Othoonyeziwa 12:4 - Hapari Zooshapweya

⁴ Nkhira aya khupurula phantte ya ttaatthu ya matthottowa pinkuuni, khusala eeselela va tuniya. Jahanamu yaarapaleliye omaasho wa muukha aari otakhaaye opattha ekumi, yoori emmize mwaana amana avokoliwa.

Othoonyeziwa 12:4 Mawu Ofanana

Olaawo 1:16

“Amana mwiwaawunaka meezirayiilu atakhaka ovokola, mwisala mwiwoona aanaaya. Eeyaru aalume, mwisala mwiwoola, ila eeyaru aakha, mwisala mwiwaalikha wiiya haayi.”

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

1 Pheeturu 5:8

Mwiiye oojisiileza na mwijeekesele. Sheethwani, atuwi enu, onzukulela akulumaka nkhama siipa amweekesaka ntthu yoori amwankameze.

Othoonyeziwa 12:7

Aphano khupuwa wuumani pinkuuni, Minkhayilu na malayikha awe khusala oomanana jahanamu, na ye jahanamu na malayikha awe khusala awaarutisela.

Othoonyeziwa 12:9

Jahanamu khuluyeene khweeseleliwa oje. Ye ti nyookha ya raku eniitthiwaaye Epiliisi ama Sheethwani, namahata wa olumwenku wooshi, khweeseleliwa va tuniya na malayikha awe.

Othoonyeziwa 13:2

Nyama yawoopisa kooniyeeyo yaari olattanana shuuwi, na yaarina moolu mawulumawulu nkhama a khoole nwulweene na makhope oothokolowa, na milomo zaya nkhama za siipa. Jahanamu khwinkha nyama yawoopisa etile owahi aya khukulu yaya na ofwalume nwulweene.

Othoonyeziwa 13:4

Khwaaputwiwa jahanamu, maana yenkhiye ofwalume nyama yawoopisa, na theenya khwaaputu nyama etile araka: “Paani woolattanana nyama eti? Paani anttelaaye wuumanana?”

Othoonyeziwa 16:13

Aphano koona zilaakamo nkhanyo wa jahanamu na nkhanyo wa nyama yawoopisa na nkhanyo wa napiyu woojipanka, masheethwani attatthu oolattanana anaphulu.

Othoonyeziwa 17:18

Muukha oto weeyo omoniyeeyo sitati khuluyeene eniwaalokozelaaye afwalume ooshi va tuniya.”

Othoonyeziwa 20:2

Ye khukhola jahanamu, nyookha etile ya raku yiiyiyeeyo Epiliisi, Sheethwani, na khunfukana likwinjili nyaakha alufu,

Othoonyeziwa 8:10

Nlayikha la ttaatthu khuvumisa nlope laya, na ntthottowa limote liwululene, likholelaka nkhama mweeke, khukwa pinkuuni likwelaka phantte ya ttaatthu ya nyuuttho na anaattuuttu a maati.

Othoonyeziwa 8:11

Ntthottowa nttho nzina laya Owaawa. Phantte ya ttaatthu ya maati khuzukuluwa khwiiya owaawa. Atthu awaatta khufwa mwaasa wa maati wiiya a owaawa.

Othoonyeziwa 8:12

Aphano nlayikha la nne khuvumisa nlope laya, na khuvulalisa phantte ya ttaatthu ya njuwa na phantte ya ttaatthu ya mweezi, na phantte ya ttaatthu ya matthottowa, ti nanna phantte ttaatthu epo zaariipiyeezo. Na phantte ya ttaatthu ya nthana khuhiina nuuru, na theenya phantte ya ttaatthu ya osikhu.

Othoonyeziwa 8:7

Nlayikha la mwanzo khuvumisa nlope laya, aphano vuula ya mawe na moottho woophakanyaniwa taamu, khumwazeliwa va tuniya. Khulukuza phantte moote ya ttaatthu ya tuniya, phantte ya ttaatthu ya miitthi na nyaani zooshi piishi.

Othoonyeziwa 8:8

Nlayikha la phiiri khuvumisa nlope laya, na etthu nkhama mwaako nwulweene eraka viriviri khweeseleliwa mpahari. Phantte ya ttaatthu ya mpahari khuthatuwa khwiiya taamu,

Othoonyeziwa 8:9

khufwa phantte ya ttaatthu ya zumpe za mpahari na khupwecheya phantte ya ttaatthu ya mapaketi na kalawa zaya.

Othoonyeziwa 9:10

Aarina mikhira zooluma nkhama za namareere, na aarina owahi wa owaavulalisa atthu khwa nyeezi mithaanu.

Othoonyeziwa 9:19

Maana owahi wa khavalo waari nkhanyo mwawe na onkhira wawe, nakataalikha nkhira aya onlattanana nyookha na ona eeshwa, ethiito yaari owavulalisaaye atthu.