Mwanzo 24:35 - Hapari Zooshapweya

³⁵ Nnyizinku amparikhiya venkivene, amwinkha maali khwiiya woojuwanikha; onaaye pwittipwitthi na mompe, feeta na weero, akarumeya aalume na aakha, enkamiiya na apuuru.

Mwanzo 24:35 Mawu Ofanana

Mwanzo 12:16

Eburamu aakholiwe saana ti Firawuuna mwaasa wa muukha otule, khwinkhiwa pwittipwitthi, mompe, amwiitthwaana aalume na aakha, apuuru na khavalo.

Mwanzo 12:2

Kinteela wuuretta wiiya paapa wa ojama wa waatta, kinteela wuuparikhiya na onteela wiiya woojuwanikha, kinteela owaaparikhiya atthu akina mwaasa wa weeyo.

Mwanzo 12:3

Kiniwaaparikhiya apale anuuparikhiyaaye, na kininlaani otule anuulaanaaye. Khwa weeyo enteela wiiya zooparikhiyiwa khapila zooshi za voolumwenku.”

Mwanzo 13:2

Eburamu aari thaajiri nwulweene. Aarina nyama za waatta na feeta na weero.

Mwanzo 24:1

Eburahiima aarettiye ooluvaliye arina nyaakha za waatta, Nnyizinku amparikhiyiye khwa zooshi.

Mwanzo 25:11

Paata ya Eburahiima ofwa, Nluku khuparikhiya mwanawe Esiyaakha. Esiyaakha aari wiikhala kharipu ya Beeri-Laayi-Rooyi.

Mwanzo 25:5

Eburahiima khumwinkha Esiyaakha vitthu zooshi aariinaazo.

Mwanzo 30:43

Khwa etthiipo, ye khwiiya thaajiri nwulweene khwiiyana maphanko awaatta a nyama, akarumeya aakha na aalume, nkamiiya na apuuru.

Mwanzo 49:25

khwa kuvu za Nluku wa papaawo, Nluku Nwahi zooshi. Ye ooparikhiye weeyo Yuusufu na parakha za pinkuuni, na parakha za mmaati ariiye vathi woolumwenku, na parakha za nyama zawaatta na parakha za ovokola.

Matewuzhu 6:33

Apho, mweekese khapula Ofwalume wa Nluku na shariya yaya, na vitthu zooshi mwintta weekezeliwa.

Luuka 12:45

Ila karumeya otule amana eeya wootakhala rooho, ajilupezaka mweenyewe yoori: ‘Mbwanaaka ontta orupaza,’ khusala awaapiya akarumeya apale akina aakha na aalume, ajaka, anywaka na ahapaliwaka,

1 Timootiyu 4:8

Okhomaaza makhonkolo fwayita yaya vattitthiiru, ila emaani ti eriina fwayita khwa zooshi, maana entana nroromelo woohaayi otthuupu na Ahera.