Mwanzo 3:15 - Hapari Zooshapweya

¹⁵ Kinttela otthaavo wuumani weeyo na muukha; ojama awo na ojama wa muukha. Ojama wa muukha nka wuuvulalisaka eeshwa yawo, na weeyo nka ottovolaka ekwakuno yaya.”

Mwanzo 3:15 Mawu Ofanana

Mwanzo 49:17

Ye onteela wiiya nkhama nyookha eniiyaaye nshini wa tarikhi. Nkhama evili yoovithaalela enlumaaye ekwakuno ya khavalo, namweettettisa khavalo khukwana enyokonyoko.

Matewuzhu 1:23

“Mwaari onteela wiimittha ampatthe mwaana, anttelaaye wiittheliwa nzina la Emanuweele, enlupaaye yoori ‘Nluku ona fweeyo’.”

Matewuzhu 1:25

Ye khaarapalelaniye mpakha ompattha mwaana. Ye khuntthaja nzina la Yinsa.

Matewuzhu 12:34

Ojama wa nyookha, mweeyo ootakhala rooho, enretteya ottakhula vitthu zooshapweya? Maana milomo enttakhula etile eniiyaaye varoho.

Matewuzhu 13:38

Nshapa olumwenku, peewu yooshapweya aana a muufwalume. Ntakatakha aana a sheethwani.

Matewuzhu 23:33

Nyookha! Ojama wa evili! Mwinttela owerawera toovi hukhumu ya motthooni?

Matewuzhu 3:7

Wakathi ye awooniyeeyo mafwarizeewu na masatukhi enkeene ateliye woosiwa ti ye, khuwooza yoori: “Khapila ya evili! Ti paani awuuziyeenini otthira katapu entaaye?

Maaruku 16:18

ankhola nyookha na onywa amali, ila khuhiwaaretti hatha etthu na owaattheela atthu makhono khuvona.”

Luuka 1:76

Weeyo mwanaka onteela wiitthiwa napiyu Nwulu wa Pinkuuni, onttela wiiya namalokozisiwa wa Mbwana yoori omwaattalelele tarikhi zawe,

Luuka 10:19

Mwikisiileze! Kiniwinkhani owahi wooluwattha nyookha, wenye, na owahi wooshi wonshintta atuwi; khuhuurettini hatha etthu.

Luuka 22:53

Wakhula siikhu kaari wiiya vamote na mweeyo vaje wa Nnyupa Woosifwiwamo, khuhisala mwikikhola, aphano, opu wakathi enu na otule ariina ofwalume wa n'yiiza.”

Luuka 24:27

Khusala aweeleza mattakhuzi ooshi aatikhiweeyo nkithaapu aari onlupaaye ye, waaza kithaapu ya napiyu Munsa mpakha za manapiyu akinoko.

Yaahaya 8:44

“Mweeyo mwinaaye papeenu, sheethwani, na mwintakha oretta etile enintuvelaaye. Ye namahusuti waaza omwanzweene wala khanalotteleke haakhi, maana ye khana haakhi. Amana ahataka onlupa mattakhuzi awe, maana namahata, paapa wa ohata.

Khaazi 13:10

khumuuza yoori: “Mwaana wa sheethwani wamwiitaala ottettekha na zootakhala zooshi, atuwi wa shariya! Khunlikha otapwatela tarikhi za wookowa za Mbwana?

Arooma 16:20

Woohirupazi Nluku wa heeri onteela omphwantta epiliisi vathi wa moolu enu mweeyo. Rehema ya Mbwana eetthu Yinsa yiiye na mweeyo.

Arooma 3:13

“Khulo zaya khapuri zoohisireliwi, anttettekha na malimi aya.” “Maattha a nyookha awuula ari omilomo waya.”

Akaalata 4:4

Ila noofiya wakathi khaamili, Nluku amperekha Mwanawe, woovokoliwa ti muukha, na eekhaliyeeyo nkatthi wa kano,

Ayeefezu 4:8

Tiito yaatikhiwa yoori: “Wakathi aweliyeevo pinkuuni, awaathuula anamafukiwa awaatta na khuwenkha tthuvo atthu.”

Akoloosu 2:15

na paata ya oshintta owahi na ofwalume, khuretta nsapo vamwanttiwa, ashinttaka khwa epo zaya vansalapa.

Meepereewu 2:18

Etthiipo, ye ahoowiyeeyo wakathi azayiniweevo, onaaye owahi wa owaawuni apale anzayiniwaaye.

Meepereewu 5:7

Wakathi opule Yinsa aari vathi, aarettiye nkhuwo eettaka olila alompaka na oveka khwa Nluku otule aari owahaaye omuusuru muufwa. Nluku khusiila oveka wawe, mwaasa wa ojinkha wawe.

1 Yaahaya 3:10

Etthiipo phi anjuweyaavo apale eeyiye aana a Nluku na apale eeyiye aana a sheethwani: otule ahineettettisaaye shariya oto khahi wa Nluku na otule ahinimphetaaye ttwiiye pi etthiipo.

1 Yaahaya 3:8

Otule anrettaaye twampi oto ntthu wa sheethwani, maana sheethwani namaretta twampi thanku omwanzo. Ti swapwapu yooperekhiwa Mwaana wa Nluku yoori ate apweche khaazi za sheethwani.

1 Yaahaya 5:5

Paani aniwahaaye oshintta olumwenku? Otule akhupaliyeeyo yoori Yinsa mwaana wa Nluku paasi.

Othoonyeziwa 12:17

Jahanamu khwiiya wawiiphiiriwa ti muukha otule na khulawa wuumana ojama opule wa muukha waasaliyeeyo, apale anshututelaaye oruma wa Nluku na aniiyaaye awaamineya khwa oshaahiti wa Yinsa.

Othoonyeziwa 13:7

Khwinkhiwa owahi wa wuumanana attakatthiifu na owaashintta. Enkhiwe ofwalume khwa mahimo, atthu, luuka na khapila zooshi.

Othoonyeziwa 2:10

Mwihoove etthu enttelaaye wuuhoochani nasaapi eti. Sheethwani oniweeselela akina a mweeyo nkalapooso yoori aweezeni, na mwinteela ohoowa monkoni wa olupatthiwa khwa siikhu khumi. Mwiiye awaamineya mpakha ofwa, na miiyo kintta owinkhani jarata ya ohaayi.

Othoonyeziwa 20:10

Epiliisi otule aari owaahataaye, khweeseleliwa vantthatta la moottho onkholelaaye oka, okhule yeeseleliweewo nyama yawoopisa na napiyu woojipanka. Yo anlawa oopopisiwe osikhu na nthana khwa mileele.