Mwanzo 24:40 - Hapari Zooshapweya

⁴⁰ Ye khukijipu yoori: ‘Nnyizinku otu kininrumeyelaaye ontta operekha nlayikha luulokoze, na ontta oparikhiya safwari yawo yoolawa omweekesa muukha wa wiiya jamaayaku na wa vaje wa apapazaku yoori ate araliwe ti mwanaka.

Mwanzo 24:40 Mawu Ofanana

Mwanzo 17:1

Wakathi Eburamu afiiyeevo nyaakha tiisiini na tiisiya, Nnyizinku anteeliye khusala amuuza araka: “Miiyo ki Nluku Nwahi zooshi. Weettettele mwentto kintakhaaye miiyo, wiiye ntthu nkemaani,

Mwanzo 24:56

Ye khuri: “Mwihikirupazise maana Nnyizinku ashapweyisa safwari yaka. Mwikilikhe kirutele wa mbwanaaka.”

Mwanzo 24:7

Nnyizinku, Nluku wa pinkuuni akilaza vaje wa apapazaku nti wa ajamaazaku khukaahiti na olapha araka: ‘Nti opu kinttela winkha ojama awo.’ Ye ontta operekha nlayikha lawe yoori luulokoze, omweettele muukha yoori ate araliwe ti mwanaka Esiyaakha.

Mwanzo 48:15

Aphano khumparikhiya Yuusufu araka: “Nluku otu anrumeyeliyeeyo apapazaku, Eburahiima na Esiyaakha, Nluku otu ankishukaaye ohaayi aka wooshi mpakha leelo,

Mwanzo 5:22

Paata yonvokola Methuseela, Enookhi eettetta na Nluku nyaakha miiya ttatthu, khuwaapattha aana akina aalume na aakha.

Mwanzo 5:24

Enookhi eettetta na Nluku. Ye khwaashikha, maana eettiye ophaziwa ti Nluku.

Mwanzo 6:9

Eti hatiithi ya ojama wa Nuuhi. Vakatthi wa atthu ooshi ye paasi ti ye aari ntthu weekhweele na washariya, aari weettettelaaye mwentto wa Nluku.

Zaapuura 1:3

Ye onuupuwa nkhama muutthi woozaliwa nshini wa muuttho: Onraaye amana ofiya wakathi wa wiima khuhivonyeli wiima na mathapa aya khannyaala. Na wakhula etthu anrettaaye eniiya yonlikanela.

Zaapuura 16:8

Maasho aka animweekesa Nnyizinku wakhula wakathi. Ye, ori nkhono nlume aka, akinteela osakhinyeya.

Meepereewu 1:14

Malayikha ooshi khahi rooho zininrumeyelaaye Nluku, aperekhiyeeyo yoori ewaawuni apale anttelaaye opwekherela nusura?

Othoonyeziwa 22:16

“Miiyo Yinsa, kaperekha nlayikha laka yoori liwinkheni mweeyo oshaahiti opu othoonyaka ojama wa Nluku. Miiyo ki Ntathaari na Ojama wa Daawuuda, na ki Phuluvulu.”

Othoonyeziwa 22:8

Miiyo Yaahaya, ki otule asiiliyeeyo na ooniyeeyo vitthu zaya epi. Wakathi kisiiliyeevo na khoona, kikwela nshini wa moolu a nlayikha otule akithoonyeziyeeyo zooshi epile, yoori kaaputu.