Mwanzo 27:41 - Hapari Zooshapweya

⁴¹ Ezawu khwiiphiiriwa ti ttwiiye mwaasa wa parakha etile enkhiweeyo ti papaawe. Khusala oopuwela toono: “Siikhu za matthaka a paapa ziri kharipu. Amana afwa miiyo kintta omuula ttwiiyaku Yaakhumpa.”

Mwanzo 27:41 Mawu Ofanana

Mwanzo 27:42

Wakathi asiiliyeevo Rapekha mattakhuzi apale aari ottakhulaaye mwanawe otu wamwanzo Ezawu, ye khunkhuwela mwanawe Yaakhumpa otu nttiitthi aya khumuuza yoori: “Woone, shawuri ariinaazo Ezawu pi zootakha owuula.

Mwanzo 32:11

Okuusuru mmakhono wa ttwiiyaku Ezawu, maana kinimoova oteela okuula vamote na aakha apa na asimaana.

Mwanzo 32:3

Yaakhumpa khuwaaruma akarumeya awe yoori alokoze wa ttwiiye Ezawu nti wa Seyiiri tuniya ya Edomu.

Mwanzo 32:6

Akarumeya apale khurutela wa Yaakhumpa khumuuza yoori: “Naalawiye mpakha wa ttwiiyo Ezawu. Nanlikha eettaka ota, ontana atthu awe miiya nne oteela okutthanana weeyo.”

Mwanzo 35:29

Afwa ari wa wuuluvala arina nyaakha za waatta, aanaawe Ezawu na Yaakhumpa khunzikha.

Mwanzo 37:18

Attwiize noomoona eettaka ota, ari peetiwene ahinawaafiyele khuwaza shawuri zoomuula.

Mwanzo 37:4

Attwiize nawoona yoori oniiya oophetiwa ti papaaya zayita yo, khwaaza wiiphiiriwa ti ye khuhisala awahi onttakhulana saana.

Mwanzo 37:8

Attwiize khumuuzela yoori: “Apho niri weeyo onttela wiiya mfwalume eetthu fweeyo? Ama niri ti weeyo onttelaaye onilokozela?” Khutepa wiiphiiriwa mwaasa wa jozi etile na mattakhuzi awe.

Mwanzo 50:15

Noofwa papaaya, attwiize Yuusufu khuri: “Talili Yuusufu khana liphuta varoho vawe mwaasa wa vitthu epile nanretteliyeezo zootakhala, naye khanteela onirettela etthiipo?”

Mwanzo 50:2

Elottelanaka khuwooza anamajisa thiipa awe yoori anvaaze thiipa ya paalasamu papaawe yoori ahivutte; yo khuretta etthiipo.

Tiitu 3:3

Waarivo wakathi na-fweeyo naari alolo, anamakhijili, meekhazi eetthu aari ottettekhiwa na oorettiwa oovitthwaana ti wakhula jaati ya tuvela na zootakha zeetthu. Naari wiikhala nkatthi wa vitthu zootakhala na nrima, niiphiranaka mmote na nzeetthu.