Mwanzo 23:2 - Hapari Zooshapweya

² Khufwa Kiriyati Aarapa oniittheliwaawo Heporooni tuniya ya Kanaani. Eburahiima khusala alila na ojiliza ofwa wa Suhura.

Mwanzo 23:2 Mawu Ofanana

Mwanzo 13:18

Aphano Eburamu khuthamisa heema zawe, khulawa khwiikhala aphale zaariivo miitthi miwulu miwulu nti wa Manre, sitati ya Heporooni. Attaaphale ye khunjekela alitaari Nnyizinku.

Mwanzo 23:1

Suhura eekhaliye nyaakha miiya na eshiriini na sapa.

Mwanzo 23:19

Wakathi enkhiweevo nti aya opule, khunthuula muukhaawe Suhura khulawa khunzikha nlikurakuza la Makhipeela kharipu na Manre eriiye Heporooni, tuniya ya Kanaani.

Mwanzo 24:67

Esiyaakha khunthuula Rapekha khunttha nheema etile yaari ya mamaawe Suhura. Khunrala khwiiya muukhaawe wompheta channu. Aphano Esiyaakha khumpattha ntthu wonkhiza paata yoofwa mamaawe.

Mwanzo 27:41

Ezawu khwiiphiiriwa ti ttwiiye mwaasa wa parakha etile enkhiweeyo ti papaawe. Khusala oopuwela toono: “Siikhu za matthaka a paapa ziri kharipu. Amana afwa miiyo kintta omuula ttwiiyaku Yaakhumpa.”

Mwanzo 35:27

Aphano Yaakhumpa khurutela wa papaawe nti wa Manre kharipu na Kiriyati-Aarapa wiiyiye Heporooni, ohali aari wiikhalaawo Eburahiima na Esiyaakha.

Mwanzo 37:14

Papaawe khumuuza: “Wawoone nkhama akumi na nyama zaya, ote okuuze.” Yaakhumpa oninrumaru aarettiye ari mmajokowa wa Heporooni, Yuusufu khulankha khusala alawa Shekemu.

Mwanzo 50:1

Yuusufu khumwiinamela papaawe omaasho wawe khumpejari khusala alila.

Mwanzo 50:10

Afiiyeevo nti wa Ataati oriiye phantte ya okhu lintupweelaawo njuwa ya muuttho Yorotaani, khwiikhala siikhu sapa Yuusufu ari mmatthaka wa papaawe eettaka olila.

Yaahaya 11:31

Mayaahuuti aari nnyupa na Mariyamu, aateliyeeyo onzuru, khusala oopuwela yoori ye aari weetta ovilalo yoori alile ottuukho. Na yo khulankha khusala anlotta.

Yaahaya 11:35

Yinsa khulila.

Khaazi 8:2

Alume akina ooshapweya rooho khunthuula Shiteevawu khulawa khunzikha eettaka onlilela channu.