Mwanzo 28:10 - Hapari Zooshapweya

¹⁰ Yaakhumpa khulankha Beeresheba khusala alawa Harani.

Mwanzo 28:10 Mawu Ofanana

Mwanzo 11:31

Teera khulankha sitati ya Wuuri, nti wa Babilooniya, eettaka Kanaani. Alawaka khunthuula mwanawe Eburamu na ntuuluwe Loothi, mwaana wa Hara, vamote na nkhwewe Suhuriiya, muukha wa Eburamu. Ila afiiyeevo sitati ya Harani khuhivikani, khwiikhala ottuukho.

Mwanzo 12:4

Eburamu khulankha khusala alawa nkhama etthiipo Nnyizinku anrumiyeezo. Ye aalawiye vamote na Loothi, wakathi aliyeewo Harani aari oretta arina nyaakha saapiini na mithaanu.

Mwanzo 12:5

Khunthuula muukhaawe Suhuriiya na Loothi mwaana wa ttwiiye, na maali zawe zooshi aariinaazo, vamote na amwiitthwaana awe aawaapatthiyeeyo Harani, khusala alawa Kanaani. Khufiya tuniya ya Kanaani,

Mwanzo 26:23

Attaaphale Esiyaakha khulawa Beeresheba.

Mwanzo 27:43

Apho weeyo mwanaka osiile eti kiniwuuzaaye. Otthire nasaapi ethiiti, weette wa nlupwaaka Labani aniikhalaaye nti wa Harani.

Mwanzo 29:4

Yaakhumpa khuwoozela amakhampuzi apale araka: “Mweeyo attwiizaku, mwa a vayi?” Yo khujipu araka: “Fweeyo nti eetthu Harani.”

Mwanzo 32:10

akinsuhi pheta yawo yawaamineya khwa nanna okikholiyeezo, miiyo karumeya awo; wakathi kaari olokhaavo muuttho Yorotaani miiyo kaathuuliye pakhora yaka paasi, aphano kapattha khuntti piiri za atthu na nyama.

Mwanzo 35:1

Nluku khumuuza Yaakhumpa yoori: “Olankhe olawe Beetele weekhale ottuukho, wanjekewo alitaari wa Nluku otu oopuweleliyeeyo wakathi waari ontthiraavo ttwiiyo Ezawu.”

Mwanzo 35:7

Khunjeka alitaari, puuro yaya etile khutthajavo nzina la Nluku wa Beetele mwaasa yoori Nluku aajithoonyeziye attaaphale wakathi opule Yaakhumpa aari ontthiraavo ttwiiye.

Mwanzo 46:1

Ezirayiilu khuthuula vitthu zawe zooshi aariinaazo, khulawa mpakha Beeresheba. Noofiya okhule, khuretta twaha anrettelaka Nluku aari omwaaputwaaye papaawe, Esiyaakha.

Khaazi 25:13

Ziviriyeevo siikhu vattitthiiru mfwalume Akiriipa na Bereniisi khulawa Sezareeya yoori anchelise Feeshitu.

Khaazi 7:2

Shiteevawu khujipu araka: “Attwiizaku na apapazaku, mwisiileze! Nluku wa siifwa ampuweleliye Eburahiima, papeetthu, wakathi ari nti wa Mezapotaamiya ahinalawe wiikhala Harani,