Mwanzo 49:8 - Hapari Zooshapweya

⁸ Weeyo Yuuda, attwiizo anteela wuuttottopela; onttela owaashintta maatuwi awo, aana a papaawo anlawa awiinamele weeyo.

Mwanzo 49:8 Mawu Ofanana

Mwanzo 27:29

Khapila zawaatta zuurumeele weeyo, na mahimo awaatta ookokhorele. Wiiye Mbwana wa attwiizo, na aana a mamaawo ookokhorele weeyo. Oolanikha pi apale anttelaaye wuulaani, na ooparikhiyiwa pi apale anttelaaye wuuparikhiya.”

Mwanzo 29:35

Khurutela wiimittha theenya, khumpattha mwaana khulupa yoori: “Swaafu eti kinttela onsifu Nnyizinku.” Tiito antthajiyeeyo nzina la Yuuda. Aphano khumwiishela mavokozi.

Mwanzo 42:6

Yuusufu nsatoro wa Misuri, tiye aari owoozanyezaaye tiriku atthu ooshi a mmuti. Attwiize noofiya khunkokhorela ajihi zaya khufiisa vathi.

Mwanzo 46:12

Aana a Yuuda pi apa: Eeri, Onaani, Sheela, Pereezi na Zeera. Eeri na Onaani afwa tuniya ya Kanaani. Aana a Pereezi pi apa: Hesherooni na Hamuuli.

Meepereewu 10:13

Waaza siikhu ethiito ontta oweja yoori mpakha Nluku awaarette maatuwi awe wiiya sakanso wa moolu awe.

Meepereewu 7:14

Maana enjuwiwa saaneene yoori Mbwana eetthu ojama wa lihimo la Yuuda, nttinttho Munsa ahilupezeeni hatha etthu monkoni wa ohaakhimu.

Othoonyeziwa 11:15

Nlayikha la saapa khuvumisa nlope laya, pinkuuni khupuwawo huula zookhomaala zaari oraaye: “Ofwalume wa olumwenku waretteya wiiya wa Mbwana eetthu na Al-Masiihu awe, na onteela olokozela khwa mileele.”

Othoonyeziwa 5:5

Aphano nttunkhulu wa tiini mmote khukuuza yoori: “Ohilile! Omoone, otu ari apha Siipa wa lihimo la Yuuda, Ntathaari wa Daawuuda ashintta, yoori afunule kithaapu na viphariselo zaya sapa.”