Mwanzo 41:57 - Hapari Zooshapweya

⁵⁷ Atthu a tuniya kiina aari ota Misuri oteela wuuzanya tiriku wa Yuusufu, mwaasa yoori jala yaamwazeyeliye olumwenku wooshi.

Mwanzo 41:57 Mawu Ofanana

Mwanzo 12:10

Tuniya ya Kanaani yaapuwiyewo jala ya waatta, aphano Eburamu khulankha khusala alawa tuniya ya Misuri yoori eekhalewo siikhu vattitthiiru.

Mwanzo 41:54

Khufiya nyaakha epile sapa za jala aalupiyeeyo Yuusufu. Khupuwa jala tuniya yooshi, ila miti za Misuri zaarina etthu yoojiwa.

Mwanzo 41:56

Yuusufu nawoona yoori jala yamwazeyela tuniya yooshi khufukulela tiriku etile aapwehiiyeeyo, khusala awoozanyeza Amisuri mwaasa yoori jala etile yaashinttiye.

Mwanzo 42:1

Yaakhumpa noojuwa yoori Misuri ewaakho etthu yoojiwa, khuwooza aanaawe araka: “Mwineekesana yoori niini?

Mwanzo 42:5

Aana a Yaakhumpa khulawa wuuzanya tiriku nkhama etthiipo aari olawaazo atthu akina, maana tuniya yooshi ya Kanaani yaarina jala.

Mwanzo 42:6

Yuusufu nsatoro wa Misuri, tiye aari owoozanyezaaye tiriku atthu ooshi a mmuti. Attwiize noofiya khunkokhorela ajihi zaya khufiisa vathi.

Mwanzo 43:1

Jala etile yeetta otepa yaattaka mmuti.

Mwanzo 47:14

Aphano Yuusufu khukusanya nzurukhu wooshi, opule waari orumeeliwaaye Misuri na wa Kanaani opule waari wuuzanyeliwaaye tiriku, khulawa khupweha owawe Firawuuna.

Mwanzo 50:20

Khweele mweeyo mwaakiwazeliye shawuri zootakhala. Ila Nluku khuzukulisa khwiiya zooshapweya. Khwa toowo Nluku awoosuru atthu awaatta mpakha leelo eti.