Mwanzo 22:2 - Hapari Zooshapweya

² Nluku khumuuza araka: “Onthuule mwanawo Esiyaakha, othuuto mmote oriinaaye onimphetachaaye, olawe mpakha nti wa Moriya, vamwaako oriiye ottuukho kinttelaaye wuuthoonyeza, onrette twaha yoolukuziwa.”

Mwanzo 22:2 Mawu Ofanana

Mwanzo 17:19

Ila Nluku khunjipu: “Miiyo kiniwuuza khweele yoori, muukhaawo Suhura onteela ompattha mwaana, ontthaje nzina la Esiyaakha. Kinteela oshuka wahati aka na ye, na ojama awe ontaaye khwa mileele.

Mwanzo 21:12

Aphano Nluku khumuuza Eburahiima yoori: “Ohizinkireye mwaasa wa mwanawo na njaazi awo, osiileze etile anlupaaye Suhura, mwaasa yoori ojama awo onttela olankha vakatthi wa Esiyaakha.

Mwanzo 21:3

Mwaana otule aavokoliweeyo ti Suhura, Eburahiima khuntthaja nzina la Esiyaakha.

Mwanzo 22:12

Khumuuza yoori: “Ohimwaavulele eesu shaapu oto, na ohinrettele hatha etthu. Aphano kinjuwa yoori onimoova Nluku, mwaasa woohikikhattazi mwanawo mmote othuuto oriina.”

Mwanzo 22:16

Khumuuza yoori: “Miiyo Nnyizinku, kinjilaphelela ki mweenyeweru, mwaasa weeyo oretta etile kiwuuziyeeyo, ohikikhattazi mwanawo mmote paasi oriinaayo,

Mwanzo 22:3

Ye khulankha mmeesho mwaya lifwajiri khunthuula puuru awe, khuwaathuula akarumeya awe awiri na mwanawe Esiyaakha. Khurema khuuni zoolawa orettela twaha yoolukuziwa, khusala alawa ottuukhule Nluku aamuuziyeewo.

Mwanzo 22:9

Noofiya ohali okhule aathoonyeziweewo ti Nluku, khunjeka alitaari vatulu vaya khuthatelavo khuuni. Khunfuka mwanawe Esiyaakha khunttha vatulu wa khuuni.

Mwanzo 8:20

Nawiisha, Nuuhi khunjeka alitaari woorettavo twaha yoomwinkha kafwara Nnyizinku. Ye khuthawula nyama epile kinoko zaya za halaali, na anyannyi a halaali akinoko aya, khushija, khulawa khuretta twaha yoolukuziwa valitaari.

Yaahaya 3:16

“Khwa nanna etthiipo Nluku apheta olumwenku afiyelela onleva Mwanawe mmote paasi, yoori wakhula otule aninkhupalaaye ahipwetheye ila eeyane ohaayi wa mileele.

Arooma 5:8

Ila Nluku onthoonyeza pheta yawe khwa fweeyo, Al-Masiihu anifwela fweeyo nalelo niri anatwampi.

Arooma 8:32

Othuuto ahimwiinaneleeni Mwanawe, anvahiyeeyo khwa fooshi fweeyo, khi enttela orettikhana toovi ohininkhi vamote naye vitthu zooshi?

Meepereewu 11:17

Khwa amini, Eburahiima wakathi oototiweevo ti Nluku, anvahiye mwanawe Esiyaakha nkhama twaha; otule ampwekhereliyeeyo khwa ahiti, aasaleliye onretta twaha mwanawe mmote paasi,