Mwanzo 26:12 - Hapari Zooshapweya

¹² Esiyaakha khulima nshapa lawe nti otthuupule, mwaasa wa Nnyizinku omparikhiya mwaakha otthuupo khuurula vitthu swaafu miiya zooziti epile aazaliyeezo.

Mwanzo 26:12 Mawu Ofanana

Mwanzo 24:1

Eburahiima aarettiye ooluvaliye arina nyaakha za waatta, Nnyizinku amparikhiyiye khwa zooshi.

Mwanzo 24:35

Nnyizinku amparikhiya venkivene, amwinkha maali khwiiya woojuwanikha; onaaye pwittipwitthi na mompe, feeta na weero, akarumeya aalume na aakha, enkamiiya na apuuru.

Mwanzo 25:11

Paata ya Eburahiima ofwa, Nluku khuparikhiya mwanawe Esiyaakha. Esiyaakha aari wiikhala kharipu ya Beeri-Laayi-Rooyi.

Mwanzo 26:29

Osiilana waya pu opu: Olaphe yoori khunnirettela zootakhala nkhama etthiipo fweeyo nihuuretteleeni, noorettela zooshapweya na khuulikha olaawo na heeri. Weeyo o wooparikhiyiwa ti Nnyizinku.”

Mwanzo 26:3

Ottuukho miiyo kinttela wiiya vamote na weeyo na kinttela wuuparikhiya. Weeyo na ojama awo kinttela owinkhani nti opo wooshi, kilipiselaka wahati opule kaalaphiyeeyo kimwaahitaka papaawo Eburahiima.

Mwanzo 30:30

Miiyo kihinate nyama zawo zaari vattitthiiru leelo pi zawaatta. Nnyizinku ooparikhiyani mwaasa wa miiyo. Khi ajamaazaku kinttela owaatthantta lini?”

Matewuzhu 13:23

Ila etile yaakweliyeeyo vahali wooshapweyavo pi apale ansiilaaye nttakhuzi khuweeleya, khwiima mishumo miiya, khwiima siithiini, talaathiini khwa muutthi mmote.”

Matewuzhu 13:8

Kiina khukwela vanshaka wooshapweya, khwiima mishumo zooshapweya, miiya, mikina siithiini, mikina talaathiini wakhula mmote!

Maaruku 4:8

Kiina khukwela vanshaka wooshapweya, khoottha, khuwula na khwiima mishumo zooshwapweya, talaathiini, siithiini na mpakha miiya wakhula mmote.”

1 Akorintiyu 3:6

Miiyo keetta ozala, Apoolu khukhuwari, ila Nluku ti anwulisaaye.