Mwanzo 43:30 - Hapari Zooshapweya

³⁰ Yuusufu khwiiyana furaha khuluyeene mwaasa wa ttwiiye, khusala atakha olila, nasaapiru khulaavo khweetta okatthi wawe khusala alila.

Mwanzo 43:30 Mawu Ofanana

Mwanzo 42:24

Yuusufu khuwaasusa vattitthiiru khusala alila. Nawiisha khurutela attaaphale khusala attakhula, aphano khunthawula Simiyooni khuruma yoori afukiwe eettaka omoona.

Mwanzo 45:2

Ye khusala alila anyakulaka mpakha khufiyelela osiila Amisuri, hapari epile khufiya wa mfwalume Firawuuna.

Mwanzo 46:29

Yuusufu khuthuula nkukutta awe khusala alawa Gosheeni okutthana papaawe, Ezirayiilu. Noomoona khuntthirela khulawa khumpatikha, khuvira wakathi wa waatta eettaka olila.

Khaazi 20:19

Kanrumeyela Mbwana na ojipushuwisa na mishozi zaka mwaasa wa nanna kaari olupatthiwaazo ti khuntti ya mayaahuuti.

Khaazi 20:31

Apho, mwijeekesele, mwifikhirele yoori khwa nyaakha mittatthu miiyo akilikheleleeni wuulipiselani wakhula mmote wa mweeyo, osikhu na nthana, na mishozi zeettaka okikwa.

Khaazi 20:37

Ooshi khusala alila, na ompatikha Paawulu.

Afiliipu 1:8

Shaahiti aka Nluku khwa nanna mwikinukheliyeezo, khwa pheta khuluyeene ya Al-Masiihu Yinsa.

Afiliipu 2:1

Nkhama niri vamote na Al-Masiihu na fweeyo ninaaye olipiseliwa, na otumereliwa wa pheta, na osiilana wa Rooho, na mahapa a huruma,

Akoloosu 3:12

Nakataalikha, nkhama atthu oothawuliwa a Nluku, attakatthiifu na oophetiwa, mwijiwalise huruma yawaatta, emaani, ojipushuwisa, ojiitthaaza na ovilela.

2 Timootiyu 1:4

Kinfikhiri mishozi zenu, kintakha venkivene oteela owoonani yoori furaha yaka ekamilikhe.

1 Yaahaya 3:17

Nkhama ntthu onaaye vitthu za voolumwenku khumoona ttwiiye athowiwe na khunlipela rooho, pheta ya Nluku enlipa toovi khwa ye?