11 Siikhu Nuuhi afiiyeevo nyaakha miiya sitha, mweezi wa phiiri orina siikhu khuumi na sapa, khuphutuwa matthatta a vathi ooshi apale awiicha na milako za pinku khufukuwa.
Nluku khuretta mwaawanyo ovaluliyeeyo maati vathi na vatulu. Khurettikhana etthiipo.
“Onjuwa! Miiyo kasaleela ozamisa olumwenku wooshi na maati a nnyeri, kiishise zumpe zooshi ziriina phuumu zoohaayi ziriiye vathi wa pinku. Zooshi ziriiye va tuniya zinttela ofwa.
Wakathi maati aazamisiyeevo tuniya, Nuuhi aari oretta arina nyaakha miiya sitha.
Siikhu eshiriini na sapa ya mweezi wa phiiri, tuniya khuuma saaneene.
Matthatta apale awiicha na milako za pinku khufukiwa, vuula khwaamusa,
Nkhama etthiipo siikhu ziviriyeezo za nnyeri, atthu aari oja na onywa, aari oralana na aari oloozana, mpakha siikhu Nuuhi aapakhiriyeeyo mmwaaraka.
Amana atthu alupa yoori: “Vitthu zooshi pi za wiitthaala na zoolipaneya,” otapanyeya onta woohirupazi, nkhama olwaaza wa ovokola wa muukha, na hatha vattitthiiru khanteela ovukha.
Na khwa maati a nnyeri olumwenku wa raku waazamiye na khutapanyiwa.