Mwanzo 24:32 - Hapari Zooshapweya

³² Attaaphale Labani khusala alawa na karumeya otule mpakha owawe. Khwiishushiwa mapwattha va enkamiiya epile na khwinkhiwa nyaani yoori zije, na karumeya otule khwinkhiwa maati yoori oose moolu awe na atthu apale aarinaaye.

Mwanzo 24:32 Mawu Ofanana

Mwanzo 18:4

Mwiikhale vamwiivuuli wa muutthi opu mwivumule, antta otiisiwa maati vattitthiiru moose moolweenu,

Mwanzo 19:2

Khuwooza yoori: “Ambwana zaka safwatali, kintakha mwisapuwe owaka miiyo karumeyeenu; moose moolweenu na mwilale, mwilawe meesho supuyeene.” Yo khujipu yoori: “Khinihithajiya, fweeyo ninwahi olala vaparasa.”

Mwanzo 24:33

Nawiisha khutiisiwa etthu yoojiwa khwinkhiwa, ila karumeya otule khuri: “Akinja kihaazeeni olupa etthu kaateeliyeeyo.” Labani khumuuza yoori: “Haya lupa.”

Mwanzo 29:13

Labani noosiila hapari za Yaakhumpa mwaana wa nlupuwe, khusala atthira alawaka okutthanana. Nonsikana khumpatikha, khunthuula khusala alawana owawe. Yaakhumpa khumuuza Labani zooshi epile zanvireliyeezo.

Mwanzo 43:24

Nawiisha khuwaathuula khuwaavirisa nnyupa wa Yuusufu, khuwenkha maati khoosa moolu aya na khwinkha etthu yoojiwa apuuru aya.

Luuka 7:44

Ye khumuuza Simawu anthoonyezaka muukha otule araka: “Onimoona mwanankha otu? Miiyo kata vaje vawo apha khuhikinkhi hatha maati yoori koose moolu aka, ila ye oosa moolu aka na mishozi zawe khukukuttha na nyuuli zawe.

1 Timootiyu 5:10

Eeye muukha woojuwaniwa oretta vitthu zooshapweya, woowaalela saana aanaawe, woomakeleya, ama eeye muukha aari woosakaaye moolu a atthu oottakatthiifu a Nluku, aari owaawunakaaye anamathowiwa na aari okholakaaye khaazi zooshi zooshapweya, othuuto ti aatikhiwe nwarakha ya anamafweliwa pi amanna zaya.