Mwanzo 3:20 - Hapari Zooshapweya

²⁰ Pinaatamu khuntthaja muukhaawe nzina la Haawa, mwaasa wa wiiya maama wa anaatamu ooshi.

Mwanzo 3:20 Mawu Ofanana

Mwanzo 16:11

Khumuuza theenya nlayikha la Mbwana yoori: “Weemittha onteela ompattha mwaana ontthaje nzina la Esumayila, mwaasa yoori Nnyizinku oona ohoowa wawo.

Mwanzo 2:20

Pinaatamu khutthaja mazina mifuwo za vaje, anyannyi ootulu na nyama zooshi za ntthuttu. Ila khuhipuwivo hatha moote ya wiiya nkhama ye yaari weettelaaye onkhiza.

Mwanzo 2:23

Ye khuri: “Ahee! Ntthi likhonkolo la likhonkolo laka na nyama ya nyama yaka. Nka eetthiwaka oriwa muukha, maana alaziwa vamwiili wa nlume.”

Mwanzo 3:21

Nnyizinku Nluku khwaattala kuwo za shapala khunwalisa Adamu na muukhaawe.

Mwanzo 35:18

Eettaka oshakhi ahinattiye phuumu, khuntthaja nzina mwaana otule la Benooni, ila papaawe na ye khuntthaja nzina la Bejami.

Mwanzo 5:29

Mwaana otule mmote ampatthiyeeyo khuntthaja nzina la Nuuhi, ye khulupa yoori: “Khwa khaazi zoolwaaza ninkholaazo nilimaka tuniya eti elaniweeyo ti Nnyizinku, mwaana otu ti ye anttela wiitthaaza rooho zeetthu.”

Olaawo 2:10

Paata ya mwaana otule owula khuntiisela mwaana wa Firawuuna khunretta wiiya mwanawe. Khuntthaja nzina la Munsa, araka: “Maana koolaza mmaati.”

Matewuzhu 1:21

Ye onteela ompattha mwaana, weeyo ontthaje nzina la Yinsa, maana ye onteela owoosuru atthu awe khwa twampi zaya.”

Matewuzhu 1:23

“Mwaari onteela wiimittha ampatthe mwaana, anttelaaye wiittheliwa nzina la Emanuweele, enlupaaye yoori ‘Nluku ona fweeyo’.”

Khaazi 17:26

Atthu a khapila zooshi awompa khwa ntthu mmote paasi, yoori eekhale muulumwenku, ye khutthoma wakathi na khuwenkha puuro yawiikhala khapila zaya epo.

2 Akorintiyu 11:3

Etthu kinweraweraaye, na kinoovaaye ti yoori nkhama etthiipo nyookha na olavilavi aya yanttettekhiyeeyo Haawa, akhili zenu mweeyo wiiya zootapanyiwa khulikha ookhweele na aputu swaafi ya Al-Masiihu.

1 Timootiyu 2:13

Maana tthakuzi wa wumpiwa ti Adamu, aphano khumpiwa Haawa.