Mwanzo 22:11 - Hapari Zooshapweya

¹¹ Ila nlayikha la Nnyizinku khukhuwa pinkuuni liraka: “Eburahiima! Eburahiima!” Ye khujipu: “Lapeekha!”

Mwanzo 22:11 Mawu Ofanana

Mwanzo 16:7

Nlayikha la Nnyizinku khunsikana Hajira n'yaara eemeliye kharipu na naattuuttu wa maati aattameliyeeyo tarikhi ya Shuuri.

Mwanzo 21:17

Nluku khusiila theenya huula ya mwaana otule eettaka olila. Nlayikha la Nluku khukhuwa pinkuuni linkhuwelaka Hajira, khumuuza yoori: “Wakafilikhela ni Hajira? Ohoove, Nluku asiila huula yawe mwaana oto alilaka vahali ariivo.

Mwanzo 21:18

Nlawe, onlanse mwanawo onkholele nkhono, phantte yawe kinteela waattisa omathi awe.”

Mwanzo 22:1

Paata yoovira nyaakha, Nluku aamweeziye Eburahiima, khunkhuwela araka: “Eburahiima!” Ye khujipu yoori: “Lapeekha!”

Mwanzo 22:10

Khuthuula eesu, khulansa makhono awe yoori antwahi mwanawe.

Mwanzo 22:12

Khumuuza yoori: “Ohimwaavulele eesu shaapu oto, na ohinrettele hatha etthu. Aphano kinjuwa yoori onimoova Nluku, mwaasa woohikikhattazi mwanawo mmote othuuto oriina.”

Mwanzo 22:16

Khumuuza yoori: “Miiyo Nnyizinku, kinjilaphelela ki mweenyeweru, mwaasa weeyo oretta etile kiwuuziyeeyo, ohikikhattazi mwanawo mmote paasi oriinaayo,

Mwanzo 24:7

Nnyizinku, Nluku wa pinkuuni akilaza vaje wa apapazaku nti wa ajamaazaku khukaahiti na olapha araka: ‘Nti opu kinttela winkha ojama awo.’ Ye ontta operekha nlayikha lawe yoori luulokoze, omweettele muukha yoori ate araliwe ti mwanaka Esiyaakha.

Mwanzo 31:11

Nlayikha la Nluku khukikhuwela muulottha liraka: ‘Yaakhumpa!’ Miiyo khujipu: ‘Lapeekha!’

Mwanzo 37:13

Aphano Ezirayiilu khumuuza Yuusufu araka: “Attwiizo anshukisa nyama kharipu ya Shekemu. Apho kintakha yoori weeyo olankhe olawe ottuukho.” Ye khujipu yoori: “Kemaani, kasiila paapa.”

Mwanzo 46:2

Nluku anteeliye Ezirayiilu osikhu nkatthi wa jozi khusala ankhuwela araka: “Yaakhumpa! Yaakhumpa!” Ye khujipu yoori: “Lapeekha!”

Mwanzo 48:16

Nlayikha ntthi likilaziyeemo nkatthi wa vitthu zootakhala, liwaaparikhiye asimaana apa. Khwa yo livuwisiwe nzina laka na mazina a apapazaku, Eburahiima na Esiyaakha, eeyane ojama wa waatta va tuniya.”

Olaawo 3:2

Attaapho khumpuwelela nlayikha la Nnyizinku va nlimi la moottho waari olankhaaye vakatthi wa muutthi. Munsa khweekesa khoona yoori moottho weetta okholela ila muutthi opule khawaari olukula.

Olaawo 3:4

Nnyizinku khumoona yoori ye eetta waattama muutthi opule, olawa woona, Nluku khunkhuwela enakatthi-nakatthi ya muutthi otthuupule araka: “Munsa! Munsa!” Ye khujipu araka: “Lapeekha!”

Khaazi 26:14

Fooshi khukwela vathi. Aphano keetta osiila huula yaari okuuzaaye khwa luuka ya aramaayiku yoori: ‘Sawulu, Sawulu, onikilupatthela ni? Weeyo amana weekesa ohijali puutta ontta ojoonisa olwaaza omweenyewe.’

Khaazi 9:4

Aphano ye khukwela vathi, khusiila huula yaari oraaye: “Sawulu, Sawulu, niini onikilupatthelaaye?”