya nlipu wa khilintti.

Othoonyeziwa 9:20

Ila anaatamu apale aasaliyeeyo ahifweeni khwa pala epile, khuhithupwiyi khwa khaazi za makhono aya, khuhilikheleli waaputu masheethwani na sanamu za weero, na feeta, na za poronzi, na za mawe, na za thaapwa, zihinwahaaye woona, osiila wala weettetta.