Mwanzo 32:4 - Hapari Zooshapweya

⁴ Khuwaaruma yoori: “Mwilawe mwamuuze mbwanaaka Ezawu yoori karumeya awo Yaakhumpa alupa toono: ‘Keekhala vaje wa Labani siikhu zawaatta mpakha leelo.

Mwanzo 32:4 Mawu Ofanana

Mwanzo 23:6

“Osiileze Mbwana eetthu, fweeyo niniwinkha hishima nkhama mfwalume wa Nluku. Apho olawe wanzikhe muukhaawo wakhula vilalo etile enuufwayaaye. Khaavo mmote wa fweeyo antakhaaye wuukhattaza khapuri yonzikhavo muukhaawo.”

Mwanzo 25:30

Ye khumuuza Yaakhumpa yoori: “Okinkhe sekuseku epo oniipikhaazo zookhuttuwela kije. Kintakha ofwa jala!” Tiito Ezawu enkhiweeyo nzina la Edomu.

Mwanzo 27:29

Khapila zawaatta zuurumeele weeyo, na mahimo awaatta ookokhorele. Wiiye Mbwana wa attwiizo, na aana a mamaawo ookokhorele weeyo. Oolanikha pi apale anttelaaye wuulaani, na ooparikhiyiwa pi apale anttelaaye wuuparikhiya.”

Mwanzo 27:37

Esiyaakha khujipu: “Miiyo kanthawaza Yaakhumpa yoori eeye Mbwana awo weeyo na ajamaazo ooshi anttela onrumeyela. Onteela wiiyana tiriku yawaatta na viinyu. Kuurettele niini miiyo mwanaka?”

Mwanzo 31:41

Ti nanna miiyo keekhaliyeeyo vaje venu nyaakha eshiriini. Kookholelani khaazi nyaakha khumi na mine yoori eeye mahari a aaneenu oowiiri, na nyaakha sitha kishukisaka nyama zenu, phakari yaka yiiyaka nyama etthiipo, ila mweeyo khuzukulisa phakari yaka swaafu khumi.

Mwanzo 32:18

Weeyo onjipu yoori, ‘Pi za karumeyeenu Yaakhumpa, vitthu animperekhezaaye mbwana awe Ezawu, ye ontta ota nyuma weetthu.’ ”

Mwanzo 32:5

Kinaaye mompe, apuuru, pwittipwitthi na puuzi, akarumeya aalume na aakha. Aphano kinimperekheza hapari epi mbwanaaka yoori akipokherele wooshapweyavo.’ ”

Mwanzo 33:14

Apho olokoze mbwanaaka, miiyo kintta ota vattiitthi vattiitthi khwa mwentto wa aanaaka na nyama zaka, mpakha ofiya nti wa Seyiiri.”

Mwanzo 33:8

Ezawu khuuzela yoori: “Nyama epile zooshi kisikaniyeeyo ntarikhi ontakhela ni?” Yaakhumpa khujipu: “Kintakha kipatthe osuhi mmakhono mwawo mbwanaaka.”

Mwanzo 36:8

Ezawu, otu aniitthiwaaye Edomu, khuthama khulawa khwiikhala onyaako wa Seyiiri.

Mwanzo 36:9

Opu ojama wa Ezawu paapa wa Meedomu aniikhalaaye onyaako wa Seyiiri.

Mwanzo 4:7

Amana weeyo oretta saana, khunkhupaleliwa? Ila amana weeyo ohiretti saana, ojuwe yoori twampi eri vanlako, entta wuuwejela yoori ewiirukhele yuushintte. Weeyo enuuhithajiya oshintta twampi yaya eto.”

Luuka 14:11

Maana wakhula otule anjiwulisaaye ontta opushuwisiwa, na otule anjipushuwisaaye ontta owulisiwa.”

1 Pheeturu 3:6

nkhama Suhura aari onshututelaazo Eburahiima, khusala amwiittha yoori mbwanaaka. Mwinttela wiiya aana awe, amana mwirettaka zooshapweya woohoovi hatha etthu.