Mwanzo 25:18 - Hapari Zooshapweya

¹⁸ Ojama awe weekhaliye waaza Havila mpakha Shuuri kharipu na Misuri tarikhi ya weetta Ashuuru. Yo aari woohisiilani na ojama nkina wa Eburahiima.

Mwanzo 25:18 Mawu Ofanana

Mwanzo 16:12

Ye onteela wiiya nkhama puuru wa ntthuttu; onteela wiiya muumani wa atthu ooshi, na yo anteela wuumana na ye, na onteela wiiya wa waattuwana na attwiize.”

Mwanzo 20:1

Eburahiima aalankhiye Manre khulawa nti wa Nikeepu, khwiikhala enakatthinakatthi ya Kateeshi na Shuuri. Khuthamela theenya nti wa Keraari.

Mwanzo 21:21

Aari wiikhala n'yaara ya Parani, mamaawe khumweekesela muukha wa Misuri khunlooza.

Mwanzo 14:10

Nttapo la Siitimu laarina milipu za waatta za piriniisi. Wakathi aari otthiraavo afwalume a Sotooma na Komoora, anajanka aya eetta okwela mmilipu, apale akinoko aya khutthirela nnyaako.

Mwanzo 13:10

Loothi khulansa maasho awe khoona nttapo la muuttho Yorotaani lihiniishaaye maati liri looripelela mpakha nti wa Zowaari. Nttapo ntthile laari nkhama woorotha wa Nnyizinku, na loolattanana tuniya ya Misuri. Wakathi aya opo Nnyizinku aarettiye ahinapweche nti wa Sotooma na Komoora.

Mwanzo 10:29

Ofiiri, Havila na Yobaabu, ooshi apa aana a Yokitaani.

Mwanzo 10:7

Aana a Kuushi aari apa: Seepa, Havila, Saapita, Raama na Sapiteeka. Aana a Raama aari apa: Sheeba na Dedaani.

Mwanzo 2:11

Wamwanzo oniitthiwa Pishoni, opo wazukulela nti wooshi wa Havila, ohali ziriiwo weero.

Mwanzo 21:14

Mmeesho mwaya, Eburahiima khuthuula phaawu na ttompwiyo ya maati, khunvikelisa Hajira khunleeza vamote na mwanawe. Yo khusala alawa ajeettettelaka n'yaara ya Beeresheba ahijuwaka ohali anttaawo.

Mwanzo 16:7

Nlayikha la Nnyizinku khunsikana Hajira n'yaara eemeliye kharipu na naattuuttu wa maati aattameliyeeyo tarikhi ya Shuuri.

Olaawo 15:22

Aphano Munsa khuwaalokoza meezirayiilu waaza pahari yookhuttuwa mpakha n'yaara ya Shuuri. Siikhu ttatthu eettaka weettetta n'yaara ahipatthaka maati.