Mwanzo 28:14 - Hapari Zooshapweya

¹⁴ Ojama awo onteela wiiya yawaatta nkhama mishaka za vathi, onteela omwazeyela okhu lintupweelaawo njuwa, lintthamuwaawo njuwa, kashikhazini na kusini. Khwa weeyo na ojama awo khapila zooshi za voolumwenku enteela oparikhiyiwa.

Mwanzo 28:14 Mawu Ofanana

Mwanzo 12:3

Kiniwaaparikhiya apale anuuparikhiyaaye, na kininlaani otule anuulaanaaye. Khwa weeyo enteela wiiya zooparikhiyiwa khapila zooshi za voolumwenku.”

Mwanzo 13:14

Paata ya Loothi olawa, Nnyizinku khumuuza Eburamu araka: “Olanse maasho awo attaapho oriivo, weekese kashikhazini na kusini, na okhu lintthamuwaawo njuwa mpakha lintupweelaawo njuwa.

Mwanzo 13:15

Tuniya eto yooshi onoonaaye kinteela owinkha weeyo na ojama awo mileele.

Mwanzo 13:16

Kinteela waattisa ojama awo nkhama mishaka za voolumwenku, nkhama etthiipo ahinteelaaye wiiyavo ntthu wa waalaka mishaka za voolumwenku, na ojama awo khunteela waalakeya.

Mwanzo 18:18

Eburahiima onteela wiiya paapa woomathi nwulweene wa owahi; khwa ye, kinteela oparikhiya khapila zooshi za voolumwenku.

Mwanzo 22:17

khweele, kinteela wuuparikhiya na kiwinkhe ojama wa waatta nkhama matthottowa ootulu na mishaka za mmattima, yo anteela othuula nti wa maatuwi aya.

Mwanzo 22:18

Atthu ooshi a voolumwenku anteela oparikhiyiwa, mwaasa wa ojama awo, maana weeyo wakishututela.”

Mwanzo 26:4

Kinttela waattisa ojama awo nkhama matthottowa ootulu, na kinttela owinkha tuniya yooshi eti. Mwaasa wa ojama awo, khapila zooshi za va tuniya zinttela wiiya zooparikhiyiwa,

Mwanzo 32:12

Ila weeyo wakaahiti yoori onttela okeettettisa saana, na waattisa ojama aka nkhama mishaka za mmattima epi zihinaalakeyaaye.”

Mwanzo 48:16

Nlayikha ntthi likilaziyeemo nkatthi wa vitthu zootakhala, liwaaparikhiye asimaana apa. Khwa yo livuwisiwe nzina laka na mazina a apapazaku, Eburahiima na Esiyaakha, eeyane ojama wa waatta va tuniya.”

Mwanzo 48:19

Ila papaawe khuhitakhi khuri: “Miiyo kinjuwa mwanaka etthu kinrettaaye. Manaase onttela wiiya khuntti khuluyeene na onteela wiiyana ojama wa waatta, ila ttwiiye otu nttiitthi onteela onziti ye, ojama awe onttela wiiya khuntti yawaatta.”

Matewuzhu 8:11

Miiyo kiniwuuzani, atthu enkeene a khipula na okhu lintthamuwaawo njuwa, anttela wiikhala va meeza na Eburahiima, Esiyaakha, Yaakhumpa muufwalume wa pinkuuni.

Khaazi 3:25

Mweeyo mwaanamarithi a manapiyu na wahati Nluku aarettaniyeeyo amarehemu apapazenu, ye aamuuziye Eburahiima yoori: ‘Khwa peewu yawo atthu ooshi a voolumwenku anttela wiiya ooparikhiyiwa.’

Akaalata 3:16

Nkhama etthiipo amwahitiyeeyo Eburahiima na ojama awe. Nttakhuzi la Nluku khalilupeeni yoori “na ajamaaze” nkhama liniwaalupaaye atthu awaatta channu, ila “na ajamaaze”. Eto enthoonyeza yoori laari onlupa ntthu mmote, Al-Masiihu.

Akaalata 3:8

Zawaatikhiwa zooniye raku yoori Nluku aari oteela owaahakikhi amalapo khwa amini, ohinafiye wakathi aya, aamuuziye hapari Eburahiima, araka: “Khapila zooshi zinteela oparikhiyiwa mwaasa wa weeyo.”

Ayeefezu 1:3

Attitthimisiwe Nluku Paapa wa Mbwana eetthu Yinsa Al-Masiihu, aniparikhaniyeeyo nasipu zooshi za parakha za nroho za pinkuuni khwa Al-Masiihu.

Othoonyeziwa 7:4

Aphano kisiila thamani ya apale apharisiiweeyo: Alufu miiya na arupayiini na nne, khwa mahimo ooshi a Ezirayiilu.

Othoonyeziwa 7:9

Paata ya toowo keekesa, koona khuntti khuluyeene yahaari owahaaye waalakeya, khwa khapila zooshi, mahimo, atthu na luuka, ziri omaasho wa khukulu na ya Pwittipwitthi, ewaliye kuwo zoolakala na ekholeliye virapi za mirita mmakhono mwaya.